sgj_obs/content/24.md

39 lines
5.5 KiB
Markdown

# 24. युहन्ना हर ईसू ला बपतिसमा देहीस
![OBS Image](https://cdn.door43.org/obs/jpg/360px/obs-en-24-01.jpg)
जकर्याह अऊ एलिशेबा कर बेटा युहन्ना हर बाएड गईस अऊ एक अगमजानी बन गईस। ओहर जंगल में रहत रहीस अऊ जंगल कर मधु रस अऊ फम्फा मन ला खात रहीस अऊ ऊट कर रावा कर कपड़ा पहिरत रहीस।
![OBS Image](https://cdn.door43.org/obs/jpg/360px/obs-en-24-02.jpg)
युहन्ना कर गोईठ ला सुने बर ढ़ेरे अकन लोग मन जात जंगल में जात रहीन। युहन्ना ओमन के यह कह के परचार करे कि, पशचतावा, काबर कि परमेसवर कर राएज हर ठावें हवे।
![OBS Image](https://cdn.door43.org/obs/jpg/360px/obs-en-24-03.jpg)
जे घरी लोग मन युहन्ना कर परचार ला सुनीन त नगदेच लोग मन अपन पांप कर पश्चाताप करिन। अऊ युहन्ना हर ओमन ला बपतिसमा देहीस, चटिक धर्मी अगुवा मन बप्तिस्मा लेयेबर आइन लेकिन ओमन अपन पांप नई मानीन अऊ पश्चाताप नयी करिन।
![OBS Image](https://cdn.door43.org/obs/jpg/360px/obs-en-24-04.jpg)
युहन्ना हर धर्मी अगवा मन जग कहिस “ ए विसैले सांपो, पशचतावा अऊ अपन चाल सहूर ला बदला। हर एक रुख जेहर बटिहा फर नई लाने ओहर काटल जाही, अऊ आगी में डाएल देहल जाही।”अगमजानी मन जे जाएत कहे रहीन, कि “ देखा मैं अपन दूत मनला तुमन कर आघु भेजहूँ। जे तुमन बर डगर बनाही, ” युहन्ना ला भेज के परमेसवर ओला पूरा करीस।
![OBS Image](https://cdn.door43.org/obs/jpg/360px/obs-en-24-05.jpg)
चटिक यहूदी मन युहन्ना जग पूछीन का तैं मसीहा हवस?।युहन्ना हर उत्तर देहीस कि मैं मसीहा न लागो। लेकिन मोर पाछु एकझे आए वाला हवे। ओहर इतेक महान हवे, कि मैं ओकर जूता ला खोलेक लाईक नई हों।
![OBS Image](https://cdn.door43.org/obs/jpg/360px/obs-en-24-06.jpg)
आगु दिन ईसू हर युहन्ना जग बपतिसमा लेहे बर आईस। जे घरी युहन्ना हर ईसू ला देखिस त कहिस। “देखा ए परमेसवर कर मेमना हवे जेहर जम जगहा कर पांप ला ले जाही”।
![OBS Image](https://cdn.door43.org/obs/jpg/360px/obs-en-24-07.jpg)
युहन्ना हर ईसू जग कहिस “ तुहके बपतिसमा देहे कर मैं लाईक नई हों। मोके तुँहर ले बपतिसमा लेहेक चाही, ” लेकिन ईसू हर कहिस, “तैं मोके बपतिसमा दे, काबर कि येहर सही काम हवे”, एकरले युहन्ना हर ईसू ला बपतिसमा देहीस, काबर कि ईसू हर कभो पांप नई करे रहिस।
![OBS Image](https://cdn.door43.org/obs/jpg/360px/obs-en-24-08.jpg)
जे घरी ईसू हर बपतिसमा कर पाछु पानी ले बहीरे निकेल आईस, ते घरी परमेसवर कर आतमा परेवा कर नाइ उतरिस अऊ ओकर ऊपर आईस । ओही घरी परमेसवर कर गोईठ हर सवरग ले सुनाई देहीस, “तैं मोर दुलरुवा बेटा हवस, अऊ मैं तोर ले ढ़ेरे फुला हवों”।
![OBS Image](https://cdn.door43.org/obs/jpg/360px/obs-en-24-09.jpg)
परमेसवर हर युहन्ना ला कहे रहिस, “पवितर आतमा एक आदमी कर ऊपरे उतर आहि। जे के तैं बपतिसमा देहे हवस। ओहर परमेसवर कर बेटा लागे” एक ठे परमेसवर हवे। लेकिन जे घरी युहन्ना हर ईसू ला बपतिसमा देहीस, ओहर पिता परमेसवर कर गोईठ ला सुनिस । बेटा ईसू हर अपन दाऊ परमेसवर ला देखीस अऊ ईसू हर पवितर आतमा ला भी देखीस।
_A Bible story from: Matthew 3; Mark 1:9-11; Luke 3:1-23_