43 lines
6.3 KiB
Markdown
43 lines
6.3 KiB
Markdown
# ३४. येशूले अरू कथाहरू सिकाउनुभयो
|
|
|
|
![OBS Image](https://cdn.door43.org/obs/jpg/360px/obs-en-34-01.jpg)
|
|
|
|
परमेश्वरको राज्यको विषयमा येशूले अरू थुप्रै कथाहरू भन्नुभयो । उदाहरणका लागि, उहाँले भन्नुभयो, “परमेश्वरको राज्य एउटा रायोको बिउजस्तै हो, जुन कसैले आफ्नो खेतमा लगायो । तिमीहरूलाई थाहै छ, कि रायोको बिउ बिउहरूमा सबैभन्दा सानो हुन्छ ।”
|
|
|
|
![OBS Image](https://cdn.door43.org/obs/jpg/360px/obs-en-34-02.jpg)
|
|
|
|
“तर जब रायोको बिउ उम्रिन्छ, तब त्यो बगैँचाका विरुवाहरूमा सबैभन्दा ठूलो हुन्छ, यति ठूलो कि चराहरू पनि आएर त्यसका हाँगाहरूमा आराम गर्छन् ।”
|
|
|
|
![OBS Image](https://cdn.door43.org/obs/jpg/360px/obs-en-34-03.jpg)
|
|
|
|
येशूले अर्को कथा भन्नुभयो, “परमेश्वरको राज्य खमिरजस्तो हो जुन एउटी स्त्रीले रोटी बनाउने पीठोको डल्लासँग मिसाइन्, र त्यो खमीरले पीठोको सबै डल्लालाई खमिरी बनाइदियो ।”
|
|
|
|
![OBS Image](https://cdn.door43.org/obs/jpg/360px/obs-en-34-04.jpg)
|
|
|
|
“परमेश्वरको राज्य एक गाढधनजस्तो पनि हो, जुन कुनै मानिसले जमिनभित्र लुकाएर राखेको थियो । कुनै अर्को एकजना व्यक्तिले त्यस गाढधन भेट्टायो र फेरि त्यसलाई गाड्यो । अनि ऊ खुसीले यति प्रफुल्ल भयो, कि उसले गएर आफूसँग भएका सबैथोक बेच्यो र त्यसबाट आएको पैसाले त्यो खेत किन्यो ।”
|
|
|
|
![OBS Image](https://cdn.door43.org/obs/jpg/360px/obs-en-34-05.jpg)
|
|
|
|
“परमेश्वरको राज्य शुद्ध मूल्यवान मोतीजस्तो पनि हो । जब कुनै एक मोती व्यापारीले त्यसलाई भेट्टायो, उसले आफूसँग भएका सबैथोक बेच्यो र त्यसबाट आएको पैसा त्यस मोती किन्नमा खर्च गर्यो ।”
|
|
|
|
![OBS Image](https://cdn.door43.org/obs/jpg/360px/obs-en-34-06.jpg)
|
|
|
|
अनि येशूले केही मानिसहरूलाई एउटा कथा भन्नुभयो, जसले आफ्ना असल कामहरूमा भरोसा गर्दथे र अरू मानिसहरूलाई घृणा गर्दथे । उहाँले भन्नुभयो, “दुईजना मानिसहरू मन्दिरमा प्रार्थना गर्न गए । तीमध्ये एउटा कर उठाउने मानिस थियो, र अर्कोचाहिँ एकजना धार्मिक अगुवा थियो ।”
|
|
|
|
![OBS Image](https://cdn.door43.org/obs/jpg/360px/obs-en-34-07.jpg)
|
|
|
|
“त्यस धार्मिक अगुवाले यसो भन्दै प्रार्थना गर्यो, ‘धन्यवाद, परमेश्वर, म अरू मानिसहरू जस्तो पापी छैन (जस्तैः लुटेराहरू, अन्यायी मानिसहरू, व्यभिचारीहरू, अथवा अझ त्यो कर उठाउने मानिस जस्तो ।’”
|
|
|
|
![OBS Image](https://cdn.door43.org/obs/jpg/360px/obs-en-34-08.jpg)
|
|
|
|
“म हरेक हप्ता दुईपटक उपवास बस्छु र मैले पाएको सबै पैसा र सबै थोकको दशौँ हिस्सा तपाईंलाई दिन्छु ।”
|
|
|
|
![OBS Image](https://cdn.door43.org/obs/jpg/360px/obs-en-34-09.jpg)
|
|
|
|
“तर त्यस कर उठाउने मानिसचाहिँ धार्मिक अगुवाभन्दा टाढै बस्यो, र स्वर्गतिर आफ्नो आँखा पनि उठाएन । बरू, उसले मुड्कीले आफ्नो छाती पिट्यो अनि प्रार्थना गर्यो, ‘परमेश्वर, कृपया ममाथि दया देखाउनुहोस् किनकि म एक पापी हुँ ।’”
|
|
|
|
![OBS Image](https://cdn.door43.org/obs/jpg/360px/obs-en-34-10.jpg)
|
|
|
|
त्यसपछि येशूले भन्नुभयो, “म तिमीहरूलाई साँच्चै भन्दछु, परमेश्वरले त्यस कर उठाउने व्यक्तिको प्रार्थना सुन्नुभयो र उसलाई धर्मी ठहराउनुभयो । तर उहाँलाई त्यस धार्मिक अगुवाको प्रार्थना मनपरेन । हरेक जसले आफूलाई उच्च ठान्दछ, परमेश्वरले त्यसलाई होच्याउनुहुनेछ, तर जसले आफूलाई होच्याउछ त्यसलाई उच्च पारिनेछ ।”
|
|
|
|
__बाइबलको कथा: मत्ती १३:३१-३३, ४४-४६; मर्कूस ४:३०-३२; लूका १३:१८-२१; १८:९-१४ बाट__ |