5.2 KiB
29. योकपु ङानबा कि टुंग।
शाकचिक, पतरस सु यीशु ला ठिवा, “ए ज़िनदाक, मांगला रांए नो ला लनमा चाम माफ फैतचावा जब खो ङाए खिलाफ दिकपा फेतचाना? चि लनमा दुन छुहु?” यीशु सु चावा, ”लनमा दुन मन, परन्तुछ लनमा दुन कि लनमा दुनज़ु ओए छिनासु यीशुसेरला होशाकयला फादिंग माफ फेतचानुक। तेने यीशु सु ओए टुंग शतपा।
यीशु सु चावा, “कोंजोक कि राज्यख ते ज्ञलवु कि लामु वोका जो रांए योकपु या नासु लेखा लेनमु वोका। था खो बुलोन लेनज़िना, तेने योकपु चिक खोए दोरु खिंगबा ओए योकपु चिक लौ युम कि लाहा कि बुलोन छेपु चिक वोका।“
परन्तु ओए योकपु ते रांए बुलोन तेरगु माछोता, ओए छिला ज्ञलवु सु नावा, खोए बुलोन जोलजा ला ओए मिते रांग खोए पेरांग याला योकपु फेतचाला छोंग तोंग।
ओए योकपु ते ज्ञलवु कि दोरु पुंगबु चुहशा नावा, मांग रांग ञाबु रहम छि वोरछे, तेने मांग माए बुलोन कि रकम तोलि ज़ालते।’ ज्ञलवु ते योकपु ला ञिंग जिवा, ओए छिला खोसु खोए बुलोन तोलि माफ चातातेने खोला डोरु चुकपा।
परन्तु जब ओए योकपु ते ज्ञलवु कि दोनासु फिताला थोनबि तिंगला, खौए रोह योकपु ते थुकपाजो खौए दा जि कि योकपु कि बुलोन वोका। ओए योकपु तेसु खोए रोह ला ज़ुमताक तेने नावा, जो ख्योलए खातोकना ङाए दा जि कि बुलोन वोकान ते ज़ोल !
ओए योकपु रोह ते पुंगबु चुहशा नावा, ‘ङा रांग ञाबु वोतूक दिमु छि वोरछे, मांग रांए बुलोन कि रकम तेतोलि ज़ोलि।’ परन्तुा ओए योकपु तेसु खोए रोह योकपु तेला जेल रु चुकताक ओए बुलोन ज़ोल ज़ोल छुहु।
“ओति वुर थाकपु जिनमा योकपु यासु सु थोंवा तेने खोशाक ला ज्ञमनि छिरि जुंवा। खोशाक ज्ञलवु कि दोरु फुतचा ओए थाकपु शतपा।”
“ज्ञलवु तेसु ओए योकपु तेला कत ज्ञपचा नावा, ‘ऐ नोरमाञिन योकपु! ङा ख्योदए बुलोन ला ओए छिला माफ चा चिला सेरना ख्योुत सु ङाला वोरछे से चोलजुंङ। ख्यो‘त कांग वोतुक फेतलांग नोक।’ ज्ञलवु ते वोचम छिङनाह लांगशा वोका कि खोसु ओए योकपु ला जेल दु चुकताक तेने खोए बुलोन तोलि लोक लोक छुहु फोरा।“
तेने यीशु सु नावा, “ङाए स्वतरग ना वोकान आपा ख्योतशाक तोलि रांग ञाबु वोतुक फेतका खालते ख्योशाक रांए नो याला रांए ञिंग नासु माफ मिफितचाना।”
मत्ती अध्याय 18:21-35 नासु बाइबल चिक की टुंग।