Paul, Saul

Ekta ginis kunto jane aru hosa ase:

Paul to ekta solawta thakise poila laga girja te kun ke Jisu pora pothaise bisi dusra manuh laga bhir ke bhal khobor dibole.

Paul to ekta Yahudi thakise kun Tarsus laga Roman nogor te jonom hoise, aru ekta Roman laga nagrik thakise.
Paul ke tai laga asul Yahudi naam, Saul matei.
Saul ke ekta Yahudi dhorm laga solawta bonaise aru Yahudi khan ke boni loise kun Christain khan hoise kelemane tai bhabona korise taikhan bhogwan ke namani thakise Jisu ke biswas kori kena.
Jisu tai nijor ke prokat korise Saul logot bisi chamki thaka jyoti pora aru taike koise Christian khan ke namaribole.
Saul Jisu ke biswas korise aru tai laga Yahudi khan ke shikaise tai laga.
Pachote, Isor pora Saul ke pothaise Yahudi-nohua manuh ke Jisu laga shikabole aru girja khan suru korise alag nogor khan aru Roman raijyo laga des te. Eitu somoi te taike Roman laga naam “Paul”matia suru hoise.
Paul bhi chithi likhise uthai deya aru shikaise Christian khan ke girja khan eitu nogor khan te. Bisi bak eitu chithi khan Notun Niyom te ase.

45:06 Ekta jowan manuh naam Saul monjur hoise manuh khan logot kun Stephen ke morai dise aru taikhan laga russi ke roikhya korise ketia taikhan tai uporte pathor pilaise.
46:01 Saul to jowan manuh thakise kun manuh laga russi ke roikhya korise kun Stephen ke morise. Tai Jisu ke biswas koranai, eitu karone tai biswasi khan ke tarona koridise.
46:02 Ketia Saul Damacus laga rasta te jae thakise, ekta ujala jyoti sorgo pora tai upor te ahise, aru tai moidan te giri jaise. Saul kunaba koa hunise,” Saul ! Saul ! Kele tumi moike tarona kore?”
46:05 Eitu karone Ananias Saul logot jaise, tai laga hath tar uporte rakhise, aru koise, “Jisu kun tumar logot tumi laga rasta te ahise, moike pothaise kunto tumar laga suku dekhibole aru Pobitro Atma pora bhorta koribole.” Saul achanak pora dekhibole parise, aru Ananias pora taike bapistma koridise.
46:06 Sida, Saul prosar kora suru hoise Yahudi khan ke Damascus te, koise, “Jisu to Isor laga putro!”
46:09 Barnabas aru Saul tate jaise (Antioch) eitu notun biswasi khan ke Jisu laga bisi shikabole aru girja ke taqot koridibole.
47:01 Saul_ safar korise Roman laga raijyo te, tai Roman laga naam “ Paul ” chola suru hoise.
47: 14 Paul aru dusra Christian laga solawta khan bisi nogor khan te safar korise, prosar korise aru shikaise manuh ke Jisu laga bhal khobor khan.