8.4 KiB
43. कलीसिया सुकचा रानंबा।
यीशु स्वरग ला लोकचा फुतपि तिंगला, चेला या यरुशलेम रु दतपा जैसा यीशु सु खोशाक ला चेसि नाशा वोका। ओए नांग कि विश्वािसि मिया माछता मोलाम ज्ञकचाला ञाबु ज़ोम ञिन वोका।
लोतांग, फसह कि लदु कि शाकपा 50 कि तिंगला, यहुदि मिया पिन्तेकुस्त मिन कि शाक खाकचिन जिक तोङा। पिन्तेसकुस्तक ओए ज़िना नोक जब यहुदि मिया ठो थुज़िना ला मनाए फेतका। जमंबुलिंग कि यहुदि मिया पिन्तेकुस्त कि शाक ला ञाबु मनाए फेतचाला यरुशलेम ला वोगंबा। ओए लौ, ते पिन्ते कुस्त मनाइ फेतचि शाक ते यीशु स्व्रग ला फुति शाकपा दुन कि तिंगला वोंगबा। " ओए ज़िना विशवासि मिया ञाबु ज़ोमशा वोतज़िना, खोशाक दतचा वोकान खांगबा तेरु लगदा ज्ञमनि शेतचिन चिक कि कात सु खांग साक। मिके लामु थोंङान चोनि जिक तोलि विशवासिकि गोए फातोरु वोंगताक। खोशाक तोलि ला नमशे चांगमा ते खांगसा तेनि खोशाक जिनमा कातला कोंजोक कि मिहवा फेतिका। ओए कात या ते सेरचा ला खोशाक ला नमशे चांगमा सु ज़ोवा। "
जब यरुशलेमदु दोतकान मिया सु ओए कुरा ला ञनजा, था खोशाक तोलि ज़ोमशा ञाबु चि यिनडि से तारु वोंगबा। खोशाक सु विश्वासिया कि छिनासु कोंजोक सु चावि छेपु छेपु लाहा याकि घोषना फेतकिन ज़िक ला छोरा। खोशाक हालादिका कि चिला सेरना ओए लाहा या ते रांए कातला छोरेका।
औए नासु मि गनजिक सु नावा कि चेला या रारोदिका। परन्तुा पतरस लांगजा खोशाक ला नावा, ”ङाए वुर ङोन नि ! दि मिया रारोशा मिका ! ओए मागोता ख्यो शाक तआन ते ओएति योएल ङोनशि शोतकान सु चाया वोका कि कोंजोक सु नावा, ‘जुङमा कि शाक याला, ङा नमशे या तोङा।“’
“ऐ इस्राएलि मिया, यिशु वोतुक मि नोक खोसु वोतुक दोनजाला कि खो सु नोक पा युम दांग ज्ञमनि लाहा चावा। खोसु कोंजोक कि नुएफा सु लाहा युम चावा। ख्योसशाक दि शेकाक, चिला सेरना ओए लाहा ख्यो शाक थोवा। परन्तुो ख्योाशाक सु खोला क्रुस ला क्योनताक!”
“यीशु शिसाक परन्तु कोंजोक सु खोला शिसा नासु सोनपु ज़ोवा। खोसु ओए वुरला छांगबु ज़ोवा जिसे ङोनशि शोतकान जिक सु ठिया वोका: ख्यो त रांए नमशे चांगमा कि मि कि रोला शुरतु मिजुका। ‘वोशाक पांगबु वोका कि कोंजोक सुयीशु ला ञा सोनपु ज़ोवा।“
“कोंजोक सु था यीशु ला रांए योनमा छोक ला फोरचा खोला दिमु चावा। तेनि यीशु सु वोशे छिला नमशे चांगमा ला तांगबा जैसा कि खोसु थामजा चाया वोका खो तोए। नमशे चांगमा तेओए लाहा तोलि ला फेतिका जिनको ख्योतशाक ञनजा रांग ताए का।”
“ख्योरशाक सु ओए मिला, यीशु ला क्रुस कि खातोरु क्योतन जा सातताक। परन्तु कोंजोक सु यीशु ला नोर तोलि कि आंग रांग मसीह ञिकार चावा !“
पतरस ला ञनजा वोकान मिया खोए वुर ञनजा खोशाक नांग नासु जिहसाक। ओए छिला खोशाक सु पतरस रांग चेला याला ठिवा, ”ए नोया, था वोशाक चि फेतगु लिपयि ?“
पतरस सु लान लोहवा, ”ख्योिशाक तोलि रांए दिकपा कि छिला ज्ञोतपा चे तेनि कोंजोक ख्योतशे दिकपा ला माफ फेतका, तेनि यीशु मसीह कि मिन नासु छुए चांगमा चे। तेनि खो ख्योोतला वरदान चोनि नमशे चांगमा ते तेरिका।”
पतरस सु सेरकान ला ओए तोंग सुम मिया सु दिन छेवाक तेनि यीशु कि चेला फुसाक। खोशाक सु छुइ चांगमा लेनबा तेनि यरुशलेम कि कलिसिया कि हिस्सा फुसाक।
जब प्ररितो सु खोशाकला लोपज़िना तेनि विश्वासि यासु ञनञिन दतपा। खोशाक थुकिन दोतिका तेनि थाकतुक ञाबु सायिका, तेनि खोशाक सु चिक तंग चिक ला मोल्लम कांग ज्ञपा। खोशाक सु ज़ोमशा कोंजोक कि मिहवा चावा तेनि खोशि दोना चि वोतना कांग चिक तांग चिक ला गोवा। युल मि तोलि खोशि छिला दिमु सेमिका। शाकतांग, मांगबु नासु मांगबु मि विश्वासि फुसाक।
प्रेरितों कि लाहा 2 नासु चिक बाइबल कि टुंग।