40 lines
2.7 KiB
Markdown
40 lines
2.7 KiB
Markdown
# 40. O Isus čhivdoi ko krsto
|
||
|
||
|
||
|
||
Palo adava so o vojnici marđe muj e Isuseja, legarđe le te čhiven le ko krsto. Terinđe le te akhari o krsto upro saveste ka merel.
|
||
|
||
|
||
|
||
O vojnici anđe e Isuse ko than savo vičinđa pe "Lobanja" hem ekserencar kovinđe lesere vasta hem o pre ko krsto. Ali, o Isus phenđa: "Dade, oprostin lenđe, adalese so na džanen so ćerena." O Pilat naredinđa ki jekh ploča te pisinen: "Caro e jevrejengoro" hem te čhiven la ko krsto upro e Isusesoro šero.
|
||
|
||
|
||
|
||
O vojnici frdinđe barbuti zako e Isusesere šeja. Ked ćerđe adava, pherdilo o proroštvo savo vaćeri: "Ulavđe mle fostanja maškara pumende hem frdinđe barbuti zako mle šeja."
|
||
|
||
|
||
|
||
E Isuse čhivđe ko krsto maškaro duj manuša kola ćerđe bišukaripe. Jekh olendar marđa muj e Isuseja, ali o dujto phenđa: "Tu li na daraja e Devlestar? Amen injam kriva, ali akava manuš nane krivo." Tegani phenđa e Isusese: "Molinava tut, prihvatin man tuće ano carstvo." O Isus phenđa lese: "Avdive ka ove mancar ano raj."
|
||
|
||
|
||
|
||
E jevrejengere vođe hem avera manuša save inele adari, marena ine muj e Isuseja. Vaćerena lese ine: "Te injan o Čhavo e Devlesoro, hulji taro krsto hem spasin tut! Tegani ka verujina će."
|
||
|
||
|
||
|
||
Tegani o nebo upro sa adava krajo skroz kalilo, iako inele ekvaš o dive. Kalilo ko ekvaš dive hem trin saća inele tomina.
|
||
|
||
|
||
|
||
Tegani o Isus vičinđa: "Završimei! Dade, mlo duh dava tuće ano vasta." Tegani peravđa plo šero hem muklja plo duho. Ked mulo, tresinđa i phuv, a i bari zavesa savi delini ine e manušen tari e Devlesiri prisutnost ano hram pharavdili ko duj kotora, odupral natele.
|
||
|
||
|
||
|
||
Ple meribnaja, o Isus ćerđa o manuša te šaj aven paše e Devlese. Ked o vojniko kova ine pazini e Isuse dikhlja sa adava so ulo, phenđa: "Čače, akava manuš na inele krivo. Ov inele o Čhavo e Devlesoro."
|
||
|
||
|
||
|
||
Tegani o Josif hem o Nikodim, o duj vođe e jevrejengere kola verujinđe dai o Isus o Mesija, pučle e Pilate te len e Isusesoro telo. Paćarđe lesoro telo čaršafeja hem čhivđe le ano grobo savo inele ćerdo ani stena. Tegani phandlje o grobo bare bareja.
|
||
|
||
_E biblijakiri paramiz taro Matej 27,27–61; Marko 15,16–47; Luka 23,26–56; Jovan 19,17–42_
|