8.5 KiB
18. छवनि घोशा।
दाउद लौ ज़िपचु छुहु शासन चावा। तेने खो ठोंगसाक, तेने खोए टु सुलैमान ते इस्राएल रु शासन फेतचा सुकपा। कोंजोक सु सुलैमान रांग ञांबु वुर तांगबा तेने ठिवा कि ख्यो तला सिंगसांग मांगबु चि गोआन सुलैमान सु कोंजोक ला रिकपा नोनपु गोआन नावा। ओए वुर तेसि कोंजोक ला गरि वोंगबा, ओए छिला कोंजोक सु सुलैमान ला जंबुलिंग कि सिंगसांग रिकपा नोनपु मि ज़ोवा। सुलैमान सु वुर युम लाहवा तेने खो रिकपा छिपु शासक था। कोंजोक सु खोला युम छुकपु ज़ोवा।
यरुशलेम दु सुलैमान सु ओए गोन्बाश कांग जोवा जिसके लिय खोए आपा सु सिमजा वोका तेने नोर तोलि दुशा फोरा। था मिया मिलाप वाले तंबु रु मांदा गोंबा रु कोंजोक कि मिहवा फेततु डोएका तेने खोऐ छिला ऒऎ रु प़ुजा तोंएका। कोंजोक वोंगशा गोनबा रु दोतिका, तेनि खो खोरि मिया रांग ञांबु दोतेका।
परन्तु सुलैमान सु जिनमा युल कि फोमु रांग ञांबु ञिमु चावा। खोसु 1000 फोमु नामाला खिंगजा कोंजोक ला ञोज़ा कुवा ! ओए नासु फोमु युम जिनमा देश नासु वोंगबा तेने खोशाक तांग ञांबु खोशे लाह या कांग खिंगजा खौशे ञिना चावा। सुलैमान गतपु फुतचा सु खो कांग खोशि लाह कि ञिना चावा।
ओए छिला कोंजोक सुलैमान ला छिङनाक लाङशा वोका। कोंजोक सु चावा कि खो इस्राएल छवनि ला निरु गोशा तेने खोला काहु काता। खो सुलैमान शीवि तिंगला वोतुक फितकानुक।
सुलैमान शिवी तिंगला, रहबाम ज्ञलवु चावा। इस्राएल इस्राएल छवनि कि मिया तोलि ज़ोमबा तेने खौला खोशि ज्ञलवु कि लामु फोरचा ला ज़ोमा। खोशाक सु रहबाम ला नावा कि सुलैमान सु खोशाला ज्ञामनि लाहा काहु कातचुंङ तेने कर युम कर खेरसुंग। खोशाक सु रहबाम ला नावा कि खोशाला लाहा ञुन खोत।
परन्तु रहबाम सु खोशाला ज्ञामनि आखि रांग नावा, “ख्योशाक सेराला ङाए आपा सु ख्योशाक ला लाहा काहु कातचुंङ सेका परन्तु ङा खोसा कांग मांगबु लाहा काहु कोतकान तेने खो सा कांग मांगबु ञोङदु जुकान।”
खो सु वोतुक सेरा ते मिया छोरा तेने ओए मियाकि नांगना सु मि युम सु खोए खिलाफ भगावत चाताक। रिह रुहा चु सु खोला तांगता; खोरांग ञांबु लिम रिह रुहा नि मानि मिका। ओए रिह रुहा नि सु खौशारांग ला यहुदा कि राज्या चावा।
जिनमा रिह रुहा चु तेसु यारोबाम मिन किमि ला खोशि ज्ञलवु ज़ोवा। ओए रिह रुहा ते देश कि उतर-पुरवि छोक ला वोका। खोशाक सु खोशारांग ला इस्राएल कि राज्यञ चावा।
परन्तु यारोबाम सु कोंजोक कि खिलाफ भगावत चावा तेने मिया ला दिकपा फेततु चुकपा। खो सु खोए मिया ला मिहवा फेतचाला कु ज़ोरु चुकपा। था खोशाक यहुदा कि राज्य रु यरुशलेम रु कोंजोक कि गोन्बाल रु खोए मिहवा पेततु माफुता।
यहुदा रांग इस्राएल कि राज्य कि डा रु फुसाक तेने फा चिक तांग चिकला लाकडियिन दोतिका।
ऊइया नासु ज्ञलवु गनजिक खोए ज़ारु ज्ञलवु फेतमु तेसु इस्राएलियों कि छिनासु छिसाक। इस्राएल कि सोमा राज्यय ना, ज्ञलवु तोलि आखि वोकाक।
इस्राएल कि राज्यर कि ज्ञलवु तोलि सु तेने मिया सु कुइ मिहवा चावा। खोशाक वोतुक दिकपा फेतजिना, खोशाक सु वेश्या रांग ञांबु मानलोक दोतिका ओए मागोता लनमा युम कुया कि दोरु खोशि छिवा ला कांग प़ुजा तांगबा।
यहुदा कि राज्या कि ज्ञलवु ते दाउद कि रिह रुहा नोक। ओए ज्ञलवु याकि नांगना मि युम गाङशिन वोका खोशाक सु ठांगबु रांग ञांबु शासन चावा। तेने कोंजोक कि मिहवा चावा। परन्तु यहुदा कि ज्ञलवु गनजिक ज्ञामनि आखो वोका। खोशाक सु ङानबा रांग ञांबु शासन चावा, तेने कुया कि ञिना चावा। ओए मागोता ज्ञलवु गनजिक ता रांए छिवाकि प़ुजा तांगबा। यहुदा कि गन मि मांगबु सु कोंजोक कि खिलाफ ठुकपा चावा, तेने जिनमा लाया कि मिहवा चावा।
1 राजा अध्याय 1-6; 11-12 नासु बाइबल चिक की टुंग।