2.5 KiB
2.5 KiB
होरेब
परिभाषा:
होरेब पर्वत सीनै पर्वतको अर्को नाउँ हो, जहाँ परमेश्वरले मोशालाई दस आज्ञा लेखिएका शिला पाटीहरू दिनुभयो ।
- होरेब पर्वतलाई “परमेश्वरको पर्वत” भनिएको छ ।
- मोशाले भेडाहरू चराइरहँदा जलिरहेको पोथ्रा देखेको ठाउँ होरेब नै थियो ।
- परमेश्वरले इस्राएलीहरूलाई आफ्ना करारहरू प्रकट गराउनुभएको र आफ्ना आज्ञाहरू लेखिएका शिला पाटीहरू तिनीहरूलाई दिनुभएको ठाउँ पनि होरेब नै थियो ।
- इस्राएलीहरू मरुभूमिमा भौँतारिदा तिनीहरूलाई पानी उपलब्ध गराउन परमेश्वरले मोशालाई चट्टानमा हिर्काउनू भनी आज्ञा दिनुभएको ठाउँ यही नै थियो ।
- यो पर्वतको वास्तविक स्थान अज्ञात छ, तर यो ठाउँ हाल सीनै प्रायद्वीप भनेर चिनिने वर्तमान क्षेत्रको दक्षिणमा भएको हुन सक्छ ।
- सम्भवतः “होरेब” पर्वतको वास्तविक नाउँ थियो, र “सीनै पर्वत” को अर्थचाहिँ “सीनैको पर्वत” हो र यसले सीनै मरुभूमिमा पवर्तको अवस्थितिलाई जनाउँछ ।
(हेर्नुहोस्ः करार, इस्राएल, मोशा, सीनै, आज्ञाहरू)
बाइबलका सन्दर्भहरूः
- १ राजा ८ः९-११
- २ इतिहास ५ः९-१०
- व्यवस्था १ः२
- प्रस्थान ०३:१-३
- भजनसंग्रह १०६ः१९
शब्द तथ्याङ्क:
- स्ट्रोंग्स: H2722