5.0 KiB
5.0 KiB
इस्राएलको राज्य
परिभाषा:
सुलेमान राजा मरिसकेपछि, इस्राएल दुई भागमा विभाजन भयो । इस्राएलको राज्य भनेको इस्राएलको दश कुलहरू मिलेर बनेको उत्तरी राज्य थियो ।
- उत्तर इस्राएलको राज्यमा दश कुलहरू थिए, र दक्षिणमा यहूदाको राज्यमा दुईवटाकुलहरू थिए।
- इस्राएल राज्यको राजधानी सामरिया थियो। यो यहूदा राज्यको राजानी सहर यरूशलेमबाट करिब ५० किलोमिटर टाढा थियो।
- इस्राएली राज्यको सबै राजाहरू दुष्ट थिए । यरुशलेमको मन्दिरमा गएर परमेश्वरको आराधना नगर्न तिनीहरूले सबैलाई उक्साए । बरु, मूर्तिहरू तथा झुटा देवताहरूको सेवा गर्न उत्साह दिए ।
- त्यसैले तिनीहरूलाई आक्रमण गर्न र बन्दी बनाउन परमेश्वरले अश्शूरीहरूलाई पठाउनुभयो । धेरै इस्राएलीहरूलाई कैद गरी अश्शूरमा बस्न लागे।
- इस्राएली राज्यको बाँकी रहेका मानिसहरूसँग रहनको लागि अश्शूरीहरूले परदेशीहरूलाई पनि ल्याए । यी परदेशीहरूले इस्राएलीहरूसँग अन्तरविवाह गरे र उनीहरूबाट जन्मिएका सन्तानहरू नै सामरीहरू भए ।
(हेर्नुहोस्ः अश्शूरी, इस्राएल, यहूदा, यरूशलेम, राज्य, सामरीया)
बाइबलका सन्दर्भहरूः
- २ इतिहास ३५ः१८
- यर्मिया ५ः११
- यर्मिया ९ः२६
बाइबलीय कथाहरूबाट उदाहरणहरू
- रहबामको विरुद्ध विद्रोह गर्ने इस्राएल देशका अरू दश कुलहरूले यारोबाम नाम गरेको मानिसलाई तिनीहरूका राजा हुनको निम्ति नियुक्त गरे । तिनीहरूले त्यस क्षेत्रको उत्तरी भागमा तिनीहरूको राज्य खाडा गरे र तिनीहरूलाई इस्राएलको राज्य भनियो ।
- यहूदा र इस्राएलका राज्यहरू एक अर्काको शत्रु भए र कैयौं पटक एक अर्काको विरुद्धमा युद्ध गरे ।
- इस्राएलको नयाँ राज्यमा सबै राजाहरू दुष्ट थिए ।
- इस्राएल र यहूदाका राज्यहरूले परमेश्वरको विरुद्धमा पाप गरे ।
- एउटा शक्तिशाली, क्रूर देश, अश्शूरी साम्राज्यद्वारा इस्राएलको राज्य नष्ट भएको थियो । इस्राएलको राज्यको धेरै मानिसहरूलाई अश्शुरीहरूले मारे, मुल्यवान कुराहरूसबै लगे, र त्यस देशको धेरै भाग जलाइदिए ।
- इस्राएलको राज्य भएको स्थानमा अश्शूरीहरू परदेशीहरूलाई बसोबास गर्न ल्याए । ती परदेशीहरूले त्यो सहरको पुनर्निर्माण गरे र त्यहाँ बाँकी रहेका इस्राएलीहरूसंग विवाह गरे । यसरी परदेशीहरूसंग विवाह गरेर आएका सन्तानहरूलाई सामरी भनेर भनिन्थ्यो ।
शब्द तथ्याङ्क:
- स्ट्रोंग्स: H3478, H4410, H4467, H4468