roti

Lamba kotha te bojai deya:

Roti ekta khoa-loa ase moida pora bona pani logot milai kena aru tel ekta loee ulabole. Loee ke tetia ekta roti te thik kore aru bonai.

Ketia kotha “loaf” nijor pora ulai, eitu mane “loaf laga roti.”
Roti loee kunuba ginis pora bonai junto uthai, junto ase khomir.
Roti ke bhi khomir nathakena bonai karone junto eitu na uthai. Bible te eitu ke matei “khomir nohoa roti” aru cholai Yahudi khan’ laga nistar purbb nimite.
Kelemane roti to dangor khoa-loa thakise bisi manuh biblical laga somoi nimite, eitu kotha bhi Bible te cholai khoa-loa samany te kobole. (Sabi: Synecdoche
Kotha “thaka laga roti” baroh loaves khan laga roti ke koi junto ekta sona table te rakhise tambu nohoile girja laga etah ghor te ekta balidan Isor nimite. Eitu loaves khan Israel laga baroh jati khan ke dikhai aru khali purohit khan nimite khabole. Eitu ke anuvad kore “roti dikha junto Isor taikhan majote te thake.”
Alankarik kotha “sorgo pora roti” khas boga khoa-loa “manna” matei junto Isor Israelite khan nimite dise ketia taikhan bhalu jagah te bhabna kori jai thakise.
Jisu bhi tai nijor ke matei “roti junto sorgo pora niche ahise” aru “jeevon laga roti.”
Ketia Jisu aru tai laga chela khan Nistar purbb eki logot khai thakise tai mora agete, tai khomir nohoa Nistar roti ke tai laga gao te milai kena sai kunto jokom hobo aru ekta krus te moraidibo.
Bisi bar kotha “roti” ke anuvad kore bisi “khoa-loa” samany te.