6.1 KiB
“Jodi sooraj chamki thaka rokhaile…”, “Ki hobo jodi sooraj chamki thaka rokhaile…”, “Sooraj chamki thaka rokhaile…”, “Jodi khali sooraj chamki thaka rokhanai koile.” Ami eitu bayan khan ke cholabo kalpanik halat khan ke rakhibole, bhabona kora ki hobo nohoile ahi thaka somoi te ki hobo hoilebi hobole pare eitu nohobo. Amikhan bhi taikhan ke cholabo bhabona nohoile icha khan ke bayan koribole. Eitu bisi bar Bible te ulaise. Amikhan taikhan ke ekta rasta te anuvad koribole lage junto manuh janibo junto gatna asul te hoanai, aru junto taikhan bojibo kele gatna ke bhabona korise.
Khobor
Kalpanik halat khan halat khan ase junto asul nohoi. Taikhan poila, agi kali, nohoile ahi thaka somoi te hobole pare. Kalpanik halat khan poila aru agi kali laga te hoanai, aru ekjun khan ahi thaka somoi te hobole bhabona nai.
Manuh ketiaba halat khan laga koise aru ki hobo jodi eitu halat khan log paile, hoilebi taikhan jane junto eitu ginis khan hoanai nohoile nohobole pare. (Halat khan kotha ase junto “jodi” logote suru kore.)
- Jodi tai samaaj laga janile, tai ahibo. (Hoilebi tai ahanai.)
- Jodi tai samaaj laga janile, tai yate hobo. (Hoilebi tai yate nohoi.)
- Jodi tai samaaj laga janile, tai ahibo. (Hoilebi tai hobole pare nahibo.)
Manuh ketiaba icha khan ke bayan kore bosto khan laga junto hoanai nohoile junto hobole bhabona nai.
- Ami icha thakise tai ahibole.
- Ami icha thakise tai yate thakibole.
- Ami icha ase tai ahibo.
Manuh ketiaba bhabona khan ke bayan kore bosto khan laga junto hoanai nohoile junto hobole bhabona nai.
- Jodi tai khali ahile.
- Jodi tai khali yate thakile.
- Jodi tai khali ahibole.
Karaan eitu ekta anuvad laga samasya ase
- Anuvad kora khan alak kisim khan laga kalpanik halat khan ke yaad koribole lage Bible te.
- Anuvad kora khan janibole lage taikhan nijor laga basa ase alak kisim laga kalpanik halat khan laga kotha kobole.
Udahran khan Bible pora
- Kalpanik halat khan poila te
“Tumike mon dukh ase, Chorazin! Tumike mon dukh ase, Bethsaida! Jodi asorit kaam kahn Tyre aru Sidon te korile kunto tumike korise, taikhan poila pora taat aru khar khan te mon ghurabole thakise.” (Matthew 11:21 ULT)
Yate Matthew 11:21 Jisu eitu koise jodi manuh Tyre aru Sidon laga poila nogor khan te thaka asorit khan ke sabole parise junto tai korise, taikhan poila pora mon ghurabole thakise. Tyre aru Sidon laga manuh asul te tar laga asorit khan ke dikhanai aru mon bhi ghuranai. Tai eitu koise Chorazin aru Bethsaida ke dhomki dibole kun tar laga asorit khan ke dikhise hoilebi mon ghuranai.
Martha tetia Jisu ke koise, “Probhu, jodi tumi yate thakile, moi laga bhai namoribo thakise.” (John 11:21 ULT)
Martha eitu koise tar laga icha ke bayan koribole junto Jisu joldi ahibo. Hoilebi Jisu joldi ahanai, aru tarr laga bhai morise.
