4.1 KiB
Eta Ang ke Bonabole
Jodi tumar basa ke agei pora likhanai, tetia tumi eta ang ke bonabole lagibo karone junto tumi likhibole. Tate bisi ginis khan ase bhabona koribole ketia eta ang ke bonabole, aru bhal ekta bonabole bisi digdar ase. Jodi eitu ke bisi digdar dikhile, tumi eta awas laga anuvad koribole pare likha laga pora.
Ekta bhal ang laga icha to ekta chithi thakibole tumar basa laga sob alak awas ke dikhabole.
Jodi ekta parosi laga basa logote poila pora eta ang ase, aru jodi eitu basa logote eki awas khan ase tumar basa te, eitu bhal pora kaam koribo taikhan laga ang ke lobole. Jodi nohoile, tetia dusra bhal ginis ang ke rashtreey laga basa pora lobole junto tumi skool te shikise. Hoilebi, eitu tumar basa logote awas khan ase junto rashtreey laga basa nohoi, aru karone eitu digdar ase eitu ang ke cholabole tumar basa laga sob awas khan ke dikhabole. Eitu mamla te, eitu bhal ase sob awas laga bhabona koribole tumar basa te. Rashtreey basa laga ang ke khagos laga tukra te likhibi upor pora majote. Tetia ekta kotha ke tumar basa pora likhibi sob chithi laga dusra phale junto eitu awas logote suru kore nohoile eitu te awas thaka. Chithi ke chinha koribi junto sob kotha khan te awas kore.
Tate chithi khan thakibo rashtreey laga ang te thakibo junto tumar basa nacholai. Eitu bhal ase. Etia eitu kotha khan pora awas khan laga bhabona koribi junto tumi digdar thakise likhibole, nohoile junto tumi ekta chithi ke napabo. Jodi awas ekta awas logote eki ase junto tumi ekta chithi ke paese, tetia tumi bodli koribole pare junto chithi dusra awas ke dikhai thaka. Udahran te, jodi tumi logote ekta awas ase “s” pora dikha laga, aru ekta eki awas junto tate eku chithi nai, tumi chinha ke halibole pare chithi logote eki awas nimite, junto halibole’ nohoile ^ nohoile ~ uporte. Jodi tumi tate awas khan laga bhir paile junto sob logote eki kisim laga alak ase rashtreey basa laga awas khan pora, tetia eitu bhal ase bodli koribole junto chithi khan laga bhir khan eki rasta te.
Ekbar tumi eitu kasrat kotom kora te aru eku awas khan ke tumar laga basa te bhabona nokore, ekta kisah likhibole koribi nohoile kiba likhibi junto ulop agete hoise. Tumi likha nisina, tumi hobole pare awas khan ke bisarise junto tumi poila bhabona koranai. Chithi khan ke bhal korise karone junto tumi eitu awas khan ke likhibole. Eitu awas khan ke halibi likha khan te tumi poila bonaideya te.
Tumar awas khan laga ke loijabi tumar basa laga dusra vakta khan logote kun bhi rastreey laga basa ke purhise aru saise taikhan eitu laga ki bhabona kore. Taikhan ekta alak rasta ke salah koribole pare bhal koribole kunuba chithi khan junto sadahran nohoile asan ase purhibole. Aru eitu dusra manuh ke kisah dikhabi tumi likhi kena aru taikhan ke purhibole shikaise tumar kotha khan laga likha khan te koa aru chithi-laga awas khan. Jodi taikhan eitu ke asani pora purhibole shikile, tetia tumar laga ang bhal ase. Jodi eitu digdar ase, tetia tate ang laga hissa khan thkaibo junto etiabhi kaam koribole lage, nohoile tate alak awas khan thakibo junto ke eki chithi pora dikhaise, nohoile tate kunuba awas khan junto tumi etiabhi chithi khan ke pabole lage.
Eitu bhal ase kaam ke eitu laga ang te suru koribole eki logote tuma basa laga dusra vakta khan logote kun purhibole bhal ase rashtreey laga basa te. Tumi alak awas khan ke kotha koribo aru ekdom bhal rasta te bhabona koribo taikhan ke eki logote dikhabole.
Jodi rashtreey laga bas ake likha khan laga cholaise Roman laga ang pora, tetia alak dagi khan laga bhabona koribi junto tumi cholabole pare chinha khan ke bhal koribole karone junto taikhan tumar basa laga awas khan ke dikhabole. Eitu bhal ase jodi tumi chinha khan ke dagi korile junto ke computer te dibole pare. (Tumi likha khan ke ekta kotha te porikha koribole pare nohoile keyboard khan anuvad laga Keyboard.http://ufw.io/tk/) Jodi tumi modot lage ekta keyboard ke bonabole, eta email laga anurodh ke pothabi help@door43.org. Ketia tumi chinha khan ke cholabo jnuto ke ekta computer laga keyboard te cholabo, tetia tumar laga anuvad ke halibo, likhibo, aru dibole, aru tetia manuh eitu ke eku daam nathakena pabo aru eitu ke foli khan nohoile cell phone khan te purhibo.