5.7 KiB
Baibel te thaka kunba noksa khan loikena manu laga gaw hisa khan nohoilebi manu laga adat/niom khan ke janai diya khan ABC laga hisab te ase. Dangor akhor te likha khan ase ekta bhabona. Noksa chola sob te itu kotha nacholabo pare, hoilebi itu kotha laga ki motlob ase itu toh noksa te thake
JANWAR SHINGH laga motlob ase takot
Isor moi laga pathor ase. Ami Tai logote suraksha pai. Tai moike dhakiloe, moi ke bachai loa laga shingh ase, moi laga takot, aru moi ke suraksha dia jon ase. Tai ase kun para amike mara-marikhan para bachai (2 Samuel 22:3 ULT)
‘Moike bachailoa laga shing’ ase takot thaka ekjon kun pora moike bachai.
Tate Moi pora David laga shingh ke dangor hoi jabole dibo. (Psalm 132:17 ULT)
“David laga shingh” ase Raja David laga sipoi khan laga takot.
CHIRIAKHAN laga motlob ase jun manukhan khatra te ase aru taikhan ke bachabole kunbi nai.
Itu ineka ase kilekoile kunba chiriyakhan phang te dhuribole bisi asan se.
moi laga dushman khan para moike ekta chiriya nisina shikar kurise, eku motlob nathakikena. (Lamentations 3:52 ULT)
Ekta shikari laga hath pora horing nisina apuni nijor ke bachailobi, chiriya dhura manu laga hath pora ekta chiriya polaija nisina. (Proverbs 6:5 ULT)
Fowler ekjon ase kun chiriya dhurithake, aru snare laga motlob ase ekta huru phang.
amikhan to chiriya dhura manukhan laga phang para polaija chiriya ase; itu phang to bhangi jaise, aru amikhan polaise. (Psalm 124:7 ULT)
CHIRIYA KUNTUKHAN MANGSO KHAI itu laga motlob ase dushman kun khan bisi joldi hamla kure.
Habbakuk aru Hosea te Israel laga dusman khan ahikena taikhan ke hamla kura to ekta logote/nisina tulona kurise.
aru taikhan laga ghora cholai thaka manukhan bisi dur pora ahise- aru tai khan ekta eagle pora khabole tara-tari kura nisina ase! (Habakkuk 1:8 ULT)
ekta eagle Jehovah laga ghor upor te ahi ase. … Israel pora ki bhal ase itu to mana kurise, aru dushman pora taike khetabo. (Hosea 8:1,3 ULT)
Isaiah te Isor pora ekta dusra desh laga raja ke ekta mangso khai thaka chiriya matise, kilekoile Tai joldi ahikena Israel laga dushman khan ke hamla kuribo.
Moi purab pora ekta mangso khai thaka chiriya ke matise, dur desh te thaka moi basi loa manu; (Isaiah 46:11 ULT)
CHIRIYA LAGA PANKHI laga motlab ase bia pora bachaikena thaka.
Itu ineka ase kilekoile chiriya khan taikhan laga bacha khan uporte pankh rakhikena taikhan ke khatra pora bachailoi.
moi ke bia pora bachaikena apuni laga suku usorte amike ekta sep nisina saikena; moi ke apuni laga pankh laga chaya te chupai dibi biya manu kun khan moi ke mari thake taikhan usor pora, moi laga dushman kun khan moike sob phale pora gheri loikena ase. (Psalms 17:8-9 ULT)
Iyate aru ekta udharan ase kineka pankh bia pora bachailoi.
moike dayalu hobi, Isor, moike dayalu hobi, kilekoile ami Apuni logote surakhsha pai jetia tok dukh khotom nohoi. Ami Apuni laga pankh nichete suraksha pabo karone thake jetia tok bhangaidia khan khotom nohoi. (Psalm 57:1 ULT)
KHATARNAK JANWARKHAN laga motlob ase khatarnak manukhan.
Psalms te David pora tai laga dushman khan to sherkhan nisina ase koise.
moi laga jivon to sherkhan laga majote ase; Ami taikhan majote ase kunkhan pora moike khabole rukhi ase.
Ami utu manukhan majote ase kunkhan laga dath to lamba hatyar aru tir khan nisina ase, aru kun khan laga jiba dhar thaka talwarkhan nisina ase. Apuni ucha hobi, Isor, sworgo laga utcha te (Psalm 57:4 ULT)
Peter pora saitan ke jor pora hala kuri thaka sher nisina ase koise.
Nisa nathakibi, hosiar thakibi. Apuni laga dushman-saitan- ekta jor pora hala kurithaka sher nisina ase, kunba ke khabole bisari thake. (1 Peter 5:8 ULT)
Matthew te Jisu pora misa bahobadikhan ke bhediya matise, kilekoile taikhan laga misa pora manukhan ke bia kure.
misa laga bhao-badi khan pora hosiar thakibi, kunkhan apuni laga usorte bhera laga khapor pindi kena ahe, hoilebi bhitorte taikhan bisi bhug thaka aru bia bhediya khan ase. (Matthew 7:15 ULT)
Matthew te, John the Baptist pora dhorom laga cholautakhan ke jeher thaka sap matise kilekoile taikhan misa kotha hikai kena manukhan ke bia kura nimite.
Hoilebi jetia tai Pharisees aru Sadducees khan baptisma lobole nimite ahi thaka dekhise, tai taikhan ke koise, “Tumikhan jeher thaka sap laga bachakhan, kun pora tumikhan ke ahibole laga din laga shrap pora polabole koise?” (Matthew 3:7 ULT)
EAGLES laga motlob ase takot
Tai apuni laga jivon te bhal jinis ani diye ineka hoile apuni laga jawan din to eagle nisina arubi notun hobo. (Psalm 103:5 ULT)
Kilekoile Jehovah ineka koi ase, “Sabi, dushman to ekta eagle nisina uri kena ahibo, tai laga pankh toh Moab over te rakhibo.” (Jeremiah 48:40 ULT)
BHERA nohoilebi BHERAKHAN laga motlob ase manu jun khan ke rasta dikhai dia ekjon lage nohoilebi taikhan khatra te ase.
Moi laga manukhan bherakhan harai ja nisina hoise. Tai khan bhera rokhi thaka manukhan pora taikhan ke pahar phale ulta rasta te loi jaise; (Jeremiah 50:6 ULT)
Tai pora tai nijer manukhan ke bherakhan loija nisina age loijaise aru jungle majot pora rasta dekhai kena loijaise. (Psalm 78:52 ULT)Sabi, ekta bhera ke bhediya khan majote pothai dia nisina Ami apunike pothai ase, itu nimite sapkhan nisina hosiar aru eku biya nakura kopu chiriakhan nisina thakibi. Manukhan ke saithaiki! Taikhan apuni ke samiti khan laga hath te didibo, aru tai khan laga synagogues te loijaikena apunikhan ke chabuk pora maribo. Matthew 10:16 ULT)Israel toh ekta harai ja bhera nisina ase aru sherkhan pora khetai kena harai ja nisina ase. Poila, Assyria laga raja pora tai ke khai dise; itu pichete, Nebuchadnezzer Babylon laga raja pora tai laga hardi khan bhangaidise. (Jeremiah 50:17 ULT)