nag_ta/translate/figs-activepassive/01.md

Kunba bhasa laga kotha likha te active aru passive duita bhi thake. Active pora likha kotha te, kun laga kotha koi ase, tai pora ki kam kurise itu laga kotha koi ase. Passive pora likha kotha te, manu/jinis kun uporte kam hoi ase itu laga kotha koi ase.

• ACTIVE: Ami laga baba pora itu ghor 2010 sal te bonaise.
• PASSIVE: Itu ghor ke 2010 sal te bonaise.

Bhasa bodli laga kam kura khan janibo lage judi tai khan laga bhasa te passive nai koile, Baibel te passive thaka khan nijor bhasa te kineka bodli kuribo itu bisaribo lage. Dusra khan pora itu janibo lage ketia passive form aru ketia active form cholabo lage.

Bhal pora koi dia

Kunba bhasa laga kotha likha te active aru passive duita bhi thake.

• ACTIVE te kun laga kotha koi ase, tai pora kiba kam kuri thake aru tai laga nam loithake.
• Passive te kun manu/jinis uporte kam hoi ase itu laga kotha koi ase, hoilebi kun pora kam kuri ase tailaga nam to hodai naloi.

Active aru passive laga udharankhante, kun pora kam kuri ase itu dikhai di ase.

• ACTIVE: Ami laga baba pora itu ghor 2010 sal te bonaise.
• PASSIVE: Itu ghor toh ami laga baba pora 2010 tsal te bonaise.
• PASSIVE: Itu ghor ke 2010 sal te bonaise.

Ki nimite itu bodli kura te digdar hoithake

Sob bhasa laga kotha likha te active forms thake. Kunba bhasa khan khali passive forms thake, aru kunba to itubi nathake. Kunba bhasa khan te passive forms ase, sob eki nisina pora nacholai.

Passive forms laga dorkarkhan

• Kotha koa manu pora kun manu/jinis ke ki kam kuridise itu he koi ase, aru kun pora kam kurise itu kura manu laga kotha koa nohoi.
• Kotha koa manu toh kun pora ki kam kurise itu kobole mon nai.
• Kotha koa manu toh kun pora ki kam kurise itu najane.

Passive ke bodli kura laga kunba niomkhan

• Bhasa bodli laga kam kura khan janibo lage judi tai khan laga bhasa te passive nai koile, Baibel te passive thaka khan nijor bhasa te kineka bodli kuribo itu bisaribo lage.
• Nijor bhasa te passive forms thakile bhasa bodli laga kam kura khan pora itu kineka kotha likha te cholaikene ase janibo lage, aru itu pichete nijor bhasa te bhi passive cholabo nanai itu faisla kuribo pare.

Baibel pora udharan

Taikhan laga tir marithakakhan pora pathor bera upor pora apni laga sipoikhan ke tir marise, aru raja laga noukar kunba morise , aru apni laga noukar Uriah, Hittite laga manu bi murise . (2 Samuel 11:24 ULT)

Itu laga motlob ase dushman laga tirmarakhan pora raja laga noukarkhan ke aru Uriah ke bi tir marikene murai di se. Iyate khali raja laga noukarkhan aru Uzziah ke ki hoise itu laga kotha he koi ase, kun pora taikhan ke marise itu laga koa nahoi. Iyate passive form laga kam toh raja laga noukarkhan aru Uzziah uporte he kotha rakhi ase.

Jetia phojir te itu town laga manukhan uthi se, Baal ke puja kura laga jaga bhangaidikene thakise… (Judges 6:28 ULT)

Itu town laga manukhan Baal ke puja kura laga jaga ke ki hoise itu dikhise, hoilebi kun pora bhangai dise itu jananai. Iyate passive form laga kam toh town laga manukhan pora ki dikhise itu he koi ase.

Eneka manu dusra ke dukh diya para nijor gola te pathor bandikene taike pani nichete phelai dile he bhal hobo. (Luke 17:2 ULT)

Ekjon manu gola te pathor bandikene pani te girija laga kotha koi ase. Iyate passive form laga kam toh itu manuke ki hoise itu he koi ase. kun pora itu kam kurise itu laga kotha koa nohoi.

Bodli kuribole laga rastakhan

Judi apni bhabe passive form nacholaikene bhasa bodli kura thik ase koile, apuni itu kineka kuribo itu laga rastakhan sabi.

1. Active te likhikene thaka jaga te, eki verb cholabi aru kun/ki pora kam kurise itu koi dibi. Judi ineka kurise koile kotha toh kun ke kam kurise itu uporte he rakhibi.
2. Active te likhikene thaka jaga te, eki verb cholabi aru, aru kun/ki pora kam kurise itu nakobi. Ineka hoise koile, “taikhan” nohoile “manukhan” nohoile “kunba” ineka he cholabi.
3. dusra verb cholabi

Bodli kura laga rastakhan chola laga udharan khan

1. Active te likha kotha te eki verb cholabi aru kun/ki pora kam kurise itu koi dibi. Ineka kurile, kun manu uporte kam kuri ase, itu uporte kotha rakhibi.

• **ruti bonaithaka khan laga rasta pora hodai taike ekta ruti di thakise . ** (Jeremiah 37: 21 ULT)
• raja laga noukar khan pora ruti bonaithaka khan laga rasta pora Jeremiah ke hodai ekta roti di thakise.

1. Active te likhikene thaka jaga te, eki verb cholabi aru, aru kun/ki pora kam kurise itu nakobi. Ineka hoise koile, “taikhan” nohoile “manukhan” nohoile “kunba” ineka he cholabi.

• ** Eneka manu dusra ke dukh diya para nijor gola te pathor bandikene taike pani nichete phelai dile he bhal hobo.** (Luke 17:2 ULT)
• Eneka manu dusra ke dukh diya para toh taikhan pora tai laga gola te pathor bandikene taike pani nichete phelai dile he bhal hobo.
• Eneka manu dusra ke dukh diya para toh kunba pora tai laga gola te pathor bandi dikene taike pani nichete phelai dile he bhal hobo.

1. Active te likhikene thaka jaga te, dusra verb cholabi.

• ruti bonaithaka khan laga rasta pora hodai taike ekta ruti di thakise . (Jeremiah 37: 21 ULT)
• Tai hodai ekta roti pai thakise ruti bonaithaka khan laga rasta pora.