11 KiB
38. यीशु ला ज़ुमदु चुकताक।
लोतांग, यहुदि कि मिया फसह कि लदु फितकाक। दि ओए बारे ला लादु नोक। लौ युम जिक थागला कोंजोक सु खोशे गडिंमबा याला मिस्र कि योकपु नासु तोनबा। लौ सुम कि गुपला यीशु सु साव्रजनिक रुप नासु प्रचार रांग लोपचा सुकपा। यीशु सु खोए चेला या ला शतपा कि खो खोशाक तांग ञाबु यरुशलेम दु फसह कि लादु फितमु ठाक, तेनि ओए कांग कि खोला ओयरु सोतका नुक।
यीशु कि चेलों या नांगना यहुदा मिन कि मि चिक वोका। यहुदा ते प्रेरितों कि मुल चोल कान गोवा मि ते नोक, परन्तुा खो नम ता ना कांग खो ओएना सु मुल तोन तोङा। यीशु रांग चेला या यरुशलेम दु लेपि तिंगला यहुदा यहुदि अगुवों कि दोरु फुता। खोसु मुल कि छापला यीशु ला खोशाकला ज़ुमदु जुकचाला नावा। खो शेका कि यहुदि अगुवे मिञिनङा कि यीशु मसिह नोक से। खोला हुन वोका कि खोशाक खोला सात तोंगमु वोका।
याजक छेपु कि खाला ञानजा यहुदि अगुवों सु यीशु ला खोशि लाकदु ज़ुमजि छिला यहुदा ला मुलशा सुमजु तातपा। ओए ओतुका वोंगबा जैसा कि ङोनशि शोतकान सु नावा कि वोङा। यहुदा ञिनसाक तैनि मुल खेरचा फुसाक। खो यीशु ला ज़ुमजा ला खोशि रोह फितचाला लोंग तायिन वोका।
यरुशलेम दु, यीशु रांऐ चेलों कि ञाबु फसह कि लादु फेतिका। थाकतुक साज़िना, यीशु सु रोटि लेनजा जिनलाफ लेनजा चकपा। खोसु नावा, “उइ ते ज़ुम तेनि सो। दि ते ङाए जुहु नोक जो ङा ख्योशे छिला तेरि। दि ङाला आतला फोरचाला नोक। ”तेनि वोतुक चाया सु, यीशु सु नावा कि खो खोशि छोला शिडोवाक, खोशे छिला खो रांए जुहु ला प़ुज़ा तोङा।
तेनि यीशु सु गुन कि खुवा लेनजा तेनि चावा, “उइ ते थुंग।दि ङाए थामजा सोमाकि ठाक नोक जो कि ङा छोवाक ताकि कोंजोक ख्योवशे दिकपा ला माफ फितचाला। लनमा चाम उइ ते थुंग ज़िना ङाला आतला चाया फेतचाक ङा थासांग फेतकान चोनि।
तेनि यीशु सु रांए चेलों ला नावा, ”ख्योशायए नांग नासु चिक ङाला ज़ुमदु जुका। चेला या हा लादिका, तेनि ठिवा वोतुक सु फेतकावा। यीशु सु नावा, ”ङाला ज़ुमदु जुकान ते ओए ते नोक जिसे ङा ओए रोटि छाकपु ते तेरका।” तेनि खोसु ओए रोटि ते यहुदा इस्कयुति ला तातपा।
ओए रोटि ते लेनबे तिंगला, यहुदा कि नांगदु लांडि वोंगबा। यहुदा ओएना नांसु थोनजा यीशु ला ज़ुमदु डोया ला यहुदि अगुवों कि रोह फेततु फुसाक। ओए ज़िना गोङमु नोक।
थाकतुक कि तिंगला, यीशु रांग खोए चेला या जैतुन कि ला रु फुताक। यीशु सु चावा, “ख्योाशाक तोलि दिरिंग गोंगमु ङाला तांग तोङा। चांगमा पेचा ना वोतु क ठिशा वोकाक, ङा लुगज़ि ला सोतकान तेनि छुंगमा तोलि खातोर धीतोर ला फुडाक।’”
पतरस सु लान लोहवा, ”जिनमा सु ख्योतला तोंगना ङा ख्यो,त ला मितोंग!” तेनि यीशु सु पतरस ला नावा, “शैतान ख्यो,शाक तोलि ला छोत लेनमु वोका, परन्तु ऐ पतरस,ङा ख्योलए छिला मोलळम चा कि ख्योमत दिनछिया नासु मिखोरचा ला। तेना कांग दिरिंग गोंगमु, कुकुरि कत ज्ञाकचि थांगला ख्यो त ङाला मिशि से लनमा सुम सेरका।”
पतरस सु तेनि यीश ला नावा, ”ङा शि डोना कांग, ङा ख्योातला मियुक!” जिनमा चेलो यासु कांग वोतुक चावा।
तेनि यीशु रांए चेला यारांग ञामबु गतसमनि मिन कि ज़ारु फुताक। यीशु सु रांए चेलाया ला मोलळम चे नावा ताकि शैतान खोशाक ला छोत मिताया ला। तेनि यीशु खोरांग मोल्ललम ज्ञाकतु फुसाक।
यीशु सु लनमा सुम मिहवा चावा, “ऐ ङाए आपा, चुंङना वोरछि दि दुङाल कि नमला नासु थोन। परन्तुि खालते मिया कि दिकपा ला माफ फितचाला जिनमा लाम मितना, तो ञि इच्छाो ते डुपतु छुक।” यीशु ज्ञमनि छिरि ला वोका। तेनि खोए छतपा कि लामु सेया रुफिरतु छुक। खोला सामरथ तेरचि छिला कोंजोक सु स्वरगदुत चिक ला तांगबा।
लनमा तोलि मोल्लिम ज्ञपि तिंगला, यीशु खोए चेला या कि दोरु लोकचा वोंगबा, परन्तुक खोशाक ञालशा वोका।लनमा सुमज़िना लोकचा वोंगजा यीशुसु नावा, “लोङ नि ङाला ज़ुमदु वोङान ते वोंग दोक।”
तेने यहुदि अगुवों, यहुदि गुरु या ला खेरचा माहमि या युम रांग ञाबु यहुदा वोंगबा। खोशाया सु तलवार रांग बिकपा खेरचा वोका। यहुदा ते यीशु कि दोरु वोंगजा खोला नावा, ऐ गुरु, जुले, ”तेनि खोला आकचि ज़ुमंबा। खोसु खोला ज़ुमदु जुकचि छिला खोशाया कि दोरु वोतुक तोनबा। तेनि यीशु सु वोतुक नावा, ”ये यहुदा, चि ख्यो त ङाला आकचि ज़ुमजा ज़ुमदु जुयिता?”
ओए माहमिया यीशु ला ज़ुमजिना, पतरस सु रांए तलवार तोनशा तेनि पुजारि छेपु कि योकपु कि नामजोक ते चतताक। यीशु सु नावा, “ओए तलवाए फाला फोर! ङा ङाए आपा ला ङाला क्योाफशि छिला स्वरगदुत कि माहमि कि छिला चोलगु छोत। परन्तु ङाला आपा कि वुर ञानगु वोत।” तेनि यीशु सु ओए मिते कि नामजोक ला दिमु ज़ोताक। तेनि चेला या तोलि शोरसाक।
मत्ती़ 26:14-56; मरकुस 14:10-50; लुका 22:1-53; यूहन्ना 12:6; 18:1-11 नासु बाइबल कि टुंग चिक।