- Kalpanik halat khan agi kali te
< Arubhi, kunu manuh notun draikha ross ke purana draikha laga chamra te halanai. Jodi tai eitu korile, notun draikha ross chamra khan ke bangaidibo, aru draikha ross barbad hoijabo, aru draikha chamra khan nost hobo. (Luke 5:37 ULT)
Jisu koise ki hobo jodi ekta manuh notun draikha ross ke purana draikha laga chamra te halidile. Hoilebi kunubi eitu nokoribo. Tai eitu bhabona laga halat khan ke cholaise eta udahran nisina dikhabole junto tate somoi khan ase ketia eitu budhi nohoi notin bosot khan ke purana bosto khan logote halibole. Tia eitu korise karone junto manuh bojibole kele tar laga chela khan upvas koranai manuh paranpara pora kora nisina.
Jisu taikhan ke koise, “Manuh tate ki hobo tumi laga majote, kun, jodi tai ekta logote khali ekta mer thakile, aru jodi eitu mer ekta bitor chenda te gherile Bisram te, eitu ke nadhuribo aru nauthabo? (Matthew 12:11 ULT)
Jisu dhorm laga solawta khan ke hudise taikhan Bisram te ki koribo jodi taikhan laga ekta mer ekta chenda te gherile. Tai koanai junto taikhan laga mer ekta chenda te gheribo. Tai eitu bhabona laga halat ke cholaise taikhan ke dikhabole junto taikhan golti thakise taike bichar koribole manuh ke Bisram ke changai koribole nimite.
- Kalpanik halat ahi thaka somoi te
< Eitukhan din khan katha nohoa tok, eku mongso nabachibo; hoilebi chuni loa laga morom pora, eitukhan din khan katha hobo. (Matthew 24:22 ULT)
Jisu ahi thaka somoi laga kotha koise ketia bisi ginis khan hobo. Tai pora koise ki hobo jodi eitukhan dukh digdar laga din khan dheri tok hekh hoile. Tai eitu korise dikhabole eitukhan din khan keman beya hobo- bisi beya junto jodi taikhan dheri tok hekh hoile, kunubi nabachibo. Hoilebi tetia tai safa korise junto Isor pora eitukhan dukh digdar laga din khan ke katha koribo, karone junto chuni loa (eitukhan tai bassi loa) bachibo.
- Mon dukh ke bayan kora ekta kalpanik halat laga
Bhabona khan aru icha khan laga bisi eki ase.
Israelite khan taikhan ke koise,” jodi khali amikhan Yahweh laga haath pore morile Egypt laga mati te ketia amikhan mongso pora bohibo aru bhorta pora roti khabo. Tumi moikhan ke eitu jongol te anise moikhan laga pura samudaay ke bukh pora moraidibole.” (Exodus 16:3 ULT)
Yate Israelite khan bhoi thakise taikahn jongol te dukh aru bukh pora moribo, aru karone taikhan icha korise junto taikhan Egypt te thaki kena aru tate bhorta pedh pora moribole. Taikhan shikayat korise, bhabona ke bayan kora junto eitu hoanai.
Ami jane tumi ki korise, aru junto tumi thanda nohoile gorom nohoi. Ami icha kore junto tumi thanda nohoile gorom nohoi! (Revelation 3:15 ULT)
Jisu icha korise junto manuh thanda nohoile gorom bhi hobole, hoilebi taikhan eitu bhi nohoi. Tai pora taikhan ke dhomki dise, eitu khong te bayan korikena.
Anuvad laga Samaarik
Janibi keneka manuh tumar laga basa ke kotha koise:
- junto kunuba ginis hobole, hoilebi hoanai.
- junto kunuba ginis etia hosa hobole pare, hoilebi nohoi.
- junto kunuba ginis ahi thaka somoi te hobole, hoilebi nohobo kunuba ginis bodli nohoa tok.
- junto taikhan kunuba ginis nimite icha korise, hoilebi eitu hoanai.
- junto taikhan bhabona korise junto kunuba ginis hoanai.
Tumar basa laga rasta khan ke cholabi eitu kisim laga ginis khan ke dikhabole.
Tumi bhi video ke sabole mon thakibo http://ufw.io/figs_hypo.