Israel, Israelite, Jacob

Ekta ginis kunto jane aru hosa ase:

Jacob to Isaac aru Rebekah laga jowan judwa chokra thakise.

Jacob naam mane “tai laat dhorise” kunto motlob ase “tai thokaise.” Jacob jonom ketia jonom hoise, tai tar laga judwa bhai Esau laga laat dhori thakise.
Bisi sal pachote, Isor pora Jacob laga naam bodli kori dise “Israel” koi kena kunto mane “tai Isor logot dukh paise.”
Jacob to chalag aru missa ke hosa kori deya thakise. Tai rasta bisarise prothom jonom hoa laga ashirbad aru miras laga adhikar tai laga dangor bhai, Esau pora lobole.
Esau to ghusa hoise aru taike morai dibole bhabona rakhise eitu karone Jacob tai laga ghor mati chari jaise. Kintu sal pachote Jacob wapas ahise tai laga maiki aru bacha logote Canaan laga mati te kote Esau thakise, aru taikhan laga khandan shanti pora usorte thakise.
Jacob logot baroh chokra khan thakise. Taikhan laga nata-nati Israel laga baroh jati hoi jaise.
Ekta alag manuh naam Jacob ke Joseph laga baba dikhena ase Matthew laga vanshavali te.

07:01 Chokra khan dangor hoisele, Rebekah Jacob , hoilebi Isaac to Esau ke morom kore. Jacob ghorte thakibole mon thake, hoilebi Esau to shikar koribole mon thake.
07:07 Jacob tate bisi sal tok thakise, aru eitu somoi te tai shadi korise aru baroh chokra khan aru ekta chokri paise. Isor pora taike bisi sampati thaka bonai dise.
07:08 Bis sal tai laga ghor Canaan pora dhur thaka pachote, Jacob tate wapas ahise tar laga khandan, tar noukor khan, aru tai laga janwar khan laga bhir logote.
07:10 Vacha laga kosom Isor pora Abraham aru Isaac ke deya to Jacob logot ahi jaise.
08:01 Bisi sal pachote, ketia Jacob to bura manuh thakise, tai tar laga bhal laga chokra, Joseph ke pothaise, tai laga kokai khan ke sabole kun janwar khan ke sae thakise.