ne_ta/translate/translate-bweight/01.md

### वर्णन

तल दिइएका शब्दहरू बाइबलमा अक्सर प्रयोग गरिने तौलका एकाइहरू हुन् । "शेकेल" को अर्थ "तौल" हुन्छ र अन्य धेरे तौलहरूलाई शेकेलको रूपमा व्यक्त गरिएका छन् । यी मध्ये केही तौलहरू पैसाको निम्ति पनि प्रयोग गरिएका छन् । तलको तालिकामा दिइएका मापन प्रणालीहरू बाइबलीय मापनसँग हुबहु मिल्दैनन् । बाइबलीय मापन समय र ठाउँअनुसार फरक फरक थिए । तल दिइएका समकक्षीय मापनहरू औषत मापन मात्र हुन् ।

| मूल मापन | शेकेल | ग्राम | किलोग्राम |
|--------------------|----------|---------|------------|
|शेकेल | १ शेकेल |११ ग्राम |  - |
| बेका  |  १/२ शेकेल |  ५.७ ग्राम |   - |
| पिम  |  २/३ शेकेल |  ७.६ ग्राम |  - |
| गेरा  |  १/२० शेकेल |  ०.५७ ग्राम |  - |
| मिना  |  ५० शेकेल |  ५५० ग्राम |  १/२ किलोग्राम |
| तोडा  |  ३,००० शेकेल |  - |  ३४ किलोग्राम |

#### अनुवादका सिद्धान्तहरू

१. बाइबलका समयका मानिसहरूले मिटर, लिटर, र किलोग्रामजस्ता आधुनिक मापनहरूको प्रयोग गर्दैन थिए । मूल मापनहरूको प्रयोग गर्दा मानिसहरूलाई बाइबल धेरै वर्ष अगाडि लेखिएको थियो भन्‍ने कुरा बुझ्‍न मदत मिल्छ ।
२. आधुनिक मापनको प्रयोगले पाठकहरूलाई पाठ अझ स्पष्टसँग बुझ्‍नलाई मदत मिल्छ ।
३. जुनसुकै मापनको प्रयोग गरेता पनि पनि पादटिप्पणीमा वा पाठमा अर्को मापन प्रणालीलाई उल्लेख गर्नु असल हुन्छ ।
४. यदि तपाईंले बाइबलीय मापनहरूको प्रयोग गर्नुहुन्‍न भने पाठकहरूलाई ती मापनहरू सही छन् भन्‍ने भान पर्न नदिनुहोस् । उदाहरणको निम्ति, यदि तपाईंले गेरालाई ".५७" ग्राम भनेर अनुवाद गर्नुभयो भने पाठकहरूले त्यो मापन सही हो भन्‍ने बुझ्छन् । यसको साटोमा "आधा" किलो भन्‍नु ठिक हुन्छ ।
५. कहिलेकाहीँ मापन ठ्याक्कै मिल्दैन भन्‍ने जनाउन "लगभग" शब्दको प्रयोग गर्नु उचित हुन्छ । उदाहरणको निम्ति, २ शमूएल २१:१६ मा इश्‍बी-बनोबको भालाको तौल ३०० शेकेल थियो भनिएको छ । यसलाई "३३०० ग्राम" वा "३.३ किलोग्राम" भनेर अनुवाद गर्नुको साटो यसलाई "लगभग साढे तिन किलोग्राम" भनेर अनुवाद गर्न सकिन्छ ।
६. परमेश्‍वरले मानिसहरूलाई यति वजनको भनेर तोकेको कुरालाई "लगभग" भनेर अनुवाद नगर्नुहोस् । यसले परमेश्‍वरले वजनको बारेमा ठ्याक्कै भन्‍न सक्नुहुन्‍न रहेछ भन्‍ने अर्थ दिन्छ ।

