68 lines
5.0 KiB
Markdown
68 lines
5.0 KiB
Markdown
# 3. O baro pani
|
|
|
|
|
|
|
|
Palo but berša, ki phuv živinđe but manuša. Ule but bišukar hem nasilna. Edobor sa inele bišukar da o Devel odlučinđa e bare panjeja te uništini sa i phuv.
|
|
|
|
|
|
|
|
A o Noje inele manuš koleja o Devel inele zadovoljno. Ov inele šukar manuš, a živinđa maškaro bišukar manuša. O Devel phenđa e Nojase so mangela upri phuv te mukel baro pani. Phenđa lese te ćerel baro brodo.
|
|
|
|
|
|
|
|
O Devel phenđa e Nojase te ćerel o brodo 140 metarija glego, 23 metarija bulo hem 13,5 metarija učo. O Noje valjanđa te ćerel le oto kašta, te ćerel trin spraća, pherdo sobe, krov hem prozori. Ked ka avel o baro pani, ano adava brodo valjani te garaven pe o Noje, lesiri porodica hem đi jekh vrsta e životinjendar save džana phuvjaja.
|
|
|
|
|
|
|
|
O Noje šunđa e Devle. Ov hem lesere trin čhave ćerđe o brodo ađahar sar so phenđa lenđe o Devel. Valjanđa lenđe but berša te ćeren o brodo, adalese so inele but baro. O Noje sa e manušenđe vaćerđa da o Devel ka bičhali baro pani hem phenđa lenđe te ačhaven pumare greja hem te irinen pe ko Devel, ali on na verujinde lese.
|
|
|
|
|
|
|
|
O Devel naredinđa e Nojase hem lesere porodicaće te čeden xajbnase edobor kobor valjani lenđe hem e životinjenđe. Ked sa inele spremno, o Devel phenđa e Nojase da alo o vreme te đerdini ko brodo pe romnjaja, pe trine čhavencar hem lengere romnjencar - adavai sa ofto đene.
|
|
|
|
|
|
|
|
O Devel bičhalđa e Nojase murše hem đuvlja oti đijekh vrsta e životinjendar hem e čirikljendar te đerdinen ko brodo kote ka oven zaštitime e bare panjestar. O Devel bičhalđa efta muršen hem efta đuvljen oti đijekh vrsta e životinjendar save šaj ine te žrtvujinen pe. Ked sare inele ano brodo, korkoro o Devel phandlja o udar.
|
|
|
|
|
|
|
|
Tegani o bršin lelja te čhorel. Pelo saranda dive hem saranda raća bizo ačhojba! O pani ikljola ine hem tari phuv. Sa so inele ki phuv inele učhardo e panjeja, đi o najbare planine.
|
|
|
|
|
|
|
|
Mulo sa so živinđa upri phuv, sem o manuša hem o životinje kola inele ano brodo. O brodo džala ine upro pani hem zaštitini sarijen kola inele ano leste te na tasljon.
|
|
|
|
|
|
|
|
Ked ačhilo o bršin, o brodo džala ine upro pani pana pandž masek, a zako adava vreme o pani lelja te cidel pe. I jekh dive o brodo terdino ko naj učo than e planinakoro, ali i phuv pana inele talo pani. Palo adava, valjanđa te nakhel pana trin masek te šaj dičhon o naj uče thana e planinengere.
|
|
|
|
|
|
|
|
Palo adava nakhino pana saranda dive i o Noje bičhalđa e čiriklja savi vičini pe gavran te dikhel da li cidinđa pe o pani. O gavran ine džala hem avela rodindoj šuki phuv, ali našti ine te arakhi la.
|
|
|
|
|
|
|
|
Palo adava o Noje bičhalđa e čiriklja savi vičini pe golubica. Ali ni oj našti ine arakhi šuki phuv, i irinđa pe ko Noje. Palo jekh kurko, o Noje palem bičhalđa e golubica, savi irinđa pe e maslinakere grankaja ano muj! O pani ine cidela pe, a o biljke palem lelje te barjon.
|
|
|
|
|
|
|
|
O Noje adžićerđa pana kurko dive, i trito puti bičhalđa e golubica. Akava puti, i golubica arakhlja than kote ka ačhol hem na irinđa pe ko Noje. O pani ine cidela pe!
|
|
|
|
|
|
|
|
Duj masek palo adava, o Devel phenđa e Nojase: "Tu, ti porodica hem o životinje akana šaj te ikljoven taro brodo. Nek ovel tumen but čhave hem unuci hem te pheren i phuv!" I ađahar, o Noje hem lesiri porodica iklile taro brodo.
|
|
|
|
|
|
|
|
Ked o Noje iklilo taro brodo, vazdinđa jekh than kote dena pe žrtve hem žrtvujinđa oti đijekh vrsta e životinjendar save šaj ine te žrtvujinen pe. O Devel inele but zadovoljno adaleja hem blagoslovinđa e Noja hem lesere porodica.
|
|
|
|
|
|
|
|
O Devel phenđa: "Dava mlo lafi da niked više na ka prokletinav i phuv zbog o bišukaripe e manušengoro hem da niked više na ka uništinav i phuv e bare panjeja, iako o manuša grešinena pana taro tikoripe."
|
|
|
|
|
|
|
|
O Devel ćerđa i prvo duga sar znako oto lesoro obećanje. Đijekh puti ked ka ikljol duga ko nebo, o Devel ka setini pe ko plo obećanje, a lesoro narodo da ka setini pe adalestar.
|
|
|
|
_E biblijakiri paramiz taro 1. lil e Mojsijasoro 6-8_
|