8.4 KiB
8.4 KiB
देवदूत, आद्यदेवदूत
व्याख्या:
परमेश्वराने निर्माण केलेला देवदूत एक शक्तिशाली आत्मा आहे. देवदूतांना परमेश्वर जे काही करायला सांगेल, ते करून देवाची सेवा करण्यासाठी ते अस्तित्वात आहेत. "आद्यदेवदूत" ही संज्ञा इतर देवदूतांवर अधिकार असलेला किंवा इतर सर्व देवदूतांचे नेतृत्व करणाऱ्या देवदुताला संदर्भित करते.
- "देवदूत" या शब्दाचा शब्दशः अर्थ "संदेशवाहक" असा होतो.
- "आद्यदूत" या शब्दाचा शब्दशः अर्थ "मुख्य संदेशवाहक" असा होतो. पवित्र शास्त्रामध्ये "आद्यदेवदूत" म्हणून संदर्भित केलेला एकमेव देवदूत मिखाएल हा आहे.
- पवित्र शास्त्रामध्ये, देवदूतांनी देवाकडील संदेश लोकांना दिला. या संदेशांमध्ये लोकांबद्दल देवाची काय इच्छा आहे, याविषयीच्या सूचनेचा समावेश होता.
- देवदूतांनी भविष्यात होणाऱ्या घटनांविषयी किंवा आधीच घडलेल्या घटनांविषयी लोकांना सांगितले.
- देवदूतांना परमेश्वराचे प्रतिनिधी म्हणून त्याचे अधिकार आहेत आणि काहीवेळा पवित्र शास्त्रामध्ये ते असे बोलत होते जसे की देव स्वत: बोलत होता.
- देवदूत देवाची सेवा करतात याचे इतर मार्ग म्हणजे लोकांचे संरक्षण करणे आणि त्यांना बळकट करणे.
- एक विशेष वाक्यांश, "यहोवाचा दूत" या वाक्याचा एकापेक्षा अधिक संभाव्य अर्थ आहे: 1) याचा अर्थ "देवदूत जो यहोवाचे प्रतिनिधित्व करतो" किंवा "दूत जो यहोवाची सेवा करतो" असा होऊ शकतो. 2) तो कदाचित स्वतःदेवाला संदर्भित करू शकते, जेव्हा तो एखाद्या व्यक्तीशी बोलला तेव्हा तो एका देवदूतासारखा दिसला. यापैकी एक अर्थ "मी" या शब्दाचा देवदूतांनी केलेला वापर स्पष्ट करतो, जसे की यहोवा स्वतः बोलत होता.
भाषांतर सूचना
- "देवदूताचे" भाषांतर "परमेश्वराचा दूत" किंवा "देवाच्या आत्म्याने संदेशवाहन करणारा" किंवा "देवाचा स्वर्गीय सेवक" या मार्गाने देखील होऊ शकते.
- "आद्यदेवदूत" या शब्दाचे भाषांतर "प्रमुख देवदूत" किंवा "मुख्याधिकारी देवदूत" किंवा "देवदूतांचा पुढारी" असे होऊ शकते.
- या संज्ञा राष्ट्रीय भाषा किंवा अन्य स्थानिक भाषेत कशा प्रकारे भाषांतरित केल्या जातात ते देखील विचारात घ्या.
- "यहोवाचा दूत" हा वाक्यांश "देवदूत" आणि "यहोवा" या शब्दांचा उपयोग करून भाषांतरित केला पाहिजे. हे त्या वाक्यांशाच्या विविध अर्थांसाठी अनुमती देईल. संभाव्य भाषांतरांमध्ये "यहोवाकडील देवदूत" किंवा "यहोवाने पाठवलेले देवदूत" किंवा "यहोवा, जो एका देवदूतासारखा दिसला" ह्याचा समावेश होऊ शकतो.
(हे देखील पाहाः अज्ञात कसे भाषांतरित करावे)
(हे देखील पाहा : प्रमुख, प्रधान, दूत, मिखाएल, शासक, सेवक)
पवित्र शास्त्रामधील संदर्भ:
- 2 शमुवेल 24:16
- प्रेषितांची कृत्ये 10:3-6
- प्रेषितांची कृत्ये 12:23
- कलस्सैकरांस पत्र 2:18-19
- उत्पत्ति 48:16
- लुक 2:13
- मार्क 8:38
- मत्तय 13:50
- प्रकटीकरण 1:20
- जखऱ्या 1:9
पवित्र शास्त्राच्या कथेतील उदाहरणे:
- 02:12 कोणीही जीवनाच्या झाडाचे फळ खाऊ नये म्हणून देवाने बागेच्या प्रवेशद्वारावर मोठ्या शक्तीशाली देवदूतांचा ठेवले.
- 22:03 देवदूत जख-यास म्हणाला,‘‘तुला ही सुवार्ता सांगण्यासाठी देवाने मला पाठविले आहे.
- 23:06 अचानक, एक तेजस्वी देवदूत त्यांच्यासमोर प्रकट झाला ( मेंढपाळांना), आणि ते खूप घाबरले. देवदूत म्हणाला, ‘‘भिऊ नका, कारण मी तुम्हासाठी मोठ्या आनंदाची बातमी घेऊन आलो आहे.
- 23:07 अचानक, आकाश स्तुती करणाऱ्या देवदूतांनी भरले.’’
- 25:08 मग देवदूतांनी येऊन येशूची सेवा केली.
- 38:12 येशू खूप व्याकूळ झाला व त्याचा घाम रक्ताच्या थेंबासारखा झाला. देवाने त्यास बळ देण्यासाठी एक देवदूत पाठविले.
- 38:15 मी पित्यास माझ्या बचावासाठी देवदूतांचे सैन्य मागू शकतो.
शब्द माहिती:
स्ट्रोंग. एच0047, एच0430, एच4397, एच4398, एच8136, जी00320, जी07430, जी24650