4.1 KiB
bhasa bodli kura manukhan bhal hobole laga dorkar
Baible ke bodli kura laga kam bisi dangor aru tan ase aru itu kam nimite manu bisi laga modot lagibo pare. Itu module te Baibel bhasa bodli kura manukhan pora ki janibo lage aru kuribo lage itu koidibo. Kunba jon pora bisi kam janikene kam bi ineka he jani thakibo, hoilebi kunba pora iman najanibo pare. Hoilebi Baibel bhasa bodli kura laga team te manu bisi thakile he taikhan kun ki jani ase itu sob bhal pora milaikene kam kuribo pare.
Girja laga Cholautakhan
Bhasa bodli kura laga kam shuru nakura agete, jiman pare iman koshis kurikena girja bisi laga modot loikena taikhan laga manukhan ke bi itu kam nimite team logote kam kuribo lage. Taikhan ke huta-huti kurikena taikhan bi itu kam te ki modot dibo pare kam khotom nohoa tok taikhan laga bhabona loi thakibo lage.
Bhasa bodli kura laga Committee
Girja laga cholautakhan aru dusra girjakhan milikene ekta committee bonaile bisi bhal hobo, aru taikhan pora kam sob sabo, manu kunkhan pora itu kam kuribo itu basibo, kiba digdar ulaise koile taikhan majote thik kurilobo, aru girja manukhan ke prathana aru poisa te modot mangibo pare.
Itu committee pora manukhan ke basibo pare kun khan pora kam kineka kuri ase itu level 2 aru 3 tok sabole paribo.
Jetia homoi ahibo, tetia itu committee pora kineka hobo lage itu nimite bi bhabona kuribo pare, kineka itu bhag kuribo aru taikhan pora girjakhan ke bhasa bodli kura Scriptures khan cholabole kobo pare.
Bhasa Bodli kurakhan
Itu manu khan pora bhasa bodli kura laga kam aru likha-likhi sob kuribo. Taikhan ke Translation Committee pora basibo. Taikhan kuntu bhasa te bodli kuri ase itu kotha koithaka manukhan hobolage, kunkhan pora Gateway bhasa bisi bhal pora janiase, aru kun taikhan ke taikhan laga bhal biswasi jibon nimite taikhan ke jani ase ineka manukhan hobo lage. Itukhan bhal pora janibole sabo Translator Qualifications.
Likha laga poila kam logote, itu manukhan pora bhasa bodli kura laga asol team hobo kunkhan pora ekjon-dusrajon laga kam sabo, kun nimite bhasa bodli kuri ase taikhan logote kam kineka ase itu sabo aru level 2 aru 3 te kam sai loa pichete ki bodli aru notun kam kuribo lage itukhan joma kuribo. Sob thik-thak pora sa-loa kuriloa pichete, taikhan ki notun bodli kuribole koise itukhan sob bhal pora kuribo lage. Itu nimite taikhan bhasa bodli kura kam to bar-bar thik ase na nai sabo lage.
Likha manukhan
Judi bhasa bodli kura manu khan nijor pora ki kam kuriase itu computer te nalikhe, tetia team te kunba ekjon pora kuribo lage. Kun pora type kuribo jane itu pora para tok galti bisi nakuribole kosis kuri kena likhibolage. Itu manu pura likha manu hobo lage. Aru ki khan bodli kuri bole ase aru notun halibo lage itu sob tai janikene kuribo lage.
Bodli kura kam sa khan
Kunba pora ki kam kuri ase itu loikene dusra bhasa koithaka manukhan logote kam thik ase na nai aru hunibole bhal ase na nai itu hutibo lage. Itu kam dusra manukhan pora bhi kuribo pare. Itu manukhan pora bhasa bodli kura toh jor pora dusra manukhan ke purikene hunaidibo lage aru taikhan ke ki purise itu buji pai ase na nai koikene hutibo lage. Bhal pora itu laga kam bujibole iyate sabi Other Methods.
Kam sa khan
Kun manu khan ke kam thik ase na nai sabole basi se taikhan Baibel ki bhasa te ase itu jani thakibo lage. Taikhan itu bhal pora puribo paribo lage. Taikhan kurithaka laga bhasa aru Baibel laga bhasa ke tulona kurikena kam kuribolage, itu kurile janibo paribo ki Baibel te likhikene thaka aru dusra bhasa te likha eki ase. Taikhan itu kam te mon dia manu hobo lage aru bhal pora homoi dikene sob thik-thak pora sabo para manu hobo lage. Dusra girja laga manukhan kun itu kotha koi taikhan ke bi team te halile bhal hobo. Kun khan level 2 te kam sai ase taikhan nijor laga girja te cholautakhan hobo lage. Level 3 te kam sa khan girja laga joma cholautakhan hobo lage kun khan ekta group kurikena kam sai ase. Aru itu manu khan pora homoi nathakile, taikhan ke ekbar pora pura Baibel napathaikene, kitab alag-alag nohoilebi chapter alag-alag kurikena pathabo pare.