40 lines
4.5 KiB
Markdown
40 lines
4.5 KiB
Markdown
# 24. Иоанн болэл Иисусос
|
||
|
||
![OBS Image](https://cdn.door43.org/obs/jpg/360px/obs-en-24-01.jpg)
|
||
|
||
Иоанно, чаво Захариияско и Елизаветако, выбария и атча пророко. Ёв дживэлас дэ пустыня, и халас дико ягвин и саранча и уреласпэ дэ верблюжо шерсть.
|
||
|
||
![OBS Image](https://cdn.door43.org/obs/jpg/360px/obs-en-24-02.jpg)
|
||
|
||
Буд манушэн явэнас дэ пустыня тэ шунэн Иоаннос. Ёв ракирэлас лэнгэ дякэ: Ачавэн пэскирэ бэзэха, дякэ сыр Дэвлэскиро Царство сыг явэла!
|
||
|
||
![OBS Image](https://cdn.door43.org/obs/jpg/360px/obs-en-24-03.jpg)
|
||
|
||
Сыр шунэнас лэскирэ лава, мануша мангэнас кэ Дэвэл соб Ёв тэ простинэл лэнгирэ бэзэха, и Иоанно болэлас лэн дэ рэка Иордан. Явэнас тэ болэпэ и бут религиозна начальники, нэ ёнэ на камнэ тэ приджинэнпэ дэ пэскирэ Бэзэха.
|
||
|
||
![OBS Image](https://cdn.door43.org/obs/jpg/360px/obs-en-24-04.jpg)
|
||
|
||
Иоанно ракирэлас лэнгэ: «Тумэ - ядовита Сапа! Парувэн пэскиро джиипэн. Дэвэл счингирэла и чурдэла дэ яг дэмбо саво на дэл лачо плодо». Бут мануша прылэнас Иоаннос пророкоса Дэвлэстыр и полэнас лэс патываса. Иоанно кэрдя дова со ракирэнас пророки: «Дыкх, Мэ бичявава ангил Тутэ Мирэс посланникос, саво прочивэла тукэ дром. Мэк сарэ овраги авэна пхэрдэ, и бэрги обмэкэнапэ, извилиста дрома явэна пряма и налаче дрома явэна лаче дромэнса».
|
||
|
||
![OBS Image](https://cdn.door43.org/obs/jpg/360px/obs-en-24-05.jpg)
|
||
|
||
Варисавэ религиозна начальники пучэнас кэ Иоанно: Ту Мессия? Иоанно ракирэлас: Мэ нанэ Мессия. Ёв явэла пал мандэ. Ёв барэдыр пэ бут мандыр, мэ на молав тэ лавпэ пал Лэскирэ гэра.
|
||
|
||
![OBS Image](https://cdn.door43.org/obs/jpg/360px/obs-en-24-06.jpg)
|
||
|
||
Пэ авир дэвэс кэ Иоанно явья Иисусо, соб тэ болэпэ лэстыр. Сыр Иоанно удыкхья Лэс, то пхэндя: «Дыкхэнте! Гэна Дэвлэско Бакроро, Саво слэла бэзэх сарэ свэтостыр».
|
||
|
||
![OBS Image](https://cdn.door43.org/obs/jpg/360px/obs-en-24-07.jpg)
|
||
|
||
Тэнче Иоанно пхэндя Иисусоскэ: «Мэ на молав Тут тэ болэнав. Ада Ту трэби ман тэ болэнэс». Нэ Иисусо пхэндя: «Нат. Ту трэби тэ болэнэс Ман, пал дова со дякэ яаэла кэрды Дэвлэскири воля». Тэнче Иоанно болдя Лэс, нэ Иисусо на кэрэлас нисаво бэзэх.
|
||
|
||
![OBS Image](https://cdn.door43.org/obs/jpg/360px/obs-en-24-08.jpg)
|
||
|
||
Сыр Иисусо болдяпэ и гадыяпэ панестыр, Дэвлэско Духо змекьяпэ болыбнастыр сыр гулумбо и бэстя пэ Иисусостэ. И шундо исыс глос Дэвлэско болыбнастыр: «Ада Миро Чаво! савэс Мэ камав!»
|
||
|
||
![OBS Image](https://cdn.door43.org/obs/jpg/360px/obs-en-24-09.jpg)
|
||
|
||
Дэвэл ракирэлас Иоанноскэ, со дякэ саро и авэла: «Свэнто Духо сджяла и обмэкэлапэ пэ екхэстэ Манушэстэ, Савэс ту болэса. Одова Мануш и авэла Дэвлэскирэ Чавэса». Адая история сыкавэл амангэ, со исын Екх Дэвэл, нэ дэ трин муя. И сыр Иоанно болэлас Иисусос, ёв шундя, сыр ракирэлас Дэвэл-Дад дыкхья Дэвлэс-Чавэс, и Дэвлэс-Свентонэ Духос.
|
||
|
||
_Библейско история из Еванглия от Матфеёстыр 3, Еванглия от Маркостыр 1: 9-11, Еванглия от Иоанностыр 1: 6-34 и Еванглия от Лукастыр 3: 1-23_
|