2.9 KiB
Anuvad ke Sabole
Jonaideya
Amikhan anuvad ke kele sai?
Anuvad tarika laga hissa nisina, eitu dorkar ase junto kunuba manuh anuvad ke sabole thik bonabole junto eitu safa pora sandesh ke jonani kori ase junto jonani koribole lage. Ekta suru laga anuvad kora khan kunke koise tar laga anuvad ekbar sabole koise, “Hoilebi Ami moi laga des laga basa ekdom bhal pora koi. Anuvad eitu basa nimite ase. Ki bisi lagi ase? “Tai ki koa to hosa ase, hoilebi tate duita bisi ginis khan ase dimak te rakhibole.
Ekta ginis junto tai likha khan ke thik pora bojibole paranai, aru karone kunuba jun kun jane eitu ki anuvad ke thik koribole paribo. Eitu hobole pare kelemane tai ekta kotha nohoile bayan ke basa te thik pora bojanai. Eitu mamla te, kunuba jun kun basa ke bhal pora bojise anuvad ke thik koribole pare.
Nohoile eitu hobole pare junto tai kunuba ginis ke bojanai Bible laga motlob ki ase ekta jagah ke jonani koribole. Eitu mamla te, kunuba jun kun Bible ke bhal pora jane, junto ase Bible laga guru nohoile Bible anuvad ke saideya khan, anuvad ke thik koribole paribo.
Dusra ginis junto ase, anuvad kora khan bisi bhal pora janilebi likha khan pora ki kobole lage, tai pora eitu anuvad kora eitu mane kunuba ginis ekta alak manuh logote. Junto ase, dusra manuh bhabona koribo junto anuvad kunuba ginis laga kotha koi ase dusra pora ki anuvad kora khan bhabona korise, nohoile manuh anuvad ke huni thaka nohoile purhi loa nabojibo anuvad kora khan ki kobole korise.
Eitu bisi bak hoise ketia ekjun manuh ekta kotha likhise aru tetia dusra manuh purhise (nohoile ketiaba jodi prothom manuh ako purhile), junto taikhan bojei kunuba ginis alak kobole likha manuh laga motlob ki ase. Kotha ke eta udahran nisina lobi.
John pora Peter ke girja logote loijaese aru tetia tai ghor te jaese.
Tar laga dimak te ketia tai eitu likhise, likha manuh laga motlob junto Peter ghor te jaese, hoilebi purha khan bhabona korise junto likha manuh hobole pare mane junto eitu John thakise kun ghor te jaese. Kotha bodli hobole lage karone junto eitu bisi safa ase.
Arubhi, anuvad kora khan bisi usor ase aru taikhan laga kaam te thake, aru karone taikhan ketiaba golti khan ke nidikhe junto dusra khan asani bisi sabole. Eitu kaaran khan nimite, eitu hodai dorkar ase sabole kunuba jun anuvad pora ki bojei karone junto amikhan bisi thik aru bisi safa bonabole.
Eitu Sabole laga Niyom ekta salah ase sabole laga tarika te. Eitu tumike loijabo kunuba kisim laga sabole khan te junto tumike anumati dibo eitu digdar khan ke milabole. Amikhan biswas kore junto bisi manuh alak sabole kora joldi tarika ke sabole parinam hobo, dangor girja aru malik thaka ke anumati deya, aru bhal anuvad khan dibole.
Ginis khan laga bisi udahran khan junto sabole lage, jabole: Kisim ginis khan Sabole
- Halideya: Anumati pora Udahran cholai thaka, , © 2013, SIL International, Moikhan laga Des Sanskrti laga Bhag kora, p. 69.*