48 lines
4.1 KiB
Markdown
48 lines
4.1 KiB
Markdown
# 42. O Isus boldelpes po nebo
|
||
|
||
|
||
|
||
Ande okova đes kana o Isus uskrsnisardas andar e mule, duj katar lešće učenikurja džanas te obilazin o gav. Dok phirenas, ćerenas svato pale sa so sas e Isuseja. Nadisajle kaj si vo o Mesija, ali aska sas mudardo. Akana e manušnja phendine kaj si palem džudo. Či džangline so te pađan.
|
||
|
||
|
||
|
||
O Isus nakhlo lende thaj počnisardas te phirel lenca, ali von či pindžardine les. Phučlalen so godova ćerenas svto, pa phendine lešće sa šukar so dogodisajlo e Isuseja maj sigo nesave đesa. Gndisardine kaj ćeren svato e gostosa savo čidžanel so sas ando Jerusalim.
|
||
|
||
|
||
|
||
Askal o Isus objasnisarda lenđe so phenel e Devlesko alav palo Mesija. Dijalen gođi so e prorokurja phendine kaj o Mesija patila thaj avela mudardo, ali uskrsnila o trito đes. Kana aresline dži ke o gav kaj akala duj manuša kanisardine te ačhen, gata već peli e rjat.
|
||
|
||
|
||
|
||
E duj manuša akhardine e Isuse te ačhel lenca, pa vo ačhilo lenca. Kana sas spremne te han e večera, o Isus vazda o mangro, zahvalisardas e Devlešće pale leste, thaj phaglale. Andar jekhvar von pindžardine les kaj si vo o Isus. Ali ande godova trenutko nestanisardas angle lenđe jakha.
|
||
|
||
|
||
|
||
E duj manuša phendine jek avrešće: "Godova sas o Isus! Zato amare ile phabonas kana objasnisarelas amamenđe e Devlešće alava!" Odma đeletar palpale ando Jerusalim. Kana aresline, phendine e učenikonenđe: "O Isus si džudo! Dikhlam les!"
|
||
|
||
|
||
|
||
Dok e učenikurja gajda ćerenas svato, o Isus andar jekhvar pojavisajlo ande soba lenca thaj phendas: "Miro tumenđe!" E učenikurja gndisardine kaj dićhen e duho, ali o Isus phendas lenđe: "Sostar sen darane thaj sumljičave? Dićhen mungre vas thaj mungre pungre. E duhonen naj telo sago man kaj si." Te dokažil lenđe kaj naj duho, manglas lendar vareso te hal. Dinele kotor pesko mačho, a vo haline.
|
||
|
||
|
||
|
||
O Isus phendas: "Phendem tumenđe kaj sa so si ramome pale mande ande Devlesko Alav moraš te pherdol." Askal putardas lenđi gođi te šaj haćaren e Devlesko Alav. Phendas: "Dumut sas ramome kaj o Mesija patila, merela thaj uskrsnila andar e mule o trito đes."
|
||
|
||
|
||
|
||
"Isto gajda si ramome ande Lila kaj mungre učenikurja navestina savorenđe te pokajinpe sar primisardinesas o jartipe pale pire bezeha. Počnina te ćeren akava ando Jerusalim, a askal džana svugde sa e themešće svugde. Tumen sen svedokurja palthaj svedočina sa e themešće. Tumen sen e svedokurja pale godova."
|
||
|
||
|
||
|
||
Pale štarvardeš đes save avenas, o Isus pojavilaspe pire učenikonenđe. Jekhvar sikadilo e pandžšela (500) manušenđe ande isto vrjama! Dokažisardas pire učenikonenđe pe majbut načinurja kaj si džudo, thaj sikavelas les palo carstvo e Devlesko.
|
||
|
||
|
||
|
||
O Isus phendas pire učenikonenđe: "Dini si manđe sa e vlast po nebo thaj pe phuv. Dakle, džan, thaj ćeren katar sa e thema učenikonen gajda kaj bolena len ando alav e Dadesko, Čhavesko, thaj e Sveto Duhosko, thaj sikavenlen te aven poslušne ande sa so zapovedisardem tumenđe. Dentumen gođi me avava sasti vrjama tumenca."
|
||
|
||
|
||
|
||
Štarvardeš đes nakon so o Isus vaskrsnisarda andar e mule, phenda pire učenikonenđe: "Ačhen ando Jerusalimo dok e sila e Duho Svetošći či fuljel pe tumende." Askal o Isus đelotar po nebo, thaj o oblako garadasle katar lenđe jakha. O Isus bešlas pe desno rig e Devlešći te vladil pe sa.
|
||
|
||
_Biblijske paramiča andar o: Matej 28,16–20; Marko 16,12–20; Luka 24,13–53; Jovan 20,19–23; e Djela apostolska 1,1–11_
|