15 KiB
16. छुड़ाने वाले।
यहोशु ते शिवी तिगंला इस्राएलियो सु कोंजोक। खोशाक सु कोंजोक कि नियम ला मिञान ङा, तेने खौशाक ओए थामजा के छवनि ना लुशा वोकान कनानियो ला फिताल मितोङा। इस्राएलियो सु रांऐ ठांगबु कोजोंक ला याहोवा ला युहकशा कननियो के लाहया ला मोललम फेतचा सुकपा। इस्राएलियो के दोरु ज्ञलबु चिकांग मिका, ओए छिला सुलाची दिमु छोरना कागं खो वोतुक चावा।
कोंजोक कि वुर ला माञिनदि छिना सु इस्राएलियों सु लूह जिक ज़ोया सुकपा ओएला लनमा युम चावा। ओए लुह ते वोतुक चाया सुकपा: लौ गनजिक छुहु इस्राएलि कोंजोक कि वुर ला मिञिनङा, तेनि खो खोशाक ला खोशे डानासु फामदु चुकचा खोशाकला सजा तातपा। उइ डाया सु इस्राएलियों कि नोर थाकपु ठोह डाक, खोशि शिंग खांगबा ला देमित ज़ो तोङा, तेनि खोशाक युम ला सात तोङा। तेनि जब इस्राएलियों कि डया खोशाला लौ युम छुहु खाहु कोतका, ओए गुपला इस्राएलि रांए दिकपा ला ज्ञोतपा फितका तेनि कोंजोक ला खोशाला क्योोफ से मोल्लोम ज्ञका। " लनमा तोलि इस्राएलि या ज्ञोतपा फितका तेने कोजोक खोशाला क्योाफका। खो टोलकान जिक कि छिनासु वोतुक फेका वोतुक मि चिक जो खोशे डाया कि खोलाफ लाक डियाक तेने खोशाकला फामदु जुका। तेनि छवनि रु लौ दिया वोङा। तेने ओए टोलकान ते खोशे खातोरु शासन फेकाक। कोंजोक सु ओए मिया ला क्योकफकातांगबा। कोंजोक कि दोयि डया, मिघानियों कि छिनासु इस्राएलि यों ला काहु कातपा। "
मिधानियों सु लौदुन छुहु इस्राएलियों कि तोदोक ला चोंबा। इस्राएलि मिया ज्ञमनि जिहसा, तेने खोशाक फुया रु यिपचा दता ताकि मिघानि मिया फातगु मिछोतजाला। जुङमाला, खोशाकला क्यो्फशाला खोशाक सु कोजोंक ला कत ज्ञपा।
गिदोन मिन कि इस्राएलि मि चिक वोका। शाकचिक, खो मिथोगंसे ज़ा जिकना ठो दुङिन वोका ताकि मिघानि मिया मिकुयाला। कोंजोक कि स्वगदुत ते गिदोन कि दोरु वोगंजा नावा, “हे शुरवीर सूरमा, कोंजोक ख्योत रांग ञांबु वोका। सोंग इस्राएलियों ला मिधानियों नासु क्योगफ।”
गिदोन कि आपा कि दोना कुला पुललाङ वेदि वोका। सिंग सांग थांगला गिदोन ला कोंजोक सु ओए वेदि ला छोक नावा। परन्तु गिदोन मिया ला जिहका, ओए छिला खो नम रुकचा ला गुहशा दतपा। तेने खोसु ओए वेदि ला चाकचा दुर दुर ज़ोता। खोसु कोंजोक कि छिला वेदि सोमा चिक ज़ोवा तेने ओए रु कोंजोक कि छिला प़ुजा तांगबा।
तिंगम शाक मिया थोंवा कि सुनांग चिक सु वेदि तेला चाकचा दुर दुर ज़ोया वोका, ओए छिला खोशाक ज्ञमनि छिंङनाह लांगबा। खोशाक गिदोन ला सोतचि छिला खोए खांगबा रु फुता, परन्तु गिदोन कि आपा सु नावा, “ख्योशाक चिला रांए लाकि रोह फेतिता? खालति खो लाह यिनना खोरि रोह खोरांग ला फेततु छुक! ”चिला सेरना खोसु वोतुक चावा ओए छिला मियासु गिदोन ला मासाता।
तेने इस्राइलियों ला चोमजि छिला मिघानिया ञा वोंगबा। खोशाक वोचम मागबु वोका कि ठांगखा ज्ञागु मिछोत लांग वोका। गिदोन सु खोशे खिलाफ लाक डिया ला इस्राएलियों तोलि ला कत ज्ञपा। गिदोन सु कोंजोक ला ज़े ञि नांग नावा। ताकि खो दिन छिया ला कि कोंजोक दिनबाला इस्राएल ला क्योजफशा ला सेरेका। " गोमा ज़े कि छिला, गिदोन सु खालवा कि फाल ते सेया रु फोरचा कोंजोक ला नावा ङारो कि सिलवा ते सेया रु मांदा लिम खालवा कि फाल कि खातोरु वोंगदु छुक। कोंजोक सु वोतुका चावा। तिंगमा शाक गोंगम ते, खो सु कोंजोक ला नावा सेया ते लानते डोरु छुक खालवा कि फाल कामफु फोर। कोंजोक सु वोतुक कांग चावा। ओए ज़े ञुहु कि छिनासु गिदोन कोंजोक ला दिन छिवा कि कोंजोक दिनबाला इस्राएलि याला मिधानियों नासु क्यो फिका वा। "
