52 lines
13 KiB
Markdown
52 lines
13 KiB
Markdown
दृष्टान्त एउटा छोटो कथा हो, जसले केही सत्यता सिकाउँछ र बुझ्न सजिलो, बिर्सन कठिन हुने किसिमले शिक्षा दिन्छ ।
|
|
|
|
### वर्णन
|
|
|
|
दृष्टान्त केही सत्यता सिकाउन भनिने एउटा छोटो कथा हो । दृष्टान्तका घटनाहरू हुन सके पनि तिनीहरू वास्तवमा भएका हुँदैनन् । श्रोताले बुझ्नुपर्ने शिक्षा(हरू) दिन तिनीहरू भनिन्छ । दृष्टान्तमा कुनै अमुक व्यक्तिको नाम विरलै मात्र हुन्छ । (यसले तपाईंलाई दृष्टान्त के हो र वास्तविक घटनाको विवरण के हो पहिचान गर्न सहायता गर्न सक्छ ।) दृष्टान्तमा [उपमा] (../figs-simile/01.md) र [रूपक](../figs-simile/01.md) जस्ता अलङ्कारको प्रयोग गरिन्छ ।
|
|
|
|
> अनि उहाँले तिनीहरूलाई एउटा दृष्टान्त पनि भन्नुभयो: “अन्धा मानिसले अन्धा मानिसलाई डोर्याउन सक्दैन, सक्छ र? के तिनीहरू दुवै खाडलमा पर्दैनन् र?” (लूका ६:३९ यूएलटी )
|
|
|
|
यदि कुनै व्यक्तिसँग आत्मिक समझ छैन भने उसले अरू कसैलाई आत्मिक कुराहरू बुझ्न सहायता गर्न सक्दैन भन्ने कुरा यो दृष्टान्तले सिकाउँछ ।
|
|
|
|
### बाइबलबाट लिइएका उदाहरणहरू
|
|
|
|
> न त मानिसहरूले बत्ती बाल्छन् र यसलाई पाथीले छोप्छन्, तर, बरु, सामदानमा राख्दछन्, र घरमा हुने सबैको निम्ति यसले उज्यालो दिन्छ । यसरी नै तिमीहरूको ज्योति मानिसहरूका सामुन्ने चम्कोस्, र तिनीहरूले तिमीहरूका सुकर्म देखून्, र स्वर्गमा हुनुहुने तिमीहरूका पिताको महिमा गरून् । (मत्ती ५:१५-१६ यूएलटी)
|
|
|
|
हामीले परमेश्वरको निम्ति जसरी जिउँछौँ सो अन्य मानिसहरूबाट लुकाउनु हुँदैन भनी यो दृष्टान्तले सिकाउँछ ।
|
|
>
|
|
> त्यसपछि शूले तिनीहरूलाई अर्को दृष्टान्त प्रस्तुत गर्नुभयो । उहाँले भन्नुभयो, “स्वर्गको राज्य रायोको दानाजस्तो हो, जसलाई एक जना मानिसले लगेर आफ्नो बारीमा रोप्यो । त्यो बीउहरूमा सबैभन्दा सानो हुन्छ । तर जब यो बढ्छ, तब त्यो सबै सागपातहरूभन्दा ठुलो हुन्छ र रूख नै भइहाल्छ, त्यसैले आकाशका चराचुरुङ्गीहरू आउँछन् र त्यसका हाँगाहरूमा गुँड लाउँछन् ।” (मत्ती १३:३१-३२ यूएलटी)
|
|
|
|
परमेश्वरको राज्य सुरुमा सानो देखिन सक्छ, तर त्यो बढेर सारा संसारमा फैलने छ भनी यो दृष्टान्तले सिकाउँछ ।
|
|
|
|
### अनुवादका रणनीतिहरू
|
|
|
|
१. यदि दृष्टान्तमा थाहा नभएका वस्तुहरू प्रयोग गरिएको कारण यसलाई बुझ्न कठिन हुन्छ भने तपाईंले ती अज्ञात वस्तुहरूको सट्टामा आफ्नो संस्कारका मानिसहरूले जान्ने वस्तुहरू प्रतिस्थापन गर्न सक्नुहुन्छ । यद्यपि, शिक्षा उही रहोस् भन्ने कुरामा सावधान हुनु होला ।
|
|
|
|
२. यदि दृष्टान्तको शिक्षा स्पष्ट छैन भने, यसले सिकाउन खोजेको कुरालाई परिचयमा राख्नुहोस्, जस्तै "येशूले यो कथा दयालु हुनेबारे बताउनुभएको हो ।"
|
|
|
|
### अनुवाद रणनीतिहरू प्रयोग गरिएका उदाहरणहरू
|
|
|
|
१. यदि दृष्टान्तमा थाहा नभएका वस्तुहरू प्रयोग गरिएको कारण यसलाई बुझ्न कठिन हुन्छ भने तपाईंले ती अज्ञात वस्तुहरूको सट्टामा आफ्नो संस्कारका मानिसहरूले जान्ने वस्तुहरू प्रतिस्थापन गर्न सक्नुहुन्छ । यद्यपि, शिक्षा उही रहोस् भन्ने कुरामा सावधान हुनु होला ।
|
|
|
|
> येशूले तिनीहरूलाई भन्नुभयो, “बत्ती पाथीमुनि वा खाटमुनि राख्न भित्र ल्याइँदेैन, ल्याइन्छ त? के **सामदान**माथि राख्न भनेर होइन र? “ (मर्कूस ४:२१ यूएलटी)
|
|
|
|
यदि मानिसहरूले सामदान भनेको बुझ्दैनन् भने घरमा उज्यालो दिनलाई बत्ती राख्न प्रयोग गरिने अर्को बुझिने शब्द प्रयोग गर्नुहोस् ।
|
|
|
|
> > येशूले तिनीहरूलाई भन्नुभयो, “बत्तीलाई बालेर पाथीमुनि वा खाटमुनि राख्न ल्याइँदैन, होइन र? के यसलाई **अग्लो आलमारी** माथि राख्न भनेर होइन र?
