nag_ta/translate/figs-genericnoun/01.md

Bhal pora koidia

Generic noun khan ase manu nohoile jinis khan juntu asol manu aru jinis khan nohoi. Itu te hoi thake, kilemane kahavat khan pora manu laga kotha khan ki husa ase itukhan koi thake.

Ekta manu pora gorom koila te tai laga theng najolaikene berabole paribo? itu nisina ase kun manu pora tai laga ghor usor manu laga maiki logote jai; kun tai logote rista bonaikene ase tai sajai napa nohobo. (Proverbs 6:28 ULT)

Yete thaka kotha khan kunba ekta manu nimite koa nohoi. Kun manu pora bi itukhan kuribo tai nimite he likhi kene ase.

Ki nimite itu bodli kura te digdar hoithake

Alag bhasa khan bi alag rasta pora noun toh bisi general te cholai. Bhasa bodli kam kura khan pora itu general bhabona khan taikhan nijor bhasa hisab te koi dibo lage.

Baibel pora udharankhan

Kun pora ki thik ase itu kurithake taike dukh pora dur rakhi diye aru itu bia khan uporte ahijai. (Proverbs 11:8 ULT)

Yete thaka kotha khan kunba ekta manu nimite koa nohoi, hoilebi kun manu pora ki thik ase itu kure aru kun bia ase tai nimite koi ase.

Manukhan utu manu ke shrap diye kun pora taikhan ke dhan bikiri kuri nadiye. (Proverbs 11:26 ULT)

Itu kunba ekta manu nimite koa nohoi, hoilebi kun manu pora dhan bikiri kuri nadiye tai nimite koi ase.

Jehovah pora tai laga khusi bhal manu uporte dikhai, hoilebi kun pora bia chalak kam khan bonai, Tai taike bodnam diye. (Proverbs 12:2 ULT)

Iyate thaka kotha “ekta bhal manu” toh kunba ekta manu nimite koa nohoi, hoilebi kun hoilebi bhal thaka manu nimite koi ase. Aru “kun pora bia chalak kam khan bonai” itu bi kunba ekta manu nimite koa nohoi, hoilebi kun hoilebi bia chalak bonai thaka manu nimite koi ase.

Bodli kuribole laga rastakhan

Judi apni laga bhasa pora ULT te thaka laga kotha nisina eki cholabo pare koile, itu kotha khan he cholabi. Iyate kunba rasta ineka khan sabo pare.

1. Noun kothakhan logote “the” cholabi.
2. Noun kothakhan logote “a” cholabi.
3. “kuntu hoilebi,” “kun manu hoilebi” nohoile “kun hoilebi” ineka cholabi.
4. bisi manu thaka laga form, “bisi manu khan” cholabi.
5. Nijor laga bhasa te ki bhal ase itu he cholabi.

Bodli kura laga rastakhan chola laga udharan khan

1. Noun kothakhan logote “the” cholabi.

• **Jehovah pora tai laga khusi bhal manu uporte dikhai, hoilebi kun pora bia chalak kam khan bonai, Tai taike bodnam diye. ** (Proverbs 12:2 ULT)
• “Jehovah pora tai laga khusi utu bhal manu uporte dikhai, hoilebi kun pora bia chalak kam khan bonai, Tai utuke bodnam diye. (Proverbs 12:2)

1. Noun kothakhan logote “ekta” cholabi.

• Manukhan utu manu ke shrap diye kun pora taikhan ke dhan bikiri kuri nadiye. (Proverbs 11:26 ULT)
• “Manukhan ekta manu ke shrap diye kun pora taikhan ke dhan bikiri kuri nadiye.”

1. “kuntu hoilebi,” “kun manu hoilebi” nohoile “kun hoilebi” ineka cholabi.

• ** Manukhan utu manu ke shrap diye kun pora taikhan ke dhan bikiri kuri nadiye.** (Proverbs 11:26 ULT)
• “Manukhan shrap diye kuntu manu pora taikhan ke dhan bikiri kuri nadiye.

1. bisi manu thaka laga form, “bisi manu khan” cholabi

• Manukhan utu manu ke shrap diye kun pora taikhan ke dhan bikiri kuri nadiye. (Proverbs 11:26 ULT)
• “Manukhan pora<>utu manukhan ke shrap diye kun pora taikhan ke dhan bikiri kuri nadiye.”

1. Nijor laga bhasa te ki bhal ase itu he cholabi.

• Manukhan utu manu ke shrap diye kun pora taikhan ke dhan bikiri kuri nadiye. (Proverbs 11:26 ULT)
• “Kun pora dhan bikiri kuri nadiye taikhan ke manukha shrap diye.”