1.2 KiB
Kun koise apuni lengta ase koikena?
Nohoilebi, “Apunikhan kineka kurikena lengta ase koikena janise?” Isor itu kotha laga jawab jani thakise. Hoilebi tai itu aru dusra ekta kotha huta toh, Adam galti kora tai ke kobo dibo nimite ekta homoi di thakise. Lengta thaka toh pap nohoi. Taikhan lengta ase jani ja-a toh hi digdar kotha hoise. Taikhan sorom kuri thaka pora taikhan pap kura dikhaidise.
tai moike gash laga gutitu dise
Mota pora maiki ke bodnam dise, hoilebi tai nijor pora Isor laga kotha namana aru tai galti kora toh mananai.
apuni ki kurise?
Nohoilebi, “apuni kile itu kurise?” Isor itu kotha laga jawab jani thakise. Hoilebi tai itu huta toh, maiki ke tai galti kora kobo paribo nimite ekta homoi di thakise. Aru tai itu bi bhabibo dibo mon asile tai nakuribole thaka kam ekta kurise.
utu sap pora amike thogaise
Utu sap pora taike misa koise nohoile bi taike bia bhabona dise. Tai ke misa koise. Iyate ineka kotha cholabo nalage jun pora ineka lagibo sap pora maiki ke jadu kuridise nohoilebi tai ke jadu pora dimag dhuriloise. Utu maiki toh sap ke bodnam dise hoilebi tai nijor pora Isor laga kotha namana aru tai galti kora toh mananai.