2.0 KiB
Anuvad Jagah laga bhabona to tumike ekta Bible laga anuvad kora khan hobole shika ase. Isor laga Kotha ke tumar laga basa te anuvad kora tumar manuh ke Jisu laga chela khan hobole korideya ase eta dorkar kaam nisina. Tumi eitu kaam te mon dibole lage, tumar laga zimmedari mon dikhena lobi, aru prarthna koribi junto Probhu pora tumike modot koribo.
Isor pora moikhan ke Bible te koise. Tai pora Bible likha manuh khan ke jost korise tar Kotha ke likhibole Hebrew, Aramaic aru Yonani laga basa khan ke cholaikena. Tate chalis alak likha manuh khan thakise 1400 B.C pora A.D. 100 te. Eitu khagos khan ke Purob Majote, Utar Africa aru Europe te likhise. Tar Kotha ke eitu basa khan te joma korikena, Isor pora thik korise junto manuh eitu laga somoi te aru eitu jagah khan te bojibole paribo.
Agi, manuh tumar laga des te Hebrew, Aramaic aru Yonani ke nabojei. Hoilebi Isor laga Kotha ke taikhan laga basa te anuvad korikena taikhan ke bojibole dibo!
Kunuba jun laga “maatr basa” nohoile “mon laga basa” mane basa taikhan prothom koi thaka ekta bacha thaka te aru ekjun kunto taikhan ghor te cholai. Eiut basa kunto te taikhan bisi aram thake aru kunto taikhan cholai taikhan mon bitor laga bhabona khan ke bayan koribole. Amikhan sobjun ke Isor laga Kotha ke taikhan mon laga basa te purhibole dibo mon ase.
Sob basa dorkar aru labh ase. Chutu basa khan dorkar ase rashtreya laga basa khan tumar laga des te koa nisina, aru taikhan pora motlob ke bhal pora bayan koribole pare. Kunubi taikha laga kotha kobole sorom nohobole lage. Ketiaba, eitukhan bhir khan te taikhan basa laga sorom bhabona kore aru manuh laga usor te cholabole nokore kun dangor ase taikhan laga des te. Hoilebi tate eku dorkar nai, bisi adaar, nohoile rastreya basa laga bisi purha-likha tate usor laga basa khan pora. Sob basa logote alak aru motlob laga chaya ase junto khas ase. Amikhan basa ke cholabole lage amikhan bisi aram thaka te aru kunto logote amikhan dusra khan logote ekdom pora jonani koribole pare.
- Credit: “Bible Anuvad laga Bhabona & Shika khan” loise Todd Price pora, ph.D. CC BY-SA 4.0*