nag_ta/translate/figs-explicitinfo/01.md

Bhal pora koidia

Kunba bhasakhan te bhal pora kotha kobo pare juntu dusra bhasa te bodli kurile ekdum alag aru bia hoijai. Itu kile ineka hoijai koile kunba bhasa khan explicit pora kotha koi aru dusra bhasa te itu implicit information he thaki jai.

Ki nimite itu bodli kura te digdar hoithake

Judi apni explicit information sob asol bhasa pora explicit information te bodli kure notun bhasa nimite, itu hunibole bisi alag, bia aru buji napa ekta bi hoijabo pare, judi kun nimite bhasa bodli kuri ase taikhan laga kam te itu information explicit kuri dia nai koile. Itu nimite notun bhasa te toh itu kotha khan implicit information nisina rakhi dile he bhal hobo.

Baibel pora udharankhan

Aru Abimelech pora sipoi ghor te ahise aru itu logote lorai kurise aru itu laga dorja usorte ahise jui pora jolai dibole nimite.(Judges 9:52 ESV)

Baibel laga Hebrew bhasa te, “aru” ineka pora kotha shuru kura laga niom ase kotha khan ekjon logote dusra toh milaikene ase dikhabo nimite. English te, itu niom nai, aru English puribo pare manukhan nimite itu bha pura-likha manu pora likha nohoi ineka bhabi jai. English bhasa te toh duita kotha line majote milabole dorkar nai, ituke implict rakhile he bhal ase.

Baibel laga Hebrew bhasa te, jui pora kiba jolai se koa toh eku alag kotha nohoi. English bhasa te joli ase koa laga bhabona bi tate ase, itu nimite itu duita bi alag-alag kotha pora explicit nakurilebi iku nohoi. Kiba ekta joli se koile bi kafi ase.

Kintu Roman sipahi laga sahab para jawab dise aru koise,"Prabhu, apuni ekjon nam thaka manu ase ami laga ghor te matibole sorom ase…”(Matthew 8:8 ULT)

Baibel laga bhasa khan te, duita verb cholaikene ekjon pora direct specch kobo pari thakise. ekta verb pora manu laga nam ma-te aru dusra verb pora kotha khan janai diye. English kotha koi thaka khan ineka nakure, taikhan nimite itu bisi alag aru thik nai. Taikhan nimite kotha koa toh, jowab diya logote milikene ase. duita verbs cholai se koile, duita alag –alag line ase, ekta nohoi. Itu nimite English te khali ekta verb cholaile he bhal ase.

Bodli kuribole laga rastakhan

1. Judi explicit information chola toh aram pora bujibo parile, nijor bhasa te explicit information he cholabi.
2. Judi explicit information chola toh aram nai aru buji napai aru dorkar nai aru matha ghurai diye koile, explicit information ke implicit nisina rakhi dibi. Judi pura manu pora buji bo paribo koile he kuribi. Apuni taikhan ke itu laga kotha khan hutikene jani lobo pare.

Bodli kura laga rastakhan chola laga udharan khan

1. Judi asol bhasa laga explicit information cholai le he aram para bujibo parile, nijor bhasa te explicit information he cholabi.

• iyate udharan nai.

1. Judi explicit information chola toh aram nai aru buji napai aru dorkar nai aru matha ghurai diye koile, explicit information ke implicit nisina rakhi dibi. Judi puri thaka manu pora buji bo paribo koile he ineka kuribi. Apuni taikhan ke itu laga kotha khan hutikene jani lobo pare.

• Aru Abimelech pora sipoi ghor te ahise aru itu logote lorai kurise aru itu laga dorja usorte ahise jui pora jolai dibole nimite. (Judges 9:52 ESV)
• Abimelech pora sipoi ghor te ahise aru itu logote lorai kurise aru itu ghor laga dorja ke jolai dibole usorte ahise. Nohoilebi …jui pora jolai dibole nimite

English bhasa te, itu kotha laga kam/action to age laga kotha loga kam pichete he hoise koikene jane., “aru” nacholaile bi. Aru “jui pora” itu nacholai kene bi buji se kiba jolise koikene, “joli” likha pora he. “jola bole” laga dusra upai ase “jui lagai dise.” English bhasa te “jola” aru “jui” duita eki logote na cholai, aru taikhan khali ekta he likhibo. Apuni puri-thaka khan ke hutibo pare, “dorja kineka jolibo?” Judi taikhan jani jai juui pora hobo, tetia taikhan implicit information laga motlob bujise. Nohoilebi dusra upai sai se koile, apni itu hutibi, “dorja ke jui lagai dile ki hoi?” Judi taikhan laga jowab ase, “itu jole” tetia toh taikhan implicit information ki ase itu jani jaise koikene apni buji jabo.

• Kintu Roman sipahi laga sahab para jawab dise aru koise,"Prabhu, apuni ekjon nam thaka manu ase ami laga ghor te matibole sorom ase…” (Matthew 8:8 ULT)
• Roman sipahi laga sahab pora jowab dise, “Probhu, Ami laik nohoi Apni moi laga ghor bhitorte ahibole…”

English te sahab pora jowab diya toh “jowab dise” koa te itu kotha ase aru itu nimite “koise” ineka nakoi lebi hoijabo, implicit he rakhidibi. Apuni taikhan ke itu laga kotha khan hutikene jani lobo pare, “Sahab pora kineka jowab dise?” Judi taikhan tai duijon pora kotha kura saikene buji se koile tetia taikhan itu implicit information tu bujise koikene jani jabo.