4.0 KiB
36. यीशु कि मिन दिपचा।
शाकचिक, यीशु सु खोए चेला सुमकार पतरस, याकूब,रांग युहन्ना ला ञाबु खेरवा। (दि यूहन्ना मिन कि चेला ते ओए मिते मानोक जिसने यीशु ला छुनासु च़ङमा तातपा।) खोशाक मोलळम फेतचि छिला ला चिक कि गोरु फुता।
जब यीशु मोलळम ज्ञाकज़िना खोए ङोनोङ ते ञिमा कि लामु सालवु वोका। खोए खोनजा सालवु कि लामु कारवु फुसाक, वोतुक जमबुलिंग दु सु कांग फेतगु मिशोतकाक ओऐ सांग सालवु।
था मुसा रांग एलियाह ङोनशि शोतकान लानचिक ला वोंग ताक।दि मिया ते जमबुलिंग दु लौ ज्ञा सांग थांगला दोतिका। खोशाक सु यीशु ला खोए शिया कि वुर लावा, चिला सेरना खो ज्ञोहवा यरुशलेम दु शिडाक।
जब मूसा रांग एलिय्याह यीशु ला वुर तोङिन वोका तेने पतरस सु यीशु ला नावा, ”वोशि छिला दिरु वोतचा दिमु नोक। वोशाक मडप सुम जोया, चिक खोए छिला,चिक मूसा कि छिला,दुरुंग चिक एलिय्यह कि छिला।” परन्तुप पतरस ला हुन मिका कि खो चि सेरिका।
जब पतरस वुर तोंगज़िना, था टिन ओतचिन चिक माला वोंगशा खोशे खातोरु वोंगताक। तेने खोशाक टिन नासु कात चिक वोंञिन छोरा। खोसु चावा, “दि ङाए टु नोक खोला ङा ञिमु फितित। ङा खौनासु गरि वोत। खोए ञोन। ”वोते चेला सुमबु जिहसाक तेने सेया रु खुकचा दता।
तेने यीशु सु खोला ञुहवा तेने नावा, ”माजिह। लोङ तोङ।” जब खोशाक सु थथि गिर ला तावा, तो लिम यीशु चिकपु वोका।
यीशु रांग ओए चेला सुमकार ओए ला नासु माला फापशा वोंगबा। तेने यीशु सु खोशाक ला नावा, “थासांग दिरु चि थोंगना कांग सुला कांग माशोत। ङा ज्ञोहवा शिडाक दुरुग ञा ङा सोनपु फुडाक। ओए तिंगला, ख्योशाक मिया ला शोत छोकाक।”
मत्ति पाठ 17:1-9; मरकुस 9:2-8; लुका 9:28-36 नासु बाइबल चिक कि टुंग।