STR
/
nag_ta
forked from Door43-Catalog/nag_ta
0
0
Fork 0
Files Issues Pull Requests Releases Activity Metadata Preview / PDF
nag_ta/translate/figs-declarative/01.md

4.5 KiB
Raw Permalink Blame History

Bhal pora koidia

Niom pora, kiba janibo dibo nimite he kothakhan likhi thake. Hoilebi Baibel te toh ketiaba dusra kam nimite bi kotha likhi kena ase.

Ki nimite itu bodli kura te digdar hoithake

Kunba bhasa te thaka statement aru dusra bhasa te thaka statement eki rasta pora na cholai.

Baibel pora udharankhan

Kotha likha toh kiba janibole koi diye. John 1: 6-8 te likhikene thaka sob statements ase, aru itukha laga kam toh kiba janibo dibo le laga kotha khan ase.

Isor pora pothai dia ekjon asile, jun laga nam John thakise. Tai gawahi hoi ahise, joti laga kotha jonai dibole, aru sob Tai karone biswas koribole. John to joti nohoi, kintu tai joti laga gawahi dibole ahise. (John 1:6-8 ULT)

Kotha likha toh ekta hokom nisina manuke kiba kuribole kobo pare. Udharan te, maha purohit pora kotha te verb “kuribo lage” cholaikene manukhan ki kuribo lage itu koi thakise.

Tai pora taikhan ke hokum dikene koise, “ tumi khan itu kuribo lage. tumi khan tin-bhag kun Sabbath te ahibo, itukhan pora raja laga ghor rukhibo, aru tin-bhag khan Sur dorja te rukhibo aru tinta-bhag pora sipoikhan laga ghor piche laga dorja rukhibo.” (2 Kings 11:5 ULT)

Kotha likha toh ekta kineka pora kuribo itu manuke koi diye. Iyate kun kotha koi ase tai Joseph pora ahibole din te ki kuribo itu koa nohoi; tai Joseph ki kuribo lage itu koi thakise.

Tai ekta chokora ke jonom dibo, aru tumi tai laga nam Jisu rakhibo, kile koile tai para tailaga manukhan ke pap para bachai lobo. (Matthew 1:21 ULT)

Kotha likha toh ekta kiba kuri dibi kobole likhi thake. Leprosy bimar thaka manu toh Jisu pora ki kuribo pare itu he koa nohoi. Hoilebi tai ke changai kuridibi koikene Jisu ke huti thakise.

Aru Sabi, ekjon leprosy bimar thaka manu Tai laga osorte ahi se aru Tai agete matha jukhi kena, eneka koise,"Prabhu, Apni icha ase koile, apuni moike sapa kuribole paribo." (Matthew 8:2 ULT)

Kotha likha toh ekta hobo dibole nimite likhi thake. Adam ke tai nimite mati toh shrap lagise koa toh, Isor hosa pora bi shrap di se.

… tumi karone mati shrap pai se; (Genesis 3:17 ULT)

Manu ke tai laga pap khan maph kurise koa toh, Jisu hosa pora utu manu laga papkhan maph kuri di se.

Taikhan laga biswas saikene, Jisu pora lengra manu ke koise, “Chokora, tumi laga papkhan maph hoise.” (Luke 2:5 ULT)

Bodli kuribole laga rastakhan

  1. Judi kotha likha laga motlob nijor bhasa te bhal pora buji napai koile, dusra kotha cholabi juntu pora itu motlob bhal pora bujai dibo pare.
  2. Judi kotha likha laga motlob nijor bhasa te bhal pora buji napai koile, dusra kotha arubi halibi juntu pora itu motlob bhal pora bujai dibo pare.
  3. Judi kotha likha laga motlob nijor bhasa te bhal pora buji napai koile, dusra verb cholabi juntu pora itu motlob bhal pora bujai dibo pare.

Bodli kura laga rastakhan chola laga udharan khan

  1. Judi kotha likha laga motlob nijor bhasa te bhal pora buji napai koile, dusra kotha cholabi juntu pora itu motlob bhal pora bujai dibo pare.
  • **Tai ekta chokora ke jonom dibo, aru tumi tai laga nam Jisu rakhibo, kile koile tai para tailaga manukhan ke pap para bachai lobo. ** (Matthew 1: 21 ULT). “Tumi tai laga nam Jisu rakhibo” koa toh hikai dia laga kotha ase. itu ke kiba kam kuribole koa nisina bodli kuribi.
  • Tai ekta chokora ke jonom dibo. Tailaga nam Jisu rakhibi, kilekoile Tai pora Tailaga manukhan ke taikhan pap pora bachai lobo.
  1. Judi kotha likha laga motlob nijor bhasa te bhal pora buji napai koile, dusra kotha arubi halibi juntu pora itu motlob bhal pora bujai dibo pare.
  • Probhu, Apni icha ase koile, moike sapa kuribole paribo. (Matthew 8:2 ULT). Iyate Apni moike sapa kuribole paribo” laga kam ase Jisu ke changai mangi thaka. Itu logote, huti thaka bi halibo pare.
  • Probhu, Apni icha ase koile, Apni moike sapa kuribole paribo. Morom pora ineka kuridibi.
  • Probhu, Apni icha ase koile, morom pora moike sapha kuridibi. Moi jani ase apuni kuribo paribo.
  1. Judi kotha likha laga motlob nijor bhasa te bhal pora buji napai koile, dusra verb cholabi juntu pora itu motlob bhal pora bujai dibo pare.

  • **Tai ekta chokora ke jonom dibo, aru tumi tai laga nam Jisu rakhibo, kile koile tai para tailaga manukhan ke pap para bachai lobo. **(Matthew 1:21 ULT)

  • Tai ekta chokora ke jonom dibo, aru tumi tai laga nam Jisu rakhibo, kile koile Tai pora Tailaga manukhan ke tai khan laga pap pora bachabo.

  • Chokora, tumi laga papkhan maph hoise. Luke 2:5 ULT)

  • Chokora, Moi tumi laga pap maph kuri dise.

  • Chokora, Isor pora tumi laga papkhan maph kurise.