64 lines
5.6 KiB
Markdown
64 lines
5.6 KiB
Markdown
# 14. O Them lutilas e divljinasa
|
||
|
||
![OBS Image](https://cdn.door43.org/obs/jpg/360px/obs-en-14-01.jpg)
|
||
|
||
Nakon so o Del objavisardas e Izraelconenđe e zakonurja savenđe kamlas te aven poslušne te gododova avel sago deo lesko savezo lenca, askal đeletar katar e planina Sinaj. O Del počnisardas te inđarelen prema e Obećime phuv, savi još akhardolas Kanan. O stupo katar o oblako džalas angle lende prema o Kanan a von sledinas les.
|
||
|
||
![OBS Image](https://cdn.door43.org/obs/jpg/360px/obs-en-14-02.jpg)
|
||
|
||
O Del obećisardas e Avraamešće e Isakošće thaj e Jakovešće kaj dela e obećime phuv lenđe potomkonenđe, ali akana okote trajilas but o them. Saven akharenas kanancurja. E Kanancurja či poštuinas niti slavinas e Devles. Von poštuinas e hohamne devlen thaj ćerenas o baro bilačhipe.
|
||
|
||
![OBS Image](https://cdn.door43.org/obs/jpg/360px/obs-en-14-03.jpg)
|
||
|
||
O Del phendas e Izraelconenđe: "Moraš te traden sa e Kananconen andar e obećime phuv. Na te sklopin o miro lenca thaj na te ženin tumen lenca. Moraš te potpuno uništin sa lenđe idolurja. Ako či čhon kan mande, poštujina lenđe idolen umesto man."
|
||
|
||
![OBS Image](https://cdn.door43.org/obs/jpg/360px/obs-en-14-04.jpg)
|
||
|
||
Kana e Izraelcurja aresline dži ke granica Kanan, o Mojsije izabirisarda dešuduj mušken, po jećhe katar svako izraelosko pleme. E mušken dijas upute te džan thaj te špijonirin e phuv te dićhen sošći si. Isto trubuine te špijunirin e Kananconen te dićhen dali si zurale ili slabe manuša.
|
||
|
||
![OBS Image](https://cdn.door43.org/obs/jpg/360px/obs-en-14-05.jpg)
|
||
|
||
E dešuduj muškarcurja putuinas kroz o Kanan štarvardeš đes thaj askal boldinepe palpale. Thaj phendine e themešće: "E phuv si zurale plodno thaj bijanel but lačhe thaj bare plodurja." Ali e deš špijunurja phendine: "E gava lenđe si zurale a godola manuša si divurja! Ako napadis len, sigurno pobedina amen thaj mudarenamen!"
|
||
|
||
![OBS Image](https://cdn.door43.org/obs/jpg/360px/obs-en-14-06.jpg)
|
||
|
||
Ali e aver duj uhode, o Kalev thaj o Isus Navin, odma phendine: "Čačes si kaj si e manuša andar o Kanan zurale vuče thaj zurale, ali amen sigurno šaj te pobedis len! O Del borilapes pale amende!"
|
||
|
||
![OBS Image](https://cdn.door43.org/obs/jpg/360px/obs-en-14-07.jpg)
|
||
|
||
Ali o them či čutas kan ko Kaleb thaj ko Isus Navin. Thaj holjajle po Mojsije thaj po Aron thaj phendine: "Sostar andanamen akate pe akava džungalo than? Maj lačhe te ačhilamas ando Egipat, a na te avas mudarde ande borba a amare romnja thaj amare čhavra te aven roburja." O them kamlas te izbiril pešće aver vođa savo boldelalen ando Egipat.
|
||
|
||
![OBS Image](https://cdn.door43.org/obs/jpg/360px/obs-en-14-08.jpg)
|
||
|
||
O Del zurales holjajlo thaj avilo ando šator e sastankosko. O Del phendas: "Pošto pobunisajle protiv mande, sasto them akana moraš te lutilas e pustinjasa. Osim o Isus Navin thaj o Kaleb, svako kas si biš brš ili majbut akate merela thaj nikada či dela ande obećime phuv."
