ur_obs/content/28.md

4.2 KiB
Raw Permalink Blame History

28۔ ایک مالدار نوجوان حاکم

OBS Image

ایک دن ایک امیر نوجواں حاکم جناب یسوع المسیح کے پاس آیا اور اُن سے پوچھنے لگا،“اَے اچھے استاد، مجھے ہمیشہ کی زندگی پانےکےلیے کیا کرنا چاہئے؟” جناب یسوع المسیح نے اُس سے کہا، “تو مجھے ‘اچھا’ کیوں کہتا ہے؟’ اچھا تو صرف ایک ہی ہے، اور وہ خدا ہے۔ لیکن اگر تو ہمیشہ کی زندگی حاصل کرنا چاہتا ہے، تو خدا کے قوانین کی اطاعت کر۔”

OBS Image

اُس نے پوچھا،“مجھے کون کون سےقوانین کی اطاعت کرنے کی ضرورت ہے؟” جناب یسوع المسیح نے جواب دیا،“قتل نہ کرو۔ زنا نہ کرو۔ چوری نہ کرو۔ جھوٹ نہ بولو۔ اپنے باپ کی اور ماں کی عزت کرو، اور تم اپنے پڑوسی سے ایسی مجبت رکھو جیسی اپنے آپ سےمجبت کرتے ہو۔”

OBS Image

لیکن جوان آدمی نے کہا،“اِن سب قوانین کی اطاعت تو میَں تب ہی سے کرتا ہوں جب میَں چھوٹا لڑکا ہی تھا۔ ہمیشہ زندہ رہنے کے لئےمجھے ابھی اوَر کیا کرنے کی ضرورت ہے؟” جناب یسوع المسیح نے اُس کی طرف پیار بھری نظروں سےدیکھا۔

OBS Image

جناب یسوع المسیح نے جواب دیا،“اگر تُو کامل بننا چاہتا ہے تو، پھر جا اور اپنا سب کچھ بیچ کر غریبوں کو پیسے دےدے، اورپھر تیرا خزانہ آسمان پرجنت میں‎ ‎قائم رہےگا۔ پھر آ اور میرے پیچھےہو لے۔”

OBS Image

جب نوجوان آدمی نےجناب یسوع المسیح کی باتیں سنیں، تو وہ بہت افسردہ ہوا،کیونکہ وہ بہت امیر تھااوراپنی ساری ملکیت نہیں دینا چاہتا تھا۔ وہ مڑا اورجناب یسوع المسیح کے پاس سے چلا گیا۔

OBS Image

پھر جناب یسوع المسیح نے اپنے شاگردوں سے کہا،“امیر لوگوں کا خدا کی بادشاہی میں داخل ہونا انتہائی مشکل ہے! جی ہاں، ایک اونٹ کاسوئی کے ناکے میں سےگزرنا آسان ہے بنسبت ایک امیر آدمی کے خدا کی بادشاہی میں داخل ہونےسے۔”

OBS Image

جب شاگردوں نے جناب یسوع المسیح کی یہ باتیں سنی تووہ دنگ رہ گئے اورپوچھا، “تو پھر کون نجات پا سکتا ہے؟”

OBS Image

جناب یسوع المسیح نے شاگردوں کی طرف دیکھا اور کہا، “لوگوں کے لئے‎ ‎یہ ناممکن ہے، لیکن خدا کے لئے سب کچھ ممکن ہے۔”

OBS Image

پطرس نے کہا،“ہم نےتو سب کچھ چھوڑ کر آپ کی پیروی کی ہے۔ ہماراکیا اجر ہو گا؟”

OBS Image

جناب ِ یسوع المسیح نے جواب دیا،“میری خاطر ہر ایک جس نے بھی گھروں، بھائیوں، بہنوں، باپ، ماں، بچوں، یا جائیدادکو چھوڑ دیا ہے، وہ 100 گنا زیادہ واپس وصول کرے گا اور ہمیشہ کی زندگی بھی حاصل کرے گا۔ لیکن بہت سےجو اول ہیں آخر ہو جائيں گے، اورجو آخر ہیں اول ہو جائیں گے۔”

متی 19: 16-30؛ مرقس 10: 17-31؛ لوقا 18: 18-30 سے لی گئی بائبل کی ایک کہانی