5.2 KiB
Baibel te kheti kura laga noksa khan likhikena ase. Dangor akhor te likha khan ase ekta bhabona. Noksa chola sob te itu kotha nacholabo pare, hoilebi itu kotha laga ki motlob ase itu toh noksa te thake.
Ekta KHETI KURA manu laga motlob ase Isor, aru ANGUR BAGAN ase tai laga chuni loa manukhan.
moi morom kora laga angur bagan toh mati bisi bhal thaka pahar uporte ase. tai pharwa marise aru pathor sob hataise, aru tate sob pora bhal laga angur ghas halise. tai pora majote ekta ghor banaise, aru angur ros pisibole jaga banaise. tai ghas te angur dhuribole rukhise, hoilebi itu pora jangli angur he ulaise. (Isaiah 5:1-2)
Kilekoile sorgo laga rajyo to ekta mati-malik nisina ase kun bisi phojir te jaikena tai laga angur bagan te kam kuribole nimite hajira manu bisari bole jai. (Matthew 20:1 ULT)
Tate ekta manu asile, itu manu laga mati bisi dangor asile. Tai jaikena ekta angur bagan kurise, itu sob phale bon kurise, aru angur ros pisibole jaga khundise, aru ekta ghor banaise, aru itu ke angur ghas palithaka khan ke bhara te dise. Tetia tai dusra desh te jaise. (Matthew 21:33 ULT)
MATI laga motlob ase manukhan laga mon (bhitor manu)
Jetia kunba sorgo laga kotha hunise hoilebi itu buji poa nai…. Itu ase juntu bijon rasta kinarte girise. Pathor mati uporte gira bijon utu manu ase kun kotha hunikena khusi pora itu kotha swekar kure…. Kuntu bijon kata-ghas majote girise, itu ase jun kotha hunise, hoilebi itu prithibi laga dukh aru chinta khan pora aru dhun pora itu kotha ke morai diye…. Kuntu bhal mati te girise, itu ase utu manu kun kotha hunise aru bujise. (Matthew 13:19-23 ULT)Kilekoile Jehovah pora Judah aru Jerusalem te thaka manu ekjon-ekjon ke koi ase: Nijor laga mati ke hal maribi, aru kata majote bijon nahalibi. (Jeremiah 4:3 ULT)
apuni laga mati hal namarikena thaka toh bhangabi, kilekoile itia Jehovah ke bisaribole laga homoi ase…. (Hosea 10:12 ULT)
BIJON HALA laga motlob ase kuntu kam khan nohoile niom khan, aru DHAN KATA laga motlob ase bichar nohoile inam.
Ami ki dekhi buji paise itu hisab te, kun khan pora hal marikena bia khunde aru bia bijon hale taikhan itu he pabo. (Job 4:8 ULT)
Nijor ke nothokabi. Isor ke sorom khela bole napare, ekjon manu pora bijon hale, tai eitu he pabo. Kun manu tai nijor laga pap laga bijon dhale, eitu pap pora hai tai khotom hoi jabo. Kintu kun manu Aatma laga bijon dhale, eitu Aatma pora hai tai ananta jibon pabo. (Galatians 6:7-8 ULT)
DHAN MARA aru DHAN CHAMARA ALAG KURA laga motlob ase bhal ke bia manu pora alag kuridia.
Ketia kheti kura manu khan dhan aru itu nisina khan katikena anie, taikhan dhan mara jagate itu sob rakhe, aru hal-gurukhan ke bhari thaka chaka gari te, nohoile chaka nathaka te bandikena dhan uporte berabole diye, ineka kurikena khabole dhan aru kam nadiya dhan chamara toh alag kure. Tetia taikhan ke loha laga chunga dangor chamus nisina loikena chipai dia dhan ke hawate phelai, ineka kura pora dhan laga chamara toh hawa pora loijai aru dhan guti to matite wapas girijai, aru itu pichete, sob joma kurikena khabole rakhi loi. (thresh aru winnow kineka bodli kure iyate sabo pare translationWords
Itu nimite Ami taikhan ke loha laga dangor chunga chamus nisina pora itu desh bhitorte ja laga rasta te taikhan ke bahar te phelaidibo. Ami taikhan ke kandibole dibo. Ami Moilaga manukhan ke khotom kuri dibo kile koile taikhan bia pora mon naghura nimite. (Jeremiah 15:7 ULT)
Tai laga dhan sapha kura loha laga dangor chunga chamus toh tai laga hath te ase, itu pora bisi bhal ke dhan mara jaga toh sapha kuribo aru dhan sob joma kuri kena dhan ghor te rakhibo. Hoilebi tai chamarakhan loikena ketiabi khotom nohoa laga juite jolai dibo. (Luke 3:17 ULT)
DUITA KISIM GHAS LAGA DOL KE EKTA BANDIKENE ghas hobole dia, itu laga motlob ase Isor pora dusra desh manukhan ke tai laga manu hobole diya.
kilekoile judi apunikhan ke niom pora ekta jungle oliv ghas pora katise koile, aru aru niom hisab te nohoi kena apunikhan ke bhal oliv ghas logote bandise koile, itu Jehudi manukhan, kun khan niom hisab te oliv laga dol ase, taikhan nijer oliv ghas te aru bandibo? Kilemane Ami laga itu echa nohoe, bhai-kokaikhan, apuni khan itu najanikena thakibole, itu janile apunikhan nijer laga bhabona te dangor nabhabibo. Itu lokai kena thaka toh Israel laga adha mon tan hoa nimite ase, dusra desh khan sob aha khotom nahoa tok. (Romans 11:24-25 ULT)
BORKHON motlob ase Isor tai laga manukhan ke tofa diya
…Tai ahie aru dharmicta tumikhan uporte borkhon nisina diye. (Hosea 10:12 ULT)
Juntu desh te borkhon pani gire aru itu borkhon pani khai, aru itu pora ghas khan ulabole diye, aru kun manu pora eitu mati uporte kam kurise, tai nimite bhal hoi---itu desh ase kun Isor pora asis pai ase. Hoilebi judi itu mati pora kata ghas aru jongli ghas ulai, tetia itu eku lab nai aru itu desh toh shrap pabole usorte hoi ase. Itu desh jolikena khotom hobo. (Hebrews 6:7-8 ULT)
Itu nimite dorjo kuribi, Probhu naha tok. Sabi, kheti kura manu rukhi ase kheti pora kimti fasal khan ula toh lobole nimite. Tai bisi dorjo kurikena itu rukhi ase, poila aru sob pora piche laga borkhon pani nagira tok. (James 5:7 ULT)