|
||
|
||
![OBS Image](https://cdn.door43.org/obs/jpg/360px/obs-en-14-09.jpg)
|
||
|
||
Kana o them ašundas godova, sas lenđe žao kaj sagrešisardine. Line piro oružije thaj đele te napadnin e Kananconen. O Mojsije upozorisarda len te na džan kaj o Del naj lenca, ali von či čhutine kan leste.
|
||
|
||
![OBS Image](https://cdn.door43.org/obs/jpg/360px/obs-en-14-10.jpg)
|
||
|
||
O Del či đelo lenca ane akaja bitka, pa sas porazime thaj but lendar sas mudarde. Askal e Izraelcurja boldine pes katar o Kanan thaj lutisardine e pustinjasa štarvardeš brš.
|
||
|
||
![OBS Image](https://cdn.door43.org/obs/jpg/360px/obs-en-14-11.jpg)
|
||
|
||
Ande godola štarvardeš brš sar o them Izraelosko lutilas e pustinjasa, o Del vodilas e briga pale lende. Dijalen mangro andar o nebo, savo akhardolas "mana". Sago kaj vi bičhaldas lenđe jato čiriklja, save akhardanas prepelice, ande lenđe logorurja te šaj han mas. Sasti godoja vrjama, o Del arakhlas lenđe drze thaj lenđe sandale katar godova te na ćernjon.
|
||
|
||
![OBS Image](https://cdn.door43.org/obs/jpg/360px/obs-en-14-12.jpg)
|
||
|
||
O Del čudesno dijalen čak vi paj andar e stena. Ali vi ako o Del delas len kroz akala brš habe, paj, drze thaj sa so sas lenđe potrebno o Izraelsko them prigovorilas thaj mrmljilas po Del thaj po Mojsije. Ali čak vi askal, o Del sas verno kolešće so obećisardas e Avraamešće, e Isakošće thaj e Jakovešće.
|
||
|
||
![OBS Image](https://cdn.door43.org/obs/jpg/360px/obs-en-14-13.jpg)
|
||
|
||
Jek aver drom kana e themes nas paj, o Del phendas e Mojsijašće: "Phen e stenaće thaj o paj inkljela andar late." Ali o Mojsije ladžardas e Devles anglo sasto them gajda kaj dijas dab duvar pe stena e rovljasa umesto te phendasas laće. O paj inkljisto andar e stena te savora šaj pijen, ali o Del sas holjariko po Mojsije thaj phendas: "Tu či deja ande obećime phuv."
|
||
|
||
![OBS Image](https://cdn.door43.org/obs/jpg/360px/obs-en-14-14.jpg)
|
||
|
||
Nakon so e Izraelcurja lutisardine e pustinjasa štarvardeš brš, sa save pobunisajle protiv o Del muline. Askal o Del palem andas e themes dži ko rubo ke obećime phuv. O Mojsije sas akana zurale purano pa o Del odabirisardas e Isus Navin te pomognil te vodisarel e themes. O Del isto gajda obećisardas e Mojsijašće kaj jek đes bičhalela proroko savo avela sago o Mojsija.
|
||
|
||
![OBS Image](https://cdn.door43.org/obs/jpg/360px/obs-en-14-15.jpg)
|
||
|
||
Askal o Del phendas e Mojsijašće te džal po vrho e planinako te šaj dićhel e obećime phuv. O Mojsije dikhlas e obećime phuv ali o Del či dijas te del ande late. Askal o Mojsije mulo, a e Izraelcurja tuguinas štarvardeš đesa. A o Isus Navin postanisardas lengo nevo vođa. O Isus Navin sas lačho vođa kaj paćalas thaj sas poslušno e Devlešće.
|
||
|
||
_Biblisko paramiči andar o: Izlasko 16–17, Brojurja 10–14; 20; 27; Ponovime zakono 34_
|