40 lines
3.7 KiB
Markdown
40 lines
3.7 KiB
Markdown
# 33. Рассказ о земледельце
|
||
|
||
![OBS Image](https://cdn.door43.org/obs/jpg/360px/obs-en-33-01.jpg)
|
||
|
||
Екхвар Иисусо исыс пашэ рэка. Ёв сыклякирэлас бут манушэн. Тэ шунэн Иисусос явнэ бут мануша, Ёв бэстя дэ лодка сави исыс дэ паны соб Лэс куч тэ дыкхэн и тэ шунэн. Сыр бэстя дэ лодка, Ёв лыя тэ сыклякирэл манушэн.
|
||
|
||
![OBS Image](https://cdn.door43.org/obs/jpg/360px/obs-en-33-02.jpg)
|
||
|
||
Иисусо роспхэндя манушэнгэ, савэ шунэнас Лэс дасави история: «Екх мануш выгия тэросчурдэл зёрно дэ пхув. Сыр ёв росчурдэлас зёрны, на бут зёрны пэнэ пэ дром. Явнэ чирикля и поханэ адалэ зёрны.
|
||
|
||
![OBS Image](https://cdn.door43.org/obs/jpg/360px/obs-en-33-03.jpg)
|
||
|
||
Авир зёрны пэнэ пэ бара, кай исыс на бут пхув. Ёнэ сыго выбаринэ нэ корни на гинэ дэ пхув. Сыр прыпэкья кхам ёнэ зашутинэ и хасинэ.
|
||
|
||
![OBS Image](https://cdn.door43.org/obs/jpg/360px/obs-en-33-04.jpg)
|
||
|
||
Исыс зёрны савэ пэнэ дэ колючё чар. Семена лынэ тэ барьён, нэ колючки за замарадэ лэн. Пал дова одолэ растения савэ пробаринэ кай колючки, надынэ ни саво зёрно.
|
||
|
||
![OBS Image](https://cdn.door43.org/obs/jpg/360px/obs-en-33-05.jpg)
|
||
|
||
Исыс дасавэ семена, савэ пэнэ дэ лачи пхув. Ёнэ выбаринэ и яндэ дэ 30, 60 и савэ и дэ 100 молы бутыр семян, долэндыр со посеяли. Кон камэл тэ джял пал Дэвлэстэ, мэк полэла одова со Мэ ракирав!
|
||
|
||
![OBS Image](https://cdn.door43.org/obs/jpg/360px/obs-en-33-06.jpg)
|
||
|
||
Ученики на полэнэ кэсо дая история, нэ Иисусо роспхэндя кэ со ёй, сыр ёнэ ачнэпэ екх джине лэса: «Семя — ада Дэвлэскиро Лав. Дром — ада мануш, саво шунэл Дэвлэскиро лав, нэ на полэл лэс. И бэнг чёрэл кэ ёв Лав, соб мануш тэ напатял и тэ на зракхэлпэ.
|
||
|
||
![OBS Image](https://cdn.door43.org/obs/jpg/360px/obs-en-33-07.jpg)
|
||
|
||
Баруны пхув — ада мануш, саво шунэл Дэвлэскиро лав и прылэл лэс. Нэ сыр лэскэ пхаро ёв отджял Дэвлэстыр.
|
||
|
||
![OBS Image](https://cdn.door43.org/obs/jpg/360px/obs-en-33-08.jpg)
|
||
|
||
Пхув дэ колючё чар — ада мануш, саво шунэл Дэвлэскиро Лав. Нэ ёв дрыван бут думинэл пал джиипэн наджинэл сыр тэ закэрэл бутыр ловэ и тэ кэрэл пэскэ миштыпэн. Пал дова ёв пирьячёл тэ патял дэ Дэвлэстэ. И дова со ёв сыклёлас Дэвлэскирэ Лавэстэ забистрэл. Дасаво мануш сыр пшенично колоско би зерноско.
|
||
|
||
![OBS Image](https://cdn.door43.org/obs/jpg/360px/obs-en-33-09.jpg)
|
||
|
||
Нэ семя дэ лачи пхув — ада мануш, саво шунэл Дэвлэскиро Лав, патял дэ лэстэ и янэл плодо».
|
||
|
||
_Библейско история из Еванглия Матфеёстыр 13:1-8, 18-23, Еванглия Маркостыр 4:1-8, 13-20 и Еванглия Лукастыр 8:4-15_
|