तेने गिदोन सु माहमिया ला खोए दोरु कत ज्ञपा तेने 32,000 मि वोंगबा। परन्तु कोंजोक सु खोला नावा दि मांगबु दुक। तेने गिदोन सु ओए 22,000 लाक डिया ला जिहकान टुया ला खांगबाला लोकता। कोंजोक सुनावा थुना टुया मांगबु दुक नावा। ओए छिला गिदोन सु माहमि 300 ला फोरचा जिनमा तोलि ला खांगबाला लोकता।
ओए शाक गोङमु ते कोंजोक सु गिदोन ला नावा, “ मिधानियों कि डाङसा रु सोंग तेनि खोशाक वुर तोङान ते ञोन। जब ख्योसत खोशे वुर तोङान ते ञानजाना तेने ख्योथत खोशाला हमला फेतचाला मिजिहका। “ओए छिला ओए शाक गोंगमु, गिदोन खोशे डांगसा रु फुताक तेने खोसु मिधानि माहमि चिकला खोए रोह मिगलाम शोतकिन छोरा ओए मि कि रोह तेसु नावा उइ मिगलम कि मतलब नोक किगिदोन कि माहमि ओशि माहमि ला फामदु चुकतोङा! ”जब गिदोन सु वोतुक छोरा था खोसु कोंजोक ला मोल्लम ज्ञपा।
तेने गिदोन रांए माहमिया कि दोरु वोंगबा तेने खोशक तोलि ला सांगदुंङ रे रे, थावि छालाक, दिने युकतो चिक तातपा। खोशाक सु ओए मिधानि ङालजा वोतसे डाङसे थथि तोलि ला गाहता। गिदोन माहमि 300 तेसु रांए युकतो ला थावि नोशात ते रांग कपचा वोका ओए छिला मिधानि या ओए युकतो कि ओत ला तागु माछोता।
तेने गिदोन कि माहमि तोलि सु रांए पातर याला लनचिक ला चाकचा मशाल कि मि ला तोनबा। खोशाक सु सांगदुंग फुतपा तेने कुरा ज्ञपा, “यहोवा कि छोकनासु गिदोन कि ठि!”
कोंजोक सु मिधानियों ला जिहतु चुकता, ओए छिला खोशाक चिक तंग चिक ला सोतिका। ओएजिना गिदोन सु लोन खेरकान याला जिनमा इस्राएलि युमला मिघानियों ला दारु ढोयाला रोह फेतचाला कत ज्ञपतु तांगबा। खोशाक सु ओएयाए नांगना युम ला सातताक तेने जिनमा याला गुपला दय इस्राएल छवनि नासु फिताला तोन ताक। ओए शाक 1,20,000मिघानि सात ताक। वोतुक चाया कोंजोक सु इस्राएल ला क्यो फा।
खोशाक या गिदोन ला ज्ञलवु ज़ोमु वोका, परन्तुो गिदोन सु वोतुक फेततु माचुकपा, लेकिन खोसु खोशाक नासु ओए सेर कि दोहकशा ते खारे नावा जो मिघानियों नासु ठोहशा खिङान ते। खोशाक यासु सेर युम गिदोन ला तातपा।
था गिदोन सु ओए सेर तेकि खोनजा खाकचिन चिक ज़ोवा वोतुक पुजारि छेपु ते खौनङा। परन्तु खौशाक सु ओति खौनजा कि मिहवा फेतचा सुकपा जैसे कि कुजिक यिनङान चोनि। तेने कोंजोक सु इस्राएलिया ला काहु काता चिला सेरना खोशाक सु कु ला मिहवा चावा। कोंजोक सु खोशे डया सु खोशाक ला फामदु जुकचा ला छोमदु चुकपा। जुङमाला खोशाक सु ञा खोशे रोह फेतचाला मोल्लम ज्ञपा, तेने कोंजोक सु खोशे दोरु खोशाला क्यो।फशाला जिनमा टोलकान ला तांगबा।
वोतुक लनमा युम चावा इस्राएलि मिया दिकपा फेतका, कोंजोक खोशाकला काहु कोतका, खोशाक ज्ञोतपा फेतका तेने कोंजोक खोशाक ला टोलजि छिला सुचिक ला तोङा। लौ युम छुहु कोंजोक सु टोलकान युम ला तांगबा खोशाया सु इस्राएलियों ला खोशे डया नासु क्यो।फा।
जुङमाला ओए मिया सु जिनमा छवनि कि लामु कोंजोक नासु रांए छिला ज्ञलवु चिक रेवा। खोशाकला वोतुक ज्ञलवु चिक गोएका जो रिगबु रांग शेतचिन हो तेने जो लाकडिया ज़िना खोशकला लोपकान चोनि। कोंजोक ला ओए वुर ते माथातपा, परन्तु खोसु खोशाकला वोतुक ज्ञलवु तातपा जैसा खोशाक ला गोआन चावा।
न्यायियों अध्याय 1-3; 6-8; 1 शमूएल 1-10 नासु बाइबल चिक कि टुंग।