|
|
>
|
|
> त्यसपछि शूले तिनीहरूलाई अर्को दृष्टान्त प्रस्तुत गर्नुभयो । उहाँले भन्नुभयो, “स्वर्गको राज्य रायोको दानाजस्तो हो, जसलाई एक जना मानिसले लगेर आफ्नो बारीमा रोप्यो । त्यो बीउहरूमा सबैभन्दा सानो हुन्छ । तर जब यो बढ्छ, तब त्यो सबै सागपातहरूभन्दा ठुलो हुन्छ र रूख नै भइहाल्छ, त्यसैले आकाशका चराचुरुङ्गीहरू आउँछन् र त्यसका हाँगाहरूमा गुँड लाउँछन् ।” (मत्ती १३:३१-३२ यूएलटी)
|
|
|
|
बीउ छर्नुको अर्थ फ्याँक्नु हो ताकि तिनीहरू जमिनभरि छरिऊन् । यदि मानिसहरू छर्ने कुरासँग परिचित छैन भने, तपाईंले यसलाई रोप्नु भनी लेख्न सक्नुहुन्छ ।
|
|
|
|
> > येशूले तिनीहरूलाई अर्को दृष्टान्त भन्नुभयो, “स्वर्गको राज्य रायोको दानाजस्तो हो, जो एक जना मानिसले लगेर आफ्नो बारीमा **रोप्यो** । त्यो बीउहरूमा सबैभन्दा सानो हुन्छ, तर जब बढ्छ, तब त्यो सबै सागपातहरूभन्दा ठुलो हुन्छ र रूख नै भइहाल्छ । आकाशका चराचुरुङ्गीहरू आउँछन् र यसको हाँगाहरूमा गुँड लाउँछन् । ”
|
|
|
|
२. यदि दृष्टान्तको शिक्षा स्पष्ट छैन भने, यसले सिकाउन खोजेको कुरालाई परिचयमा राख्नुहोस्, जस्तै "येशूले यो कथा दयालु हुनेबारे बताउनुभएको हो ।"
|
|
|
|
> **येशूले तिनीहरूलाई भन्नुभयो**, “बत्ती बालेर पाथीमुनि वा खाटमुनि राख्न भित्र ल्याइँदैन, ल्याइन्छ र? के यसलाई सामदानमाथि राख्न भनेर होइन र? (मर्कूस ४:२१ यूएलटी)
|
|
>
|
|
>> **तिनीहरूले किन खुला रूपमा गवाही दिनुपर्छ भन्ने कुरा सिकाउन तिनीहरूलाई एउटा दृष्टान्त भन्नुभयो**, “बत्ती बालेर पाथीमुनि वा खाटमुनि राख्न भित्र ल्याइँदैन, ल्याइन्छ र? के यसलाई सामदानमाथि राख्न भनेर होइन र? (मर्कूस ४:२१ यूएलटी)
|
|
>
|
|
> **त्यसपछि येशूले तिनीहरूलाई अर्को दृष्टान्त भन्नुभयो ।** उहाँले भन्नुभयो, “स्वर्गको राज्य रायोको दानाजस्तो हो, जसलाई एक जना मानिसले लगेर आफ्नो बारीमा छर्यो । त्यो बीउहरूमा सबैभन्दा सानो हुन्छ, तर जब बढ्छ, तब यो बगैँचाका बिरूवाहरूभन्दा ठुलो हुन्छ । यो रूख हुन्छ, त्यसैले आकाशका चराचुरुङ्गीहरू आउँछन् र यसका हाँगाहरूमा गुँड लाउँछन् । (मत्ती १३:३१-३२ यूएलटी)
|
|
>
|
|
>> **त्यसपछि स्वर्गको राज्य कसरी वृद्धि हुन्छ भन्ने बारे येशूले तिनीहरूलाई अर्को दृष्टान्त भन्नुभयो ।** उहाँले भन्नुभयो, “स्वर्गको राज्य रायोको दानाजस्तो हो, जसलाई एक जना मानिसले लगेर आफ्नो बारीमा छर्यो । त्यो बीउहरूमा सबैभन्दा सानो हुन्छ, तर जब बढ्छ, तब यो बगैँचाका बिरूवाहरूभन्दा ठुलो हुन्छ । यो रूख हुन्छ, त्यसैले आकाशका चराचुरुङ्गीहरू आउँछन् र यसका हाँगाहरूमा गुँड लाउँछन् ।
|