3.4 KiB
Thik Anuvad khan
Bible laga thik anuvad bonabole mane junto anuvad eki sandesh ke jonani kore. Yate kunuba jabole laga ase piccha koribole:
- Ekta maarg laga motlob ke bisaribi.
- Dangor bhabona ke janibi.
- Likha manuh laga sandesh ke dimak te rakhi kena anuvad koribi.
Motlob ke Bisaribi
Prothom, sob maarg ke puribi motlob ke bisaribole. Bible laga duita sanskaran ke cholabi anuvad laga jagah te thaka: *khulideya Kotha laga Likha khan aru khulideya Kotha laga Shaadik Likha khan. Anuvad Kotha aru anuvad laga likha khan laga paribasa ke purhibi.
- Khulideya Kotha laga Shaadik Likha khan* ke prothom purhibi:
Tumi ki laga nogor te ghusilebi, aru taikhan tumike grohon korise, tumi laga agete ki rakha ke khabi, aru bimari ke changai koribi junto tate ase. Taikhan ke kobi, ‘Isor laga raijyo tumi laga usor te ahise.’ (Luke 10:8-9 ULT)
- Khulideya Kotha laga Likha khan* ke sabi anuvad laga modot kora khan te:
Ketia tumi ekta nogor te ghusibo aru manuh tate tumike swagat koribo, taikhan pora tumi nimite ki khoa-loa dile khabi. Manuh ke tate changai koribi kun bimar ase. Taikhan ke kobi, ‘Isor laga raijyo yate ase tumi laga usor te.’ (Luke 10:8-9 UST)
Tumi alak thaka khan ke dikhise? Tate kotha khan kunuba alak khan ase sob Bible laga sanskaran khan cholai thaka.
Tumi motlob ke bisari thaka eki ase? Duita sanskaran khan te Jisu khas salah khan dise, aru taikhan eki salah khan ase. Duita sanskaran khan thik anuvad khan ase.
Dangor Bhabona ke Janibi
Tetia, maarg laga motlob ke bisari loa pachote, tumi dangor bhabona ke janibole lage.
Tumar nijor ke hudibi, “Likha manuh kele eitu likhise, aru tai eitu ginis khan laga ki bhabona korise?”
Luke 10 laga maarg te ako sabi. Tumi kele bhabona kore likha manuh pora eitu likhise? Tumi ki bhabona kore likha manuh bhabona korise tai pora ki likhse? Tumi bhabona korise? Tumi maarg ke bisi bar purhi loa pachote, eitu hudi thaka khna ke jowab dibi:
- Ki hoise? Jisu salah khan khan ke dise.
- Ketia aru kote eitu khan hoise? Eitu hudi thaka laga jowab dibole, tumi yaad koribole lage poila ki hoise. Poila te Luke pora likhise junto Jisu aru chela khan Jerusalem laga rasta te ase, aru vishay 10 Jisu pora bahattar ke manuh ke prosar koribole potha te suru hoise.
- Eitu maarg te kun ase? Jisu aru bahattar manuh tai pora pothaideya.
- Bahattar ke kele pothaise? Bimar ke changai koribole aru sobjun ke kobole junto Isor laga raijyo usor te ase.
Likha manuh laga Sandesh
Hekh te, likha ke thik pora anuvad koribole laga hissa asul darshak aru likha manuh laga sandesh ke bhabona koribole.
Tumi bhabona kore likha manuh logote khas bosto khan ase purhibole khan janibole? Yaad koribi amikhan ki bhabona korise likha manuh laga dangor bhabona khan thakise? Dangor bhabona khan:
- Salah khan junto Jisu pora dise
- Junto bahattar manuh kunke Jisu pora pothaise taikhan logote hokti ase bimar manuh ke changai koribole
- Junto taikhan dusra khan ke kobo junto Isor laga raijyo usor thakise
Eitu asul darshak logote sandesh ase. Eki sandesh ke anumati dibi tumar laga dimak te safa pora ahibole udeshya laga basa te.
Maarg te sabi aru bhabona koribi keneka tumi pora tumar nijor laga basa te ako rakhibo. Eitu suru laga anuvad ke rakhibi eitu ke likhi kena. Eta ang ke cholabi junto tumar laga basa te mili thake.
Yaad: Anuvad ako koise, hobole laga nisina, asul sandesh laga motlob ekta rasta te ase junto udeshya laga sandesh te safa aru prakrti ase.