tdj_obs/content/08.md

63 lines
4.6 KiB
Markdown
Raw Permalink Blame History

This file contains ambiguous Unicode characters

This file contains Unicode characters that might be confused with other characters. If you think that this is intentional, you can safely ignore this warning. Use the Escape button to reveal them.

# 8. TeAlataala Nonyalamata SiYusup Ane Teruru-rurusnya
![OBS Image](https://cdn.door43.org/obs/jpg/360px/obs-en-08-01.jpg)
SiYakub umai sompulu rotoo teunga. Teunga sanu noagalaninya heua, siYusup. Vavalii seeleo siYakub nonuju siYusup mongita teruru-rurusnya sanu pepees nomiara tebinaatang.
![OBS Image](https://cdn.door43.org/obs/jpg/360px/obs-en-08-02.jpg)
Teruru-rurusnya nengkeles eisiYusup karna siama niira melabi magalang eisiia ane siYusup nongupi siia kana majari tetopomimpin niira. Watu siYusup najaok eiruru-rurusnya, siira neraop ane nobaluk siia eitopobaluk-topobaluk tevotuang.
![OBS Image](https://cdn.door43.org/obs/jpg/360px/obs-en-08-03.jpg)
Jijiompo siira metencile umao eivonua, teruru-rurus niYusup nonjeaka tepakeannya ane nongembea teraa nubembe eipakean heua. Lamai heua siira nombee tepakean heua eisiama niira ane nongakal eisiia tebinaatang nomate siYusup. SiYakub noondong tutuu.
![OBS Image](https://cdn.door43.org/obs/jpg/360px/obs-en-08-04.jpg)
Tetopobabaluk tevotuang nongomung siYusup umao eiMesir. TeMesir heua tenegara sanu mooge ane mouig sanu umai eipipit nuBangkalang nuNil. Tetopobabaluk tevotuang nobaluk siYusup eisotoo tetopomimpin nupomarenta sanu makaya. SiYusup molayani mombosi tetopomimpinnya, ane teAlataala nombarakai siYusup.
![OBS Image](https://cdn.door43.org/obs/jpg/360px/obs-en-08-05.jpg)
Silapi nutopomimpinnya meeseilua ane monyoarai monyaapi concoono siYusup, tapi siYusup jio seilu monggauka tedosa eiAlataala. Telapi nutopomimpin najari nongoungkul ane nolampoa antau siYusup noraop ane nontamaa eipanjara. Maampo siYusup pinanjaramo tataap boi nonurui teAlataala, ane teAlataala nombarakai siia.
![OBS Image](https://cdn.door43.org/obs/jpg/360px/obs-en-08-06.jpg)
Rontoung lamai heua, siYusup ulengi eipanjara, maampo siia jio nonggauka teasasala. Vavalii seeleo tePuang nuMesir, sanu tinope siPiraun, nongupi rongkaning. Siia nobule ane neingu. Jio sotoo lamai tepenasehatnya maala mombatuaa teupiong heua.
![OBS Image](https://cdn.door43.org/obs/jpg/360px/obs-en-08-07.jpg)
TeAlataala nombeemo eisiYusup teapapande untuk mombatuaa teupiong heua, jadi siPiraun nonuju tetoo mongomung siia lamai tepanjara. SiYusup nombatuaa teupiong heua ane nonjarita, “TeAlataala kana mombee pituntoung watunya melolu sanu mombosi ane pituntoung teorok.”
![OBS Image](https://cdn.door43.org/obs/jpg/360px/obs-en-08-08.jpg)
SiPiraun masanang tutuu eisiYusup ane siia nogutu siia najari tetoo sanu mokuasa ororuaonya eijojoo teTana nuMesir!
![OBS Image](https://cdn.door43.org/obs/jpg/360px/obs-en-08-09.jpg)
Eendenya pituntoung watunya melolu sanu mombosi, siYusup nongulara eitoo-too untuk mongembea rompulu perseen tepelolu sontoung sangkaning. Lamai heua pituntoung teorok najaoko, siYusup nobaluk sanu noinang eitoo-too antau siira umai sanu noinang!
![OBS Image](https://cdn.door43.org/obs/jpg/360px/obs-en-08-10.jpg)
Teorok majaat heua jio boi eiMesir, tapi valii eiKanaan eipaio siYakub ane teruru-rurusnya nomoia.
![OBS Image](https://cdn.door43.org/obs/jpg/360px/obs-en-08-11.jpg)
Lamai heua siYakub nonuju sompulutoo teunga-unganya umao eiMesir untuk mongoli sanu noinang. Watu teruru-rurusnya najaok eisiYusup, siira jio mootoi siia. Tapi siYusup mootoi siira.
![OBS Image](https://cdn.door43.org/obs/jpg/360px/obs-en-08-12.jpg)
Touk nonyoarai siira antau mootoi siira natobamo atau jiompo, siYusup nonjarita eisiira, “Siau terurus niemiu siYusup! Inyaa mobule. Siemiu nonyoarai untuk mogutu teajajaat ane siemiu nobaluk siau sima tevotuang, tapi teAlataala nomake teajajaat untuk teombombosi! Pajaoko ane pomoia eiMesir antau siau maala mombee teaniong eisiemiu, telapi-lapi ane teunga-unga niemiu.”
![OBS Image](https://cdn.door43.org/obs/jpg/360px/obs-en-08-13.jpg)
Lamai heua teruru-rurusnya netencile umao eivonua ane nonjaritaa eisiYakub. SiYakub nasanang tutuu neeepe siYusup ulengi netuvu.
![OBS Image](https://cdn.door43.org/obs/jpg/360px/obs-en-08-14.jpg)
Maampo siYakub neisimo, siia nombalik umao eiMesir concoono pitumpulu limatoo terurusnya, ane siira jojoo nomoia eiriua. Jijiompo siYakub naate, siia nombarakai jojoo teunganya.
![OBS Image](https://cdn.door43.org/obs/jpg/360px/obs-en-08-15.jpg)
Tepejanjiong sanu vineena nuAlataala eisiAbraham tinarusa eisiIshak, ane eisiYakub, lamai heua eisompulu rotoo teunga-unga niYakub ane eirurus niira. Tebija lamai sompulu rotoo heua majari sompulu rorua tesuku nuIsrael.
_Eini tejarita nuAlataala lamai teKejadian 37-50._