2.8 KiB
Bhal pora koidia
Euphemism ekta bisi norom aru bhal kotha pora kiba ekta kuntu bhal nohoi, sorom kotha ase, nohoilebi samaj te manukhan pora namana kotha ase, itu khan ke koi thaka kotha ase, mora nohoilebi ki lukai kene kure itukhan nisina.
Bhal pora koidia
… taikhan Saul aru tai laga chokorakhan Gilboa pahar te girikene thaka paise. (1 Chronicles 10:8 ULT)
Itu laga motlob ase Saul aru tai laga chokora khan toh “mori jaise.” Itu euphemism ase kilekoile taikhan khali girija nohoi hoilebi taikhan murijaise. Ketiaba manukhan mura laga kotha kobole mon nakure kilekoile itu bisi bhal nohoi nimite.
Ki nimite itu bodli kura te digdar hoithake
Alag-alag bhasa khan alag-alag euphemism cholai thake. Judi bodli kuri thaka bhasa te Baibel te thaka laga euphemism naithakise koile, pura manu pora buji napabo pare, aru ki likhikene ase itu laga motlob he ase ineka bhabibo.
Baibel pora udharankhan
… kun jagate ekta gupha thakise. Saul itu bhitorte nijor ke aram kuribole jaise… (1 Samuel 24:3 ULT)
Huni thaka khan buji jai Saul pora gupha bhitorte ja toh latrine kuribole jaise koikene, hoilebi itu likhi/hunibole bia ase, itu nimite tai gupha te ki kurise itu toh likhi diya nai.
Mary pora sorgo duth ke koise, “Etu kineka hobo, kelemane moi kun manu logote bi huma nai?” (Luke 1:34 ULT)
Bhal niom dikhibo nimite, Mary euphemism cholaikene koise tai ketiabi mota manu logote gao ekta kura nai koise.
Bodli kuribole laga rastakhan
-
Judi euphemism chola laga motlob nijor bhasa te bhal pora buji pai koile, nijor bhasa te ineka cholabi. Ineka nohoi koile, kunba alag upai sabi:
-
Nijor jaga laga euphemism he cholabi.
-
Kiba kobole thakile euphemism nacholaikene koi dibi, judi itu hunibole/sabole bia nohoi koile.
Bodli kura laga rastakhan chola laga udharan khan
- Nijor jaga laga euphemism he cholabi.
-
…kun jagate ekta gupha thakise. Saul itu bhitorte nijor ke aram kuribole jaise. (1 Samuel 24:3 ULT) – kunba bhasa khan ineka euphemism cholabo pare:
-
“…kun jagate ekta gupha thakise. Saul gupha bhitorte jaikene ekta chenda khundise.”
-
“…kun jagate ekta gupha thakise. Saul gupha bhitorte jaise olop homoi tai ekla bohibole nimite.”
-
**Mary pora sorgo duth ke koise, “Etu kineka hobo, kelemane moi kun manu logote bi huma nai?” ** (Luke 1:34 ULT)
-
Mary pora sorgo duth ke koise, “Etu kineka hobo, kilemane moi mota manu kun ke bi najane?” - (Asol Greek bhasa te itu euphemism cholaikene ase)
- Kiba kobole thakile euphemism nacholaikene koi dibi, judi itu hunibole/sabole bia nohoi koile.
- taikhan Saul aru tai laga chokorakhan Gilboa pahar te girikene thaka paise. (1 Chronicles 10:8 ULT)
- “taikhan Saul aru tai laga chokorakhan Gilboa te mura paise.”