7.9 KiB
2. दिकपा जमबुलिंग रु वोंगजिना।
कोंजोक सु जोया वोकान छारि नांग दु आदम रांग खोए नामा खोशा ञुहु गरि शिया दोतेका। खोशाक जुहु ला चागखांग खोने मिका, वोतुक चा ना कांग खोशाक ञो माछावा, चिला सेरना जमबुलिंग ना दिकपा मिका। खोशा ञुहु छारि नांग ला ञुलकिन दोतेका। तेने कोंजोक तांग ञाबु वुर तोञिन दोतेका।
था ओए छारि नांग ना डुल चिक वोका। खो ज्ञामनि ञाखि वोका। खो सु ओए फोमु ला ठिवा, “चि कोजोक सु ख्योशाक ला छारि नांग पांग कि नोर चिक ला कांग मासा सेरावा?
तेने फोमु सु लान ज्ञपा, “मांगशाक ला कोंजोक सु लिम आखि, रांग दिमु पांग ला तांग शा जिनमा पांग तोलि कि नोर सौ सेराक। कोंजोक सु ङाशाला सेराक खालते दिमु रंग आखि पांग कि फल सायाना या जुमजाना, ख्यो त शि डाक सेराक।”
ओए डुल ते सु फोमु ला नावा, “ दि दिनबा मानोक! खैशाक मिशियक। कोंजोक ला हुन वोका कि ओए नोर साया ना, खेशाक कोंजोक कि लामु फुडाक तेने ञानबा रांग दिमु शे डाक।”
फोमु ते पांग ला वोकान नोर ला ताया खारु सामु लांगबा तेनि शेमबु थोंवा। खो कांग मांगबु शेयान डोमु वोका, ओए छिला खो सु पंग कि फल सो ताक। तेने खोए मिमि ला कांग खोए ञाबु वोकान ते ओए नोर साया ला तातपा तेने खो सु सौ ताक।
लनचिक ला, खोशी मिक फेसाक, तेने खोशाला हुन छोता कि खोशाक चिरकोक ला वोका। खोशाक सु होकला चिमशा खोंजा ज़ोया खोशि जुहु ला कापा।
तेने मि रांग खोए नामा सु ओए छारा ना ञुलकिन वोकान कोंजोक कि कत छोरा। खोशा ञुहु कोंजोक नासु यिप साक। तेने कोंजोक सु मि ला कात ज्ञपा, “ख्योत काना वोता?” आदम सु लान लोहवा, “ मांग ञित ला छारि नांगदु वोंवा छोर चा, जिह शुंग, चिला सेरना मांग चिरगोक ला वोत। ओए छिला यिप दत।”
तेने कोंजोक सु चावा, “ख्यो त ला सु सेरावा कि ख्योत चिरगोक दुक? चि ख्योवत सु ओए पांग कि नोर सोवा ङा मासा सेरकान ते?” मि ते सु लान लोहवा, “ञित सु मांगला फोमु तेरकान ते खो सु मांग ला फल ताचुग।” तेने कोंजोक सु फोमु ला ठिवा,“ख्यो त सु दि चि चावा?” फोमु ते सु नावा, “ डुल सु मांग ला ढोख्याक तातचुंग।”
कोंजोक सु डुल ला नावा, “ख्योतत खामाटो नोक! ख्योत ख्योारि ठोतपा रांग डुलका तेने थावा दाका। ख्योत रांग ऊइ फोमु चिक तांग चिकला मिडिका, तेनि ख्योए ठा फुटिंग चिक तांग चिकला मिडिका। उइ फोमु कि ठा फुटिंग ख्योए गो ला नोनका, ख्योत खोए तिंगबा ला मुका।”
तेने कोंजोक सु फोमुते नावा, “ख्योत ज्ञामनि सुकज़िर तांग छिवा कियाक। ख्योत ख्योए मिमि कि दंग फेका, तेन खो ख्योत ला ञाम क्योकङाक।”
कोंजोक सु आदम ला नावा, “ख्योत सु ख्योए नामा कि वुर ञानजा। ङाए वर माञादा। ऊइ जमबुंलिग ते शापित फुसाक। तेने ख्योत ला सालाग कि छिला ज्ञामनि काहु चाया जांग जा सागु वोञा। जब खयोत शिडाक, तेने ख्योए जुहु थावा ला डि डाक। “आदम सु नामा कि मिन ते हव्वा फोरा, हव्वाब सेरना “ मिज़ि तेरकान ते”, चिला सेरना खो रिह रुहा तोलि कि आमा नोक। खो कोंजोक सु आदम रांग हव्वा, ला शुगमि पाहु कि खोंजा कोनबा।
कोंजोक सु ना “था दिमु रांग आखि ला शेया सु मि ओशे लामु फुसाक, ओए छिला खोशाकला ओए मिज़े के पांग कि नोर ला सारु जुकचा मिदुक कि खोशाक फादिंग सोनपु दोतचा।” ओए छिला कोंजोक सु आदम रांग हव्वा ला ओए छारा कि फिताला तोन ताक। तेनि कोंजोक सु सुला कांग ओए पांग कि फलङ मिसाया लाओए छारा कि ज्ञलगौ रु शेतचिक स्व रगदुत ला फोरा।
उत्पत्ति अध्याय 3 से एक बाइबल कि कहानी।–उत्पति पाठ 3 नासु बाईबल कि टुंग।