60 lines
4.0 KiB
Markdown
60 lines
4.0 KiB
Markdown
# 12. Ikljojba
|
||
|
||
|
||
|
||
O Izraelci inele but radosna so ikljovena taro Egipat. Na inele više robovija, a džana ine nakori Obećime phuv! O Egipćanja dinđe e Izraelconenđe sa so mangle, đi zlato, srebro hem avera vredna stvarija. Nesave manuša oto avera nacije tegani verujinđe ano Devel hem džele zajedno e Izraelconencar sar on ine ikljovena taro Egipat.
|
||
|
||
|
||
|
||
O Devel legarđa len ađahar so ćerđa jekh učo stubo oto oblako savo džala ine anglo lende prekalo dive, a savo prekali rat ovela stubo oti jag. O Devel uvek inele olencar hem mothovđa lenđe o drom saveja on džana ine. On samo valjanđe te džan palo leste.
|
||
|
||
|
||
|
||
Na nakhino but palo adava, o faraon hem lesoro narodo promeninde pumaro mišljenje hem mangle palem o Izraelci te oven lengere robovija. O Devel ćerđa o faraon te pherđol xoli te šaj dikhel o narodo dai samo Ov Čačikano Devel, hem te xaljoven dai Ov, o Jahve, pozoralo e faraonestar hem lesere develjendar.
|
||
|
||
|
||
|
||
Adalese o faraon hem lesiri vojska džele palo Izraelci te dolen len. Ked o Izraelci dikhlje sar e faraonesiri vojska avela, xalile da inele zarobime maškar e faraonesiri vojska hem o Lolo more. But darandile hem vičinđe: "Na valjanđam te dža taro Egipat! Akana ka mera!"
|
||
|
||
|
||
|
||
O Mojsije phenđa e Izraelconenđe: "Ma daran! O Devel ka marel pe tumenđe hem ka spasini tumen." Tegani o Devel phenđa e Mojsijase: "Vaćer e narodose te ciden pe nakoro Lolo more.
|
||
|
||
|
||
|
||
Tegani o Devel cidinđa o stubo oto oblako hem čhivđa le maškaro Izraelci hem o Egipćanja, i o Egipćanja našti ine te dikhen e Izraelconen.
|
||
|
||
|
||
|
||
O Devel phenđa e Mojsijase te vazdel po vas nakoro more hem te razdvojini o pani. Tegani o Devel bičhalđa barval savi phudinđa o pani ano more ki levo hem ki desno strana, i ađahar ćerđa pe drom maškaro more.
|
||
|
||
|
||
|
||
O Izraelci nakhle maškaro more upri šuki phuv, a ko soduj strane o pani terdino sar duvarija.
|
||
|
||
|
||
|
||
Tegani o Devel cidinđa o oblako taro drom, i o Egipćanja šaj ine te dikhen e Izraelconen sar našena. On tegani pođinđe palo lende.
|
||
|
||
|
||
|
||
I ađahar, džana ine palo Izraelci dromeja maškaro more, ali o Devel ćerđa o Egipćanja te daran hem lengere kočije te zaglavinen pe. Vičinđe: "Te naša akatar! O Devel marela pe zako Izraelci!"
|
||
|
||
|
||
|
||
Ked sa o Izraelci nakhle ko sigurno ki aver strana taro more, o Devel phenđa e Mojsijase palem te vazdel po vas. Ked ćerđa o Mojsije ađahar, o pani irinđa pe palal pe thaneste hem tasavđa sa e faraonesere vojska.
|
||
|
||
|
||
|
||
Ked dikhlje o Izraelci da o Egipćanja mule, verujinđe ano Devel hem verujinđe dai o Mojsije proroko e Devlesoro.
|
||
|
||
|
||
|
||
O Izraelci but inele radosna so o Devel spasinđa len taro meriba hem taro robujiba! Akana šaj ine te služinen e Devlese. O Izraelci đilabđe but đilja, proslavinđe pumari sloboda hem slavinđe e Devle adalese so spasinđa len tari e egipatesiri vojska.
|
||
|
||
|
||
|
||
O Devel naredinđa e Izraelconenđe đijekh berš te slavinen i Pasha sar te setinen pe da o Devel dinđa len pobeda upro Egipćanja hem da spasinđa len taro robujiba. Slavinđe la ađahar so čhinena ine najšukare bakrore, save ine xana zajedno e mareja savoi ćerdo bizo kvasco.
|
||
|
||
_E biblijakiri paramiz taro 2. lil e Mojsijasoro 12,33–15,21_
|