STR
/
nag_ta
forked from Door43-Catalog/nag_ta
0
0
Fork 0
Files Issues Pull Requests Releases Activity Metadata Preview / PDF
nag_ta/translate/figs-ellipsis/01.md

2.9 KiB
Raw Permalink Blame History

Bhal pora koidia

Jetia kotha koa/likha manu pora ekta/bisi kotha chari diye, tai jani ase huni/purithaka khan pora tai laga kotha buji pabo koikene aru tai pora ketia chari diya kotha khan likhi/puribo, tai nijor pora huni/puri kene buji jabo. Ki kotha chari dise itu age kotha te koi di kene thake.

… bia manu khan toh prochar te khara kuribo naparibo, aru papi manukhan dharmic manu khan laga sabha te. (Psalm 1:5)

Itu ellipsis ase kilemane “papi manukhan dharmic manu khan laga sabha te” koa toh pura kotha nohoi. Kotha koa manu pora bhabe huni thaka khan pora buji jabo papi manukhan dharmic manu khan laga sabha te ki kuribo naparibo, age te koi diya kotha pora.

Ki nimite itu bodli kura te digdar hoithake

Purithaka manukhan jetia adha likha kotha pure, taikhan ta-te ki likhi kena nai itu buji napabo, judi taikhan laga bhasa te ellipsis nacholai koile.

Baibel pora udharankhan

… Aru jetia tai usorte ahise, Jisu tai ke hudise, "Moi tumi nimite ki koribole tumi echa ase?”Tai koise, "Probhu, moi chuku para sabole echa ase." (Luke 18:40-41 ULT)

Manu toh pura kotha te jawab dia nai kilekoile tai bhal niom dikhabole nimite ineka kurise aru shida taike bhal kuridibi koikene Jisuke kobole mon thaka nai. Tai jani thakise tai ki kobo mon ase itu Jisu buji jabo, Jisu pora taike changai kurile he tai dikhibo paribo koikene.

Tai Lebanon ke bhoisi pora kudi thaka nisina hobo diye aru Sirion ke jowan guru nisina. (Psalm 29:6 ULT)

Likha manu pora komti kotha cholabole mon asile aru ekta kavita nisina hobo dibole mon asile. Jehovah pora Sirion ke bi jowan guru nisina kudibole dise koikene likha nai kilekoile tai jane puri thaka manukhan nijor pora itu buji jabo koikene.

Bodli kuribole laga rastakhan

Judi ellipsis chola laga motlob nijor bhasa te bhal pora buji pai koile, nijor bhasa te ineka cholabi. Ineka nohoi koile, kunba alag upai sabi:

  1. adha kotha likhi kene thaka te nathaka kothakhan halibi.

Bodli kura laga rastakhan chola laga udharan khan

  1. adha kotha likhi kene thaka te nathaka kothakhan halibi.

  • …bia manu khan toh prochar te khara kuribo naparibo, aru papi manukhan dharmic manu khan laga sabha te. (Psalm 1:5)

  • … bia manu khan toh prochar te khara kuribo naparibo, aru papi manukhan dharmic manu khan laga sabha te khara nohobo. (Psalm 1:5)

  • … Aru jetia tai usorte ahise, Jisu tai ke hudise, "Moi tumi nimite ki koribole tumi echa ase?”Tai koise, "Probhu, moi chuku para sabole echa ase." (Luke 18:40-41 ULT)

  • … Aru jetia tai usorte ahise, Jisu tai ke hudise, "Moi tumi nimite ki koribole tumi echa ase?”Tai koise, "Probhu, moi laga echa ase Apni moike bhal kuri dibole aru itu pora ami sabole paribo."

  • **Tai Lebanaon ke bhoisi pora kudi thaka nisina hobo diye aru Sirion ke jowan guru nisina. ** (Psalm 29:6 ULT)

  • Tai Lebanon ke bhoisi pora kudi thaka nisina hobo diye aru Tai pora Sirion ke jowan guru pora kudi thaka nisina hobo diye.