nag_ta/translate/figs-go/01.md

Bhal pora koidia

Bisi bhasa te “jabi” aru “ahibi” to nijor bhasa hisab te cholai thake, aru “lobi” nohoile “anibi” koa bi ineka he cholai thake. Judi kunba pora ekjon ke matise aru tai usorte jai ase koile, English koa manu khan kobo, “Ami ahi ase,” hoilebi Spanish manu khan kobo, “Ami jai ase.” Apni “jabi” aru “ahbi” toh jun phale jabole lage koi ase, itu manukhan ke bujai dibo lage.

Ki nimite itu bodli kura te digdar hoithake

Aha–ja kura laga kotha sob bhasa tea lag pora koithake. Baibel laga bhasa te “jabi,” “ahibi,” “lobi” nohoile “anibi” khan apni laga bhasa pora alag cholai thakibo pare. Judi apni bhasa te itu khan nacholai koile, bhasa bodli kura kotha te likha toh manu ke kot phale jai ase itu bhal pora kobo naparibo pare.

Baibel pora udharankhan

Jehovah pora Noah ke koise, “ Ahibi, apni aru apni laga sob ghor manukhan, nao bhitorte. (Genesis 7:1 ULT)

Kunba bhasa te, Jehovah bi nao bhirote thaka nisina bhabi bo pare.

Kintu apni moi laga kosom pora ajad hobo judi apni moi laga ghor manukhan logote ahibo aru taikhan pora apni ke tai nadi bo. Tetia apni moi laga kosom pora ajad hobo. (Genesis 24:41 ULT)

Abraham tai laga noukar logote kotha koi thaksie. Abraham laga ghor manu khan bisi dur desh te thake, juntu jagate tai aru tail aga noukar khara hoi asile ta-te pora, aru tai pora tailaga noukar ke taikhan logote jabo dibole mon asile, taikhan pora tai phine ahibole nohoi kene.

Jetia tumi laga Isor Jehovah pora tumike dia desh te ahibo, aru jetia tumi itu loikene ta-te thaki jabo…(Deuteronomy 17:14 ULT)

Moses pora jongol te thaka manukhan ke kotha koi ase. Taikhan tetia tok Isor pora dia desh te napunchikene asile. Kunba bhasa te, itu ke ineka koile he bhal hobo, “Jetia tumikhan desh bhitorte jaise…”

Joseph aru Mary taike Jerusalem te Isor usorte dibole nimite anise. (Luke 2: 22 ULT)

Kunba bhasa te, itu ke ineka koile he bhal hobo, Joseph aru Mary pora Jisuke Temple te loi jaise nohoile <>dhurikene loi jaise.

Aru tate ekjon manu thakise tai laga nam Jairus, tai synagogue laga solawta thakise. Jisu laga paw te giri jaise, aru Jisu ke tai laga ghor te ahibole anurot korise. (Luke 8:41 ULT)

Jetia utu manu Jisu ke kotha koise tai toh tailaga ghor te thaka nahoi.

Aru eitu din piche, tai laga maike Elizabeth, bacha bukhise, aru panch mohina tak tai bahar te ja- nai aru lukaikene rakhise, aru koi thakise. (Luke 1:24 UST)

Kunba bhasa te, ineka koile he bhal hobo Elizabeth toh manu khan usorte baharte ja- nai.

Bodli kuribole laga rastakhan

Judi ULT pora dia kotha ke bhal pora buje koile itu he cholabi. Nohoile dusra rasta khan ase.

1. “jabi,” “ahibi,” “lobi” aru “anibi” itu kotha khan ke nijor bhasa hisab te ki bhal ase ineka likhibi.
2. dusra kotha kuntu pora itu laga asol motlob kobo pare, itu cholabi.

Bodli kura laga rastakhan chola laga udharan khan

1. “jabi,” “ahibi,” “lobi” aru “anibi” itu kotha khan ke nijor bhasa hisab te ki bhal ase ineka likhibi.

• ** Kintu apni moi laga kosom pora ajad hobo judi apni moi laga ghor manukhan logote ahibo aru taikhan pora apni ke tai nadi bo. (Genesis 24:41 ULT)**

• Kintu apni moi laga kosom pora ajad hobo judi apni moi laga ghor manukhan logote jabo aru taikhan pora apni ke tai nadi bo.

• **Aru eitu din piche, tai laga maike Elizabeth, bacha bukhise, aru panch mohina tak tai bahar te ja- nai aru lukaikene rakhise, aru koi thakise. ** (Luke 1:24 UST)

• Aru eitu din piche, tai laga maike Elizabeth, bacha bukhise, aru panch mohina tak tai bahar te aha- nai aru lukaikene rakhise, aru koi thakise.

1. “jabi,” “ahibi,” “lobi” aru “anibi” itu kotha khan ke nijor bhasa hisab te ki bhal ase ineka likhibi.

• Jetia tumi laga Isor Jehovah pora tumike dia desh te ahibo, aru jetia tumi itu loikene ta-te thaki jabo… (Deuteronomy 17:14 ULT)

• “Jetia tumi laga Isor Jehovah pora tumike dia desh te ahi jaise, aru jetia tumi itu loikene ta-te thaki jabo… ”

• Jehovah pora Noah ke koise, “ Ahibi, apni aru apni laga sob ghor manukhan, nao bhitorte. (Genesis 7:1 ULT)

• “Jehovah pora Noah ke koise, “ ghusibi, apni aru apni laga sob ghor manukhan, nao bhitorte…”

• **Aru eitu din piche, tai laga maike Elizabeth, bacha bukhise, aru panch mohina tak tai bahar te ja- nai aru lukaikene rakhise, aru koi thakise. ** (Luke 1:24 UST)

• Aru eitu din piche, tai laga maike Elizabeth, bacha bukhise, aru panch mohina tak tai bahar te ula- nai aru lukaikene rakhise, aru koi thakise.