nag_ta/checking/headings/01.md

Anubhaag Prothom naam khna laga Bhabona khan

Ekta bhabona khan junto anuvad kora khan bonabole lagibo anubhaag laga prothom naam khan ke choabole nimite. Anubhaag laga prothom naam khan hekh naam khan nisina ase Bible laga sob anubhaag te junto ekta notun vishay suru kore. Anubhaag laga prothom naam manuh ke janibole dei ki anubhaag ki laga ase. Kunuba Bible laga anuvad khan taikhan ke cholaise, aru dusra khan nohoi. Tumi Bible ke shika laga picha koribole mon thakibole rashtreya laga basa te junto sob manuh cholai. Tumi bhi bisaribole mon ase basa laga samudaay koii bassi loi.

Anubhaag laga prothom naam khan cholai thaka bisi kaam lage, kelemane tumi sobjun ke likhibole lage nohoile anuvad koribole, Bible laga likha khan halideya te. Eitu tumar Bible laga anuvad ke lamba bonaidibo. Hoilebi anubhaag laga prothom naam khan bisaribole asani koridei Bible kote alak ginis khan laga kotha kore. Jodi ekta manuh kunuba ginis nimite saile alak te, tai anubhaag laga prothom naam khan purhibole pare tai ekta napa tok junto vishay ke jonaidei junto tai purhibole mon ase. Tetia tai eitu anubhaag ke purhibo.

Jodi tumi bhabona korise anubhaag laga prothom naam khan cholabole, tetia tumi bhabona koribole lagibo kunto kisim cholabole. Ako, tumi bisaribo kunto kisim laga anubhaag laga prothom naam ke basa laga samudaay pora bassi loi, aru tumi bhi bassibo rashtreya laga andaaz ke picha koribole. Thik hobi anubhaag prothom naam laga kisim cholabole junto manuh boji thaka likha khan laga hissa nohoi junto jonaidei. Anubhaag laga prothom naam shastro laga hissa nohoi; eitu ekta salah ase shastro laga alak hissa khan te. Tumi eitu ke safa bonabole paribo ekta jagah te halikena aru anubhaag laga prothom naam pachote aru ekta alak (chithi khan laga andaaz) cholaikena, nohoile chithi khan laga alak naap. Sabi keneka Bible rashtreya laga basa te eitu kore, aru alak tarika khan basa laga samudaay logote porikha kore.

Anubhaag Prothom naam khan laga kisim

Tate bisi anubhaag prothom naam khan laga alak kisim khan ase. Yate kunuba alak kisim khan, udahran khan logote keneka sobjun Mark 2:1-12 nimite sabo:

• Katha bayan: “Ekta apang manuh ke changai korikena, Jisu pora tar laga adhikar paap khan ke khyama deya laga dikhaise changai koribole laga bhi.” Eitu anubhaag laga dangor chinha ke katha koribole kore, aru karone eitu pura kotha te sob khobor dise.
• Bojaideya laga jowab: “Jisu ekta apang manuh ke changai korise.” Eitu bhi ekta pura kotha ase, hoilebi khobor dise purhi thaka ke yaad koribole kunto anubhaag picha kore.
• Vishay laga likha khan: “Ekta apang bhal hoija.” Eitu bisu katha hobole kore, khali ulop kotha khan dikhena. Eitu jagah bachibo, hoilebi eitu hobole pare kaam thaka ase manuh nimite kun Bible ke bhal pora jane.
• Huda laga: “Jisu logote adhikar ase changai korikena aru paap khan ke khyama dibole?” Eitu ekta huda khan laga bonai junto khobor anubhaag laga jowab khan te. Manuh kun logote Bible laga bisi hudibole ase eitu ke modot thaka pabo.
• Jowab “Laga”: “Jisu pora ekta apang manuh ke changai kora laga.” Eitu ekta safa bonai junto eitu tumi kobole kori ase anubhaag ki ase. Eitu ekta hobo junto sabole asani bonai junto prothom naam shastro kotha khan laga hissa nohoi.

Tumi sabole pare, eitu pari thaka ase anubhaag prothom naam khan laga bisi alak kisim khan bonabole, hoilebi taikhan sob logote eki bhabona ase. Taikhan sob purha laga khobor dise Bible anubhaag laga dangor vishay laga junto picha kore. Kunuba katha, aru kunuba lamba. Kunuba ulop khobor dei, aru kunuba bisi dise. Tumi alak kisim khan logote sabole mon thakibo, aru manuh ke hudibole kunto kisim taikhan bhabona kore taikhan nimite bisi modot ase.