5.1 KiB
30. यीशु तोंग ङा मिया कि थाकतुक ज़ोवा।
यीशु सु रांए गाङशिन चेलाया ला प्रचार फेततु तेने मिया ला लोपचि छिला युल सो-सो युम ला तांगबा। जब खोशाक लौकचा यीशु वोतसा रु वोंगजा सु खोशाया सु खोला शतपा कि खोशाया सु चि चावा। तेने यीशु सु खोशाला झिल कि फांव छोकला खोरांग ञाबु ज़ा दिमु रु फुतचा ङाल सोया ला कत ज्ञपा। तिंगला खोशाक नाव रु ज़ाहशा झिल कि फांव छोकला फुसाक।
परन्तु ओएना वोतुक मि युम वोका जिन्होथने यीशु रांग चेला या ला नाव रु डोइन थोंवा। ओए मिया खोशे थांगला झिल कि फांव छोक रु लिपचाला फांग ज्ञुहशा डोएका। जुंमारु यीशु रांग खोए चेला या ओएरु लेपज़िना मिया कि छोंमजिक खोला थांगला गुहशा वोका।
ओए छोंम ना फोमु रांग छिवा कि ठांगखा नासु मांगबु लामसाम तोंग ङाह सांग मांगबु टुया वोका। यीशु सु खोशाकला युम ञिंग ज़ेवा। यीशु कि छिला ओए मिया ते लुगज़े मिकान छुंगमा कि लामु वोका। ओए छिला खोसु खोशाकला लाफा तेने खोश ज़ुंगना नातपा वोकान याला गरु चुकपा।
फिरोक ज़ामला, चेलों सु यीशु ला नावा, ”था नामला युम फुडिका तेने उइ थाया ला युल कांग मिदुक। दि मियाला डोरु छुक ताकि खोशाक फुतचा चि रि सायि छिला खिला।”
परन्तु यीशु सु चेलों ला नावा, ”ख्योोशाक खौशाकला सालांग थोत!” खोशाक सु लान लोहवा,” मांगशाक वोतुक चुक फेतचा ? मांगशि दोना ता लिम रोटि ङाह रांग चुन मछलि नि मानि मित।”
यीशु सु रांए चेलों ला नावा कि खोशाक मिया ला साए खातोरु ङपचु ङपचु कि छोम ला दोत से नोह।
तेने यीशु सु रोति ङाह तेरांग मछलि ञि तेला खेरचा स्वरग कि छोकला तावा, तेने ओए सापतुंग कि छिला कोंजोक ला वोरछे नावा।
तेने यीशु सु रोटि रांग मछलियाला चाकपा। खोसु मिया ला तेरचाला ओए सापतुंग ते चेला या तातपा। चेला यासु ओए सापतुंग ते गोतकिन वोका, तेने ओएति फा मासेनदा! ओए मिया तोलि सोया डांगशा वोका।
ओए गुपला, चेला यासु ओयि थाकतुक ला दुशा फोरा सागु माछोता वोकान ते तेनि ओए पाकचि चुञि ला कोंगजा छांगशा वोका! मिया तोलि सोवि गुपला ओए थाकतुक तोलि वोति रोति ङाह रांग मछलि ञि नासु वोंगबा।
मत्ती अध्याय 14:13-21; मरकुस 6:31-44; लूका 9:10-17; यूहन्ना 6:5-15 नासु बाइबल चिक की टुंग।