4.1 KiB
Eta kotha alankaar ase bisi kotha khan pora bona, pura nisina, eitu logote motlob ase junto alak ase ki ekjun pora bojibo ekta kotha khan laga motlob khan pora. Kunuba jun sanskrti laga bahar pora baar-baar eta kotha ke nabojei kunuba jun sanskrti te eitu laga hosa motlob ke bojaikena. Sob basa kotha khan ke cholaise. Kunuba English laga udahran khan:
- Tumi moi laga theng ke tanise (Eitu mane, “Tumi moike ekta missa koise”)
- Lifafa ke nadakabi (Eitu mane, “Ekta mamla ke eitu laga sobse ucha te naloi jabi”)
- Eitu ghor pani niche ase (Eitu mane, “Dhaar eitu ghor nimite thaka asul daam pora dangor ase”)
- Amikhan nogor ke laal korise (Eitu mane, “Amikhan nogor te rati te jaese bisi joldi jashn manai ase”)
Khobor
Eta kotha toh ekta shabh ase junto logote ekta khas motlob ase basa nohoile sanskrti laga manuh logote kun eitu ke cholaise. Eitu laga motlob alak ase ki ekta manuh ekta kotha khan pora motlob ke bojibo junto shabh ke bonaise.
tai bhabona te tar chehera ke rakhise Jerusalem te jabi. (Luke 9:51 ULT)
Kotha khan “tar chehera ke rakhise” eta kotha ase junto mane “bhabona.”
Ketiaba manuh eta kotha ke bojibole paribo dusra sanskrti pora, hoilebi eitu ekta alak rasta nisina hobo motlob ke bayan koribole.
Ami layak ase junto tumi moi laga chhat te ghusibo. (Luke 7:6 ULT)
Kotha “moi laga chhat niche te ghusibi” eta kotha ase junto mane “moi laga ghor te ghusibi.”
Eitu kotha khan tumar kan khan te bitor jabi. (Luke 9:44 ULT)
Eitu kotha mane “Hoshiar pora hunibi aru yaad koribi ki Ami koise.”
Bhabona: Eta kotha ke sanskrti te bonaise hobole pare kunuba ki jokom pora ketia kunuba jun pora kunuba ginis ke eta alak rasta te dikhaise. Hoilebi, ketia eitu alak rasta sandesh ke taqot pora jonani kore aru manuh eitu safa pora bojibole pare, dusra manuh eitu ke cholabole suru koribo. Ulop dheri pachote, eitu kotha kobole sadahran rasta hobo eitu laga basa te.
Karaan khan eitu ekta anuvad laga samasya ase
- Manuh asan pora kotha khan ke nabojibo Bible laga asul basa khan te jodi taikhan sanskrti ke najanile junto Bible ke dise.
- Manuh asan pora kotha khan ke nabojibo junto Bible khan laga basa te ase jodi taikahn sanskrti khan ke najanile junto eitu anuvad khan ke bonaise.
- Eitu kaam nathaka ase kotha khan ke anuvad koribole (sob kotha laga motlob anusar) ketia udeshya basa laga darshak taikhan ki motlob thaka ke nabojibo.
Udahran khan Bible pora
Tetia sob Israel David logote Hebron te ahikena aru koise, “Sabi, amikhan tumar laga mongso aru hardi ase.” (1 Chronicles 11:1 ULT)
Eitu mane, “Amikhan aru tumi eki jati ase, eki khandan.”
Israel laga bacha jaese ucha haath logote. (Exodus 14:8 ASV)
Eitu mane, “Israelite khan kotha manikena jaese.”
<ekjun kun moi laga matha ke uthaise (Psalm 3:3 ULT)
Eitu mane, “ekjun kun moike modot korise.”
Anuvad laga Samaarik
Jodi kotha tumar laga basa te bojibole safa hobo, eitu ke cholabole bhabona rakhibi. Jodi nohoile, yate kunuba dusra chunibole ase.
- Motlob ke safa pora anuvad koribi eta kotha ke nacholaikena.
- Ekta alak kotha cholabi junto manuh tumar nijor laga basa te cholaise junto logote eki motlob ase.
Anuvad Samaarik Halideya laga Udahran khan
-
- Motlob ke safa pora anuvad koribi eta kotha ke nacholaikena.
-
Tetia sob Israel David logote Hebron te ahikena aru koise, “Sabi, amikhan tumar mongso aru hardi.” (1 Chronicles 11:1 ULT)
-
…Sabi, amikhan sob eki des laga ase .
-
tai tar laga chehera ke rakhise Jerusalem te jabole. (Luke 9:51 ULT)
-
Tai Jerusalem te yaatra koribole suru korise, ponchibole mon thaka.
-
Ami layak nohoi junto tumi ghusibole moi laga chhat niche te. (Luke 7:6 ULT)
-
Ami layak nohoi junto tumi ghusibole moi laga ghor te.
- Eta kotha cholabi junto manuh tumar laga nijor basa te cholaise junto logote eki motlob ase.
-
Eitu kotha khan tumar kan khan te bitor jabi (Luke 9:44 ULT)
-
Sob kan khan hobi ketia Ami eitu kotha khan koise.
-
”Moi suku khan ujala nohoa hoise mon dukh pora (Psalm 6:7 ULT)
-
Ami moi laga suku bahar khandise