### अनुवादका रणनीतिहरू

१. युएलटीमा प्रयोग गरिएका मापनहरूको प्रयोग गर्नुहुोस् । यी मापनहरू मूल लेखकहरूले प्रयोग गरेका मापनहरूसँग मेल खान्छन् । तिनीहरूको उच्चारण युएलटीमा भएको जस्तै गरी प्रयोग गर्नुहोस् । (हेर्नुहोस् [शब्दहरूको नक्कल वा सापटी](../translate-transliterate/01.md))
२. युएसटीमा प्रयोग गरिएका मापनहरूको प्रयोग गर्नुहोस् । युएसटीका लेखकहरूले मापन प्रणालीलाई कसरी व्यक्त गर्ने भन्‍ने कुराको निर्णय सोच विचार गरेर नै गरेका हुन् ।
३. तपाईंको भाषामा प्रयोग गरिएको मापनहरूको प्रयोग गर्नुहोस् । यसो गर्नको निम्ति तपाईंले हरेक मापनको निम्ति तपाईंको मापन प्रणालीलाई मेट्रिक मापन प्रणालीसँग जोड्नुपर्छ ।
४. युएलटीको मापनहरूको प्रयोग गर्नुहोस् र तपाईंका मानिसहरूले बुझ्‍ने मापनलाई पाठमा वा टिप्पणीमा उल्लेख गर्नुहोस् ।
५. तपाईंका मानिसहरूले जानेका मापनहरूको प्रयोग गर्नुहोस् र युएलटीका मापनहरूलाई पाठमा वा टिप्पणीमा उल्लेख गर्नुहोस् ।

### अनुवाद रणनीतिहरूको प्रयोग

रणनीतिहरूलाई प्रस्थान ३८:२९ मा प्रयोग गरिएको छ ।

* **डोलाइने बलिको काँसो <u>सत्तरी तोडा र दुई हजार चार सय शेकेलको</u> थियो ।** (प्रस्थान ३८:२९ यूएलटी)

१. युएलटीमा प्रयोग गरिएका मापनहरूको प्रयोग गर्नुहुोस् । यी मापनहरू मूल लेखकहरूले प्रयोग गरेका मापनहरूसँग मेल खान्छन् । तिनीहरूको उच्चारण युएलटीमा भएको जस्तै गरी प्रयोग गर्नुहोस् । (हेर्नुहोस् [शब्दहरूको नक्कल वा सापटी](../translate-transliterate/01.md))

  * “डोलाइने बलिको काँसो <u>सत्तरी तोडा र २,४०० शेकेलको</u> थियो ।”

२. युएसटीमा प्रयोग गरिएका मापनहरूको प्रयोग गर्नुहोस् । युएसटीका लेखकहरूले मापन प्रणालीलाई कसरी व्यक्त गर्ने भन्‍ने कुराको निर्णय सोच विचार गरेर नै गरेका हुन् ।

  * “डोलाइने बलिको काँसो <u>२,४०० किलोग्राम</u> थियो ।”

३. तपाईंको भाषामा प्रयोग गरिएको मापनहरूको प्रयोग गर्नुहोस् । यसो गर्नको निम्ति तपाईंले हरेक मापनको निम्ति तपाईंको मापन प्रणालीलाई मेट्रिक मापन प्रणालीसँग जोड्नुपर्छ ।

  * “डोलाइने बलिको काँसो <u>५,३०० पाउण्ड</u> थियो ।”

४. युएलटीको मापनहरूको प्रयोग गर्नुहोस् र तपाईंका मानिसहरूले बुझ्‍ने मापनलाई पाठमा वा टिप्पणीमा उल्लेख गर्नुहोस् । तल यी दुबै मापनहरूलाई पाठमा उल्लेख गरिएको छ ।१

  * “डोलाइने बलिको काँसो <u>सत्तरी तोडा (२,३८० किलोग्राम)</u> र  <u>२,४०० शेकेल(२६.४ किलोग्राम)</u> थियो ।”

५. तपाईंका मानिसहरूले जानेका मापनहरूको प्रयोग गर्नुहोस् र युएलटीका मापनहरूलाई पाठमा वा टिप्पणीमा उल्लेख गर्नुहोस् । तल युएलटीको मापनलाई टिप्पणीमा दिइएको छ ।

  * “डोलाइने बलिको काँसो <u>सत्तरी तोडा  र २,४०० शेकेल</u> थियो ।
      * पादटिप्पणीमा यस्तो देखिन्छः

<sup>[१]</sup> यसको जम्मा तौल २,४०० किलोग्राम थियो ।