te_tw/bible/kt/faith.md

విశ్వాసం

నిర్వచనం:

సాధారణంగా, "విశ్వాసం" పదం ఒకరి మీద లేదా ఒకదాని మీద నమ్మకం, విశ్వాసం లేదా ధైర్యం ఉంచడాన్ని సూచిస్తుంది.

• ఒకరియందు "విశ్వాసం కలిగియుండడం" అంటే అతడు చెప్పినదీ, అతడు చేసినదీ నిజం, నమ్మదగినది అని విశ్వసించడం.
• "యేసునందు విశ్వాసం కలిగియుండడం" అంటే యేసును గురించి దేవుని బోధలు అన్నీ విశ్వసించడం. ముఖ్యంగా మనుష్యులు యేసులోనూ, వారి పాపం నుండి శుద్ధి చేయడానికీ, వారి పాపం కారణంగా వారు అర్హులైన శిక్షనుండి కాపాడడానికీ ఆయన బలి అర్పణలో విశ్వాస ముంచడం అని అర్థం.
• యేసులో నిజమైన విశ్వాసం లేదా నమ్మకం ఒక వ్యక్తి మంచి ఆత్మ ఫలాలు లేదా ప్రవర్తనల కలిగిస్తాయి ఎందుకంటే పరిశుద్ధాత్మ వానిలో ఉన్నాడు.
• కొన్ని సార్లు "విశ్వాసం" అంటే సాధారణంగా "విశ్వాస సత్యాల" వ్యక్తీకరణగా యేసును గురించిన ఉపదేశాలన్నిటినీ సూచిస్తుంది.
• "విశ్వాసం కాపాడుకోవడం” లేక “విశ్వాసం త్యజించడం" సందర్భాలలో "విశ్వాసం" పదం యేసు బోధలపై నమ్మకం ఉంచే స్థితిని సూచిస్తున్నది.

అనువాదం సూచనలు:

• కొన్ని సందర్భాల్లో "విశ్వాసం" అనే పదం "నమ్మకం" లేదా "దృఢవిశ్వాసం" లేదా "ధైర్యం" అని అనువదించబడవచ్చు.
• కొన్ని భాషలలో ఈ పదాలు "విశ్వసించు" అనే క్రియా రూపాలను ఉపయోగించి అనువదించబడతాయి. (చూడండి: భావనామాలు)
• "విశ్వాసం ఉంచాలి" పదబంధం "యేసులో విశ్వాసం ఉంచుతూ ఉండాలి" లేదా "ఎసులో విశ్వసించడం కొనసాగించాలి" అని అనువదించబడవచ్చు.
• "వారు విశ్వాసం లోతైన సత్యాలను గట్టిగా పట్టుకోవాలి" అనే వాక్యం "యేసు గురించి వారికి బోధించబడిన సత్యాలన్నిటిని విశ్వసిస్తూ ఉండాలి" అని అనువదించబడవచ్చు.
• "విశ్వాసంలో నా నిజ కుమారుడు" అనే వాక్యం "అతడు నా కుమారుడు లాంటివాడు, ఎందుకంటే యేసులో విశ్వాసముంచడానికి నేను అతనికి బోధించాను" లేదా "యేసులో విశ్వాసముంచుతున్న నా నిజమైన ఆత్మీయ కుమారుడు" అని అనువదించబడవచ్చు.

(చూడండి: విశ్వసించు, నమ్మకమైన వాడు)

బైబిలు రిఫరెన్సులు:

• 2 తిమోతి 04:07
• అపొ. కా. 06:07
• గలతీ 02:20-21
• యాకోబు 02:20

బైబిలు కథల నుండి ఉదాహరణలు:

• 05:06 ఇస్సాకు యువకుడుగా ఉన్నప్పుడు దేవుడు అబ్రాహాము విశ్వాసాన్ని పరీక్షించాడు. "నీ ఏకైక కుమారుడు ఇస్సాకును తీసుకుపోయి నాకు బలిగ అర్పించు."
• 31:07 అప్పుడు అయన (యేసు) పేతురుతో, "నీవు అల్ప విశ్వాసివి, ఎందుకు సందేహపడ్డావు?" అని అన్నాడు.
• 32:16 యేసు ఆమెతో, "నీ విశ్వాసం నీకు స్వస్థత కలుగజేసింది, సమాధానంతో వెళ్ళు" అని చెప్పాడు.
• 38:09 తరువాత యేసు పేతురుతో, "సాతాను మీ అందరినీ కోరుకొంటున్నాడు, అయితే పేతురూ, నీ విశ్వాసం విఫలం కాకూడదని నేను నీ కోసం ప్రార్థించాను" అని చెప్పాడు.

పదం సమాచారం:

• Strong's: H529, H530, G1680, G3640, G4102, G6066