68 lines
4.3 KiB
Markdown
68 lines
4.3 KiB
Markdown
# 32. O Isus sasljari e opsednutime manuše hem e namborma đuvlja
|
||
|
||
|
||
|
||
Jekh dive, o Isus hem lesere učenici čamcoja nakhle prekalo jezero ki regija kote živinđe o Geresinci.
|
||
|
||
|
||
|
||
Ked resle ki dujto strana e jezerosiri, nakoro Isus prastandilo jekh manuš ano koleste inele demonja.
|
||
|
||
|
||
|
||
Adava manuš inele but zoralo da niko našti ine te smirini le. O manuša phandena ine lesere pre hem lesere vasta lanconencar, ali ov stalno čhinela len ine.
|
||
|
||
|
||
|
||
Ov živinđa maškaro grobija ki adaja regija. Vrištini ine sa o dive hem i rat. Na akharđa šeja hem stalno čhinela pe ine barencar.
|
||
|
||
|
||
|
||
Ked adava manuš alo koro Isus, pelo anglo leste ko kočija. O Isus phenđa e demonese: "Ikljov akale manušestar!"
|
||
|
||
|
||
|
||
O manuš ano koleste inele demonja vičinđa bare glasoja: "So mangeja mandar Isuse, Čhaveja e Najbare Devlesereja? Molinava tut, ma mučin man!" Tegani o Isus pučlja e demone: "Sari to anav?" Ov phenđa lese: "Mo anavi Legija adalese so but đene injam." ("Legija" inele grupa oto nekobor hiljade manuša ani e rimesiri vojska.)
|
||
|
||
|
||
|
||
O demonja zorale molinđe e Isuse: "Molinaja tut, ma bičhal amen taro akava krajo." Adari inele krdo oto bale save xana ine ko pašutno brego. Adalese o demonja zorale molinđe e Isuse: "Molinaja tut, so te ispudine amen akatar, bolje bičhal amen ano bale!" O Isus phenđa lenđe: "Džan!"
|
||
|
||
|
||
|
||
O demonja iklile taro manuš hem đerdinđe ano bale. O bale prastandile natele ano jezero hem taslile. Inele đi ko 2.000 bale ano adava krdo.
|
||
|
||
|
||
|
||
Ked o manuša kola arakhena ine balen dikhlje so ulo, prastandile ki diz hem vaćerđe sarijenđe so dikhlje so o Isus ćerđa. O manuša tari diz ale te dikhen e manuše ano koleste inele demonja. Bešlo mirno, akharđa šeja hem ponašinđa pe sar normalno manuš.
|
||
|
||
|
||
|
||
O manuša but darandile hem phenđe e Isusese te džalfse. I ađahar, o Isus đerdinđa ano čamco hem spreminđa pe te džal. O manuš ano koleste angleder inele demonja zorale molinđa e Isuse te džal oleja.
|
||
|
||
|
||
|
||
Ali, o Isus phenđa lese: "Na, mangava te dža čhere hem te vaćere te amalenđe hem te čherutnenđe sa so o Devel ćerđa će hem sar smilujinđa pe će."
|
||
|
||
|
||
|
||
Adalese o manuš dželo hem sarijenđe vaćerđa so o Isus ćerđa lese. Sare kola šunđe lesoro vaćeriba ule but začudime hem zadivime.
|
||
|
||
|
||
|
||
O Isus irinđa pe ki aver strana e jezerosiri. Ked reslja adari, pherdo đene čedinđe pe uzalo leste hem gurinđe pe ano leste. Maškaro lende inele jekh đuvli koja dešuduj berš patinđa oto thavdiba e ratesoro. Sa ple love dinđa e doktorenđe te sasljaren la, ali olaće inele sa po bišukar.
|
||
|
||
|
||
|
||
Šunđa so o Isus sasljarđa bute nambormen hem mislinđa pe: "Sigurno injum da hem me ka sasljovav samo so ka dolav man upro e Isusesere šeja." Adalese čhivđa pe palo Isus hem dolinđa pe upro lesere šeja. Ked dolinđa le, o thavdiba e ratesoro ačhilo.
|
||
|
||
|
||
|
||
O Isus odmah xalilo da o zoralipe iklilo olestar. Adalese irinđa pe hem pučlja: "Ko dolinđa man?" O učenici phenđe lese: "Isi edobor manuša kola gurinena pe uzala tute hem ana tute. Sose pučeja ko dolinđa tut?"
|
||
|
||
|
||
|
||
I đuvli peli ko kočija anglo Isus hem tresinđa pe oti dar. Tegani phenđa e Isusese so ćerđa, hem da saslili. O Isus phenđa laće: "Ti vera sasljarđa tut. Dža ano mir."
|
||
|
||
_E biblijakiri paramiz taro Matej 8,28–34; 9,20–22; Marko 5,1–20; 5,24b–34; Luka 8,26–39; 8,42b–48_
|