6.3 KiB
40. यीशु ला क्रुस कि खातोरु क्योनङा।
यीशु ला ङोज़ा कुवि तिंगला, माहमि यासु खोला क्रुस कि खातोरु क्यो2नजा ला खेरचा फुता। खोशाक यासु क्रुस ते खोरांग ला ठाकतु चुकपा जिस पर खोला क्योनङा।
ओए माहमि यासु यीशु ला ओए “खोपडि“ सेरसि ज़ारु खेरचा फुता। तेनि खोए लाकपा कांगबा ला क्रुस तांग ञाबो ज़िर ज्ञपताक। परन्तु यीशु सु नावा, “ऐ आपा, खोशाक ला माफ चे, खोशाक ला हुन मिका कि खोशाक चि फितेकावा। “खोशाक सु खोए गोए खातोरु तखथि जिक क्यो नजा फोरा। ओएना ठिशा वोका “यहुदियो कि ज्ञलवु।“ पिलातुस सु खोशाकला वोतुक ठि नावा।
तेनि माहमि यासु यीशु कि खोनजा ला आरा ज्ञपा। जब खोशाक सु वोतुक फितजिना खोशाक ओए ङोनशि शतचा वोकान तेला पुरा चावा जो कहती है, “खोशाक सु ङाए खोनजा गोताक, तेनि ङाए खोनजा किछिला आरा ज्ञपा।”
ओएना छाकपा ञि वोका, खोशि माहमि यासु वोति ज़िना क्रुस कि खातोरु क्योरनताक। खोशाक सु खोला यीशु कि दानलोक ञुहु ला फोरा। ओए चाकपा ञुहु कि नांगनासु चिक सु यीशु ला ङोज़ा कुवा, परन्तु। जिनमा तेसु नावा, ”ख्योओतला कोंजोक सु सजा तातयोंग सेमजा जिह मिडावा? ओशाक लाहा ङानबा युम चावि दोषि नोक, परन्तु ओए मितेसु लाहा ङानबा माचावा।“ तेनि खोसु यीशु ला नावा, ”जब ख्योहत खोरे राज्य रु डो ज़िना ङाला आतला फोरा। यीशु सु लान लोहवा, “दिरिंग गा ख्योकत ङारांग ञाबु स्वारग लोक तु वोङा।”
यहुदि अगुवों रांग जिनमा मियासु यीशु ला ङोज़ा कुवा। खोशाक सु खोला नावा, “खालते ख्योवत कोंजोक कि टु यिनना, माला फोफला शोक तेनि रांग ला क्योलफ! तेनि ङाशाक ख्योरतला दिन छे।”
तेनि ओए छावनि तोलि रु नम रुकसाक, ओति तेञिनमु ज़िना नोक। लामसाम ञिनमु कि चुञिवा नासु सुमंबा छुहु नम रुकचा दतपा।
तेनि यीशु सु कत ज्ञपचा नावा, ”था छांगबु चा! ऐ आपा, ङा ङाए नमशे ते ख्योजए लाकतु तेरि।” तेनि खो खोरे गो खुकचा ठोंगसाक। जब खो शिसेना संगगुल छेपु जिक वोंगबा। ओए रा छिपु ते जो कोंजोक ओत ज़िना मिया ला सो सो ला फोरिकाओए गोनासु जुङमा छुहु ञि रु शाह साक।
रांए शिलता कि छेनासु, यीशु सु मिया कि छिला कोंजोक कि दोरु डोया ला लाम पेताक। जब यीशु ला टुंगजा वोकान माहमि तेसु ओए तोलि थोवांक तेनि खोसु नावा, “फादिंग, दि मिते मानलोक मानोक। खो कोंजोक कि टु नोक।”
तेनि युसुफ रांग निकुदेमुस मिन कि यहुदि अगुवे ञि वोंगबा। खोशाक दिनछियाक कि यीशु मसिह नोक से।खोशाक पिलातुस ला यीशु कि रो रेवा। खोशाक सु खोए जुहु ला रा तुमंबा। तेनि खोशाक सु डोंगखांग चतचा सु ज़ोया वोकान रोकुंसा रु खेंगबा दुरुंग ओए नांगदु फोरा। तेनि खोशाक सु ओए रो कुंगसा कि गोरु ठाक छेपु चिक गाहशा फोरा।
मत्ती 27:27-61; मरकुस 15:16-47; लूका 23:26-56; यूहन्ना 19:17-42 नासु बाइबल चिक कि टुंग