3.3 KiB
3.3 KiB
रोटी
परिभाषा:
रोटी एउटा खाना हो । मुछेको डल्लो बनाउन पिठोमा पानी र तेलको मिश्रण गरी यसको तयार पारिन्छ । त्यस डल्लोलाई पातलो बनाई तताइन्छ ।
- रोटीको डल्लोमा साधारणतया खमिर हालेर फुलाउने गरिन्छ ।
- नफुलोस् भनेर रोटीमा खमिर नहाल्न पनि सकिन्छ । बाइबलमा यसलाई “अखमिरी रोटी” भनिएको छ, र यसलाई यहूदीहरूको निस्तार-चाडको भोजनको लागि प्रयोग गरिन्थ्यो ।
- बाइबलको समयमा रोटी धेरै मानिसहरूका मुख्य खाना भएकोले सामान्य खानालाई जनाउन पनि बाइबलमा यसको प्रयोग गरिएको छ । (हेर्नुहोस्ः अङ्गाङ्गी रूपक)
- पदावली “उपस्थितिको रोटी” ले बाह्वटा रोटीलाई जनाउँथ्यो, जसलाई परमेश्वरको लागि बलिदानको रूपमा पवित्र वासस्थान वा मन्दिरको सुनौलो टेबुलमा राखिन्थ्यो । यी रोटीहरूले इस्राएलका बाह् कुलको प्रतिनिधित्व गर्थे, र यी पूजाहारीहरूले मात्र खान सक्थे । यसलाई “परमेश्वर तिनीहरूका बिचमा बास गर्नुहुन्थ्यो भनी देखाउने रोटी” भनेर अनुवाद गर्न सकिन्छ ।
- आलङ्कारिक पदावली “स्वर्गबाट झरेको रोटी” ले “मन्न” भनिने विशेष किसिमको सेतो भोजनलाई जनाउँथ्यो । इस्राएलीहरू मरुभूमिमा भौँतारिदा परमेश्वरले तिनीहरूका निम्ति यो भोजन जुटाइदिनुभएको थियो ।
- येशूले आफूलाई पनि “स्वर्गबाट ओर्लिआएको रोटी” वा “जीवनको रोटी” भन्नुभयो ।
- येशूको मृत्युअगि उहाँ र उहाँका चेलाहरूले सँगसँगै निस्तार-चाडको भोज खाइरहँदा उहाँले अखमिरी निस्तार-चाडको रोटीलाई आफ्नो देहसित तुलना गर्नुभयो, जसलाई चोट लगाइन्थ्यो र क्रुसमा मारिन्थ्यो ।