68 lines
4.4 KiB
Markdown
68 lines
4.4 KiB
Markdown
# 32. O Isus sastarele nasvale romnja thaj rome save sas nečisto duho
|
||
|
||
![OBS Image](https://cdn.door43.org/obs/jpg/360px/obs-en-32-01.jpg)
|
||
|
||
Jek đes, o Isus thaj lešće sikamne nakhline čamcosa prekal o jezero ando krajo kaj trainas e Galilejcurja.
|
||
|
||
![OBS Image](https://cdn.door43.org/obs/jpg/360px/obs-en-32-02.jpg)
|
||
|
||
Kana aresline pe aver rig e jezerošći, rom saves sas nečisto duho prastajas dži ko Isus.
|
||
|
||
![OBS Image](https://cdn.door43.org/obs/jpg/360px/obs-en-32-03.jpg)
|
||
|
||
Kava rom sas gajda zuralo kaj khonik naštik savladisardas les. O them čak lanconenca phandenas lešće vas thaj lešće pungre, ali vo stalno phađelas len.
|
||
|
||
![OBS Image](https://cdn.door43.org/obs/jpg/360px/obs-en-32-04.jpg)
|
||
|
||
Godova rom trailas maškar e limorja pe godova krajo. Akava rom čholas muj celo rjat thaj celo đes. Či delas pe peste drze thaj čhinelas pes barenca.
|
||
|
||
![OBS Image](https://cdn.door43.org/obs/jpg/360px/obs-en-32-05.jpg)
|
||
|
||
Kana godova rom avilo ko Isus, pelo pe pe koča angle leste. O Isus phendas e benđešće savo sas ande leste: "Inklji andar kava rom!"
|
||
|
||
![OBS Image](https://cdn.door43.org/obs/jpg/360px/obs-en-32-06.jpg)
|
||
|
||
O rom nečiste duhosa čhutas muj zurale glasosa: "So manđes mandar Isuse, Svevišnje Devlešće Čhaveja? Molima tuće na mučisarman!" Askal o Isus phučlas e bilačhe duho: "Sar bučhos?" Akava phendas: "Mungro alav si Legija kas si amen but." ("Legija" sas grupa katar vareso milje vojnikurja ande rimsko vojska.)
|
||
|
||
![OBS Image](https://cdn.door43.org/obs/jpg/360px/obs-en-32-07.jpg)
|
||
|
||
E bilačhe duhurja molinas e Isuse: "Molime tuće na trade men andar kava krajo." O kote sas krdo bale save čarjonas pe pašutno baro brego. Pa e nečiste duhurja molinas e Isuseses: "Molime tuće bičhalamen ande bale umesto godova!" O Isus phendas: "Džan!"
|
||
|
||
![OBS Image](https://cdn.door43.org/obs/jpg/360px/obs-en-32-08.jpg)
|
||
|
||
E nečiste duhurja inkljistine andar o rom thaj dine ande bale. E bale pojurisardine katar e litica thaj ando jezero thaj tasajle. Sas varekaj katar 2000 bale ande godova krdo.
|
||
|
||
![OBS Image](https://cdn.door43.org/obs/jpg/360px/obs-en-32-09.jpg)
|
||
|
||
Kana o them save lenas sama pe bale dikhline so sas, prastaine ando gav thaj phendine savorenđe kas dikhili so o Isus ćerdas. O them andar o gav aviline thaj dikhline e romes saves sas dži askal bilačhe duhurja. Bešelas mirno, sasle drze pe leste thaj ponašila pe sago normalno manuš.
|
||
|
||
![OBS Image](https://cdn.door43.org/obs/jpg/360px/obs-en-32-10.jpg)
|
||
|
||
O them zurales darajlo thaj rodine katar o Isus te džaltar. Gajda kaj o Isus dijas ando čamco thaj pripremisajlo te džaltar. O rom saves sas nečiste duhurja preklinjilas e Isuses te džal lesa.
|
||
|
||
![OBS Image](https://cdn.door43.org/obs/jpg/360px/obs-en-32-11.jpg)
|
||
|
||
Ali o Isus phendas lešće: "Na, kamav te ačhes ćhere thaj phenes će drugarenđe thaj će familijaće sa so o Del ćerdas pale tute thaj sar smiluisajlo tuće."
|
||
|
||
![OBS Image](https://cdn.door43.org/obs/jpg/360px/obs-en-32-12.jpg)
|
||
|
||
Gajda kaj o rom đelotar thaj phendas pirenđe pale godova so o Isus ćerdas pale leste. Savora save ašundine lesko svto sas zadivime thaj ando čudo.
|
||
|
||
![OBS Image](https://cdn.door43.org/obs/jpg/360px/obs-en-32-13.jpg)
|
||
|
||
O Isus boldaspe pe koja rig e jezerešći. Kana areslo kote, but o them ćidapes oko leste taj spidelaspe oko leste. Ande godoja gužva sas jek romnji savi sas nasvali dešuduj brš džalas latar o rat. Poćindas sa pe love e doktorenđe te sastarenla, ali sas laće smo maj gore.
|
||
|
||
![OBS Image](https://cdn.door43.org/obs/jpg/360px/obs-en-32-14.jpg)
|
||
|
||
Ašundas kaj o Isus sastardas but e navalen theme thaj gndiardas: "Sigurno sem kaj ako samo šaj dotaknisarav e Isusešće drze, askal vi me avava sasti." Gajda kaj avili palo Isus thaj dotaknisajli lešće drzendar. Čim dotaknisardas les, o rat ačhilolatar te džal.
|
||
|
||
![OBS Image](https://cdn.door43.org/obs/jpg/360px/obs-en-32-15.jpg)
|
||
|
||
O Isus odma haćardas kaj e sila inkljisti andar leste. Pa boldaspe thaj phučlas: "Ko dotaknisardaman?" E sikamne phendine: "Si gaći them kaj spidelpes oko tute thaj sudarnipe tuva. Sostar phučes: "Ko dotaknisardaman?"
|
||
|
||
![OBS Image](https://cdn.door43.org/obs/jpg/360px/obs-en-32-16.jpg)
|
||
|
||
E manušnji peli pe pire koča anglo Isus, ćhinolaspe e daratar. Askal phendas e Isusešće so ćerdas thaj kaj sastili. O Isus phenda laće: "Ćiri vera sastardastut. Dža ando miro."
|
||
|
||
_Biblijsko paramiči andar o: Matej 8,28–34; 9,20–22; Marko 5,1–20; 5,24b–34; Luka 8,26–39; 8,42b